engkhadkhad
21-11-2022 - 11:19 pm
أعزائي أعضاء المنتدى الاكثر من رائع .. وايد اشياء مدوختني لأن السفر قرب ما ادري شكتب وشخلي وكل ما اكتب موضوع يطلع لي 1000000 سؤال .. ادري اذيتكم ;) بس شسوي مالي غيركم احد يساعدني من بعد الله سبحانه
سؤالي الاول : هل اقدر في 5 ايام اشوف هالأماكن :
1- Big Ben
2- London Eye
3- London Bridge
4- متحف الشمع ومتحف مدام توسو
5- قصر باكنجهام
6 اركب باص لندن
7- الاكواريم وحديقة الحيوان ؟؟؟؟؟؟
ادري ماخليت وقت للشوبنج بس انا من الحريم الي مايحبون الشوبنج كثر السياحه لاتستغربون مني يابنات المنتدى بس بصراحه الكويت موقاصرها شي من الشوبنج ومليت من الاسواق حتى لو بتسوق بلندن بروح يوم واحد هارودز اخلص شغلي كله وافتك
بليز اذا تساعدوني في ترتيب هالاماكن علشان اقدر اروح لأكثرها خلال مدة سفرتي القصيرة وألف شكر لكم
2- London Eye
والاكواريوم
وعلى ما اعتقد لندن بريدج هذيلا كلهم يم بعض
يعني بأقل من يوم تخلصينهم
لاتنسين لندن دينجن اذا ماكان معاكم يهال صغار
ولاتنسون ككاوات لندن المعروفه
ولاتنسون الفيش اند جيبس
ولاتنسين البيكاديلي سيركس اللي التمشي فيه يرد الروح
ولاتنسين السبيكرز كورنر لو كنتي هناك يوم الأحد >> بس لاترفعين ضغطج لاشفتي واحد طاب بالخليج خصوصا بعض اللي مالهم داعي ويسبون ,,
ولاتنسين شارع اوكسفورد والله موشرط تتسوقين فيه بس اتمشين وتشوفين العالم واللي رايح واللي راد هذي كفايه
وتقدرين تروحين برحلات مع المكاتب السياحيه اللي بشارع ادجورود ,, يودونكم رحلات جماعيه لحديقة الحيوانات السفاري
ويودون برايتون ويودون اماكن وايد ,,
يعني لندن مو كلها سوق بسوق وهذا افضل شي انها فيها تمشي وسياحه وفيها سوق
موفقه ان شاء الله ولاتنسينا بالصوغه :P