نشر في النمسا

بدويه في اوروبا

ام نوره ...

08-06-2022 - 05:13 pm

بسم الله الرحمن الرحيم...
مرحبا اعضاء منتدى العرب المسافرون...
ما اثقل عليكم ودي اسافر في الصيف (ان شاء الله)الى النمسا وانا لا اجيد اللغه الانجليزيه يدوب امشي نفسي..هل اقدر اسافر لها ؟؟؟ ومع العلم انها اول مره ازور اوروبا.....
وش تنصحوني فيه ؟؟؟ حبيت اقولكم اني احبي الارياف مووت اكره المدن ...ارجوا منكم المساعده..
وجزاكم الله خير

التعليقات (7)

مدمنة سفريات

08-06-2022 - 08:42 pm

من بيسافر معك طيب ؟

36r

08-06-2022 - 09:43 pm

عادي انا سافرت واعرف القليل من المصطلحات ومشت اموري مثل الحلاوه
لاتشيلين هم هذا الموضوع
والمناطق الريفيه زلام سي بالنمسا مره رهيبه

فرفوشه

08-06-2022 - 10:44 pm

واجد اشوف ناس مايتقنون الانقليزيه ومع ذلك ممشين امورهم
اهم شي اعرفي لك كم كلمه تخدمك في حجوزات التذاكر وفي المطار
والباقي عادي ,,
كثير راح تقابلين عرب هناك ( مصريين وسوريين وعراقيين )
مشكله النمساويين مايعترفون الا بلغتهم الالمانيه
بس الفنادق والاماكن السياحيه يتكلمون موظفينهم الانقليزيه ..

انترناشونال

08-06-2022 - 11:45 pm

الأخت أم نورة
أتوقع والله العالم راح تحطين خيمة وتسكنين هناك الجو عجيب وخيالي
واللغة بالأشارة لا تنقلين هم شدعوه هم يعرفون أنجليزي نصهم ما يعرف إلا ألماني
زهبوا الجناط بس
وتروحون وتردون بالسلامة

دمووع^الحزن

09-06-2022 - 12:46 am

توكلي على الله ولا تردك الا التذاكر
وادعي لنا

ام نوره ...

09-06-2022 - 01:47 am

انا ام نوره ..((بدويه في اوروبا))
اشكر كل من رد علي ...يا جعل ربي يسعدكم ....وشكرا يا ((انتر ناشونال))على فكرة الخيمه ....واخاف اذا طقيت الخيمه
يحطوني مع المتخلفين للترحيل وتلقاني في حدث الاسبووع تحت عنواان {بدويه داخل خيمتها في الريف النمسااوي}وابشر
انت وكل الاعضااء باحلى سمن ولبن نمسااوي

سيسبان

09-06-2022 - 02:48 am

لم أسافر لأوروبا ( عدا تركيا ،،،، زمان )
ولكن مادام معك بعض المصطلحات تقدرين تدبرين نفسك ، وكذلك أنصحك بتعلم اللغة من الآن ، وكتابة بعض المصطلحات التي قد تفيدك .
يعني تخيلي نفسك في مطعم .. اش تبغين تقولين ؟؟
في المطار .. كذلك .. الخ
وبالتوفيق لك
وانا حاجز لي سمن ولبن وبغاه بالزبد بعد .

النمسا المسافرون العرب

بدويه في اوروبا