وعليكم السلام ورحمة الله وبركاته ::
حياك الله اخوي .
بالنسبة للقمة ..انا افضل الصعود لها عن طريق لوتربرونن ..لأن ممكن قبلها تزور شلال التروميل باخ ..ثم توقف السيارة في محطة لوتربرونن وتطلع بالقطار الى القمة .
وبالنسبة للسويس هاف فير ...اذا كان مجموع تنقلات الفرد الواحد بالمواصلات العامة اكثر من 220 فرنك ..راح تستفيد منها .
راح تقولي كيف ؟اعطيك مثال:الصعود لقمة اوروبا مثلا ..يكلف للشخص 170 فرنك ..مع زيارة شلال بالصعود له 10 فرنكات ..مع صعود لقمة اخرى ب 90 فرنك المجموع = 270 فرنك ....بدون بطاقة الهاف فير.
ولو معاك البطاقة ..قيمتها 120 فرنك + نفس الانشطة اللي فوق بس 50 % من قيمتها .يعني :120 + 85 + 5 + 45 = 255 فرنك .
فيبقى انتم استفدتم من البطاقة بتوفير (270 - 255 = 15 فرنك )
>> ترى هذا مثال بسيط ..وممكن تكون تنقلاتكم اكثر من كذا .
وبالتووفيق

الله يعطيك العافيه طيب برأيك ياغالي هل تنصح بزيارة هذي القمه والا في وحده ثانيه تغني عنها أنا نفسي ازور اجمل قمه ومو متعبه وماتتفوت خلال زيارتي

والله يا طويل العمر ..قمة اوروبا جميلة وتاخذ منك ساعتين للوصول .وساعتين للعودة ..بالقطار الجبلي ..
الرحلة بمجملها جميلة جدا ..ويفضل ان تكون الزيارة في وقت تكون فيه الاجواء في القمة صافية ...
ويوجد كهف جليدي مرة جميل في الاعلى .
صحيح غالية ..170 فرنك للشخص الواحد ..بس تستاهل .
ويوجد تغيير للقطار في محطة كلاين شتج ..قرية حلوة وصغيرة ولا تدخلها السيارات ..وفيها كافيهات حلوة.
الرحلة غير متعبة على الاطلاق .
القمة الثانية المنافسة لها ..وتبعد تقريبا ساعة ونص عن انترلكن ..هي قمة تتلس
تكلفة الشخص الواحد 90 فرنك .
والصعود لها عن طريق ثلاثة مراحل ..وتعدي على البحيرة الجبلية تروبسي الجميلة .
واذكر لما زرتها العام الماضي كان الكهف الجليدي تحت الانشاء ..السنة هذه ما ادري خلصوه ولا لأ .
على العموم ..هذا موقع قمة اوروبا
http://www.jungfrau.ch/en/quick-navigation/top-of-europe/all-informations/
وهذا موقع تتلس .
http://www.titlis.ch/en
وكلا القمتين مكسوتين بالثلج طوال العام .
هذه اقرب قمتين ثلجية في انترلكن .
توحد قمم صغيرة ..مثل الشيلثورن والمطعم الدوار ... وايضا الروثورن والقطار البخاري ..لكن في الصيف الثلج ذايب .
وبالتوفيق

سلام عليكم
اليوم الاول(الاثنين)- الوصول لجنيف الساعه 3 مساء والذهاب لإنترلاكن وتمشيه بقية اليوم في انتر لاكن.
اليوم الثاني(الثلاثاء)-كهوف سانت بتيوس -مطل الهارد كولوم-شلال ترومل باخ –ستوخ باخ
اليوم الثالث(الاربعاء)-مصنع الشكولاتة مع زحليقة جبل ميلسون –رحله بحريه مع العشاء والمرور بشلال جس باخ
اليوم الرابع(الخميس) منطقة لوسيرن-من الساعة 7 تبدأ الرحلة تشمل الاتي:
أ-كابريو بمنطقة stans للساعه12
ب- إنقلبيرد وزيارة قمة تتلس من الساعه1-5
ج-بحيرة لونقيرن حتى الساعة 9 والعشاء
اليوم الخامس(الجمعة)-أوشن سي مع الزحليقه الصيفيه –بلوسي
اليوم السادس(السبت)- الإستيقاظ مبكرا والمغادره لمطار جنيف وتسليم السياره والاقلاع الساعه 1ظهرا
محتاج إضافة بعض الاشياء وضروري أمرعليهاإذا فيه إمكانيه بالجدول واللي هي
(مطل وزحليقة هيموفلو- مطل و زحليقة بنفستيج -مطل قرية إكسالب)
إيه وسؤال أخير تحملوني وين موقع التلفريك الطائر قد سمعت فيه برضه لازم اجربه حاولو تحشروه

وعليكم السلام
ما شاء الله ما تحتاج شي
بس فيه تعديل بسيط
وهي زيارة الهاردركلم قبل الكهوف.
مطل الهيمفلو قبل زيارة الاوشنسي
اكسالب تزوره وانت راجع من لونجيرن.
ويالتوفيق

تسلم حبيبنا ميدو
كان يجول بخاطري أني اغير وجهتي للذهاب للبلاوسي أحسها شي عادي ممكن أستبدل جدول هذا اليوم للذهاب مكان ثاني؟ ممكن تعطيني خيار ثاني مشرفي العزيز يستحق الزياره
من الموبايل

زيرمات طبعا..
عفوا ...الله يسلمك ياغالي .
اذا ما ودك بالبلاوسيه ..اطلع للأوشنسي ..ثم لزيرمات ..حلوة وتستحق الزيارة .
واذا بغيت شي أقرب ..اقترح عليك زيارة خوانق نهر الار وشلال الريخن باخ ومتحف شارلوك هولمز .(كلهم جنب بعض)
بس يصير مخططك كالتالي :
اليوم الثاني :
مطل الهيمفلو والزحليقة + التروميل باخ والستو باخ + خوانق نهر الار وشلال الريخن باخ.
اليوم الخامس :
مطل الهاردركلم + كهوف الساينت بيتس الملحية + بحيرة الاوشنسي والزحليقة
شوف زيرمارت ..وكيفية الوصول لها ..عن طريق هذا الرابط :
http://www.aboaziz.net/blog/?p=242
وبالتوفيق

مجهود تشكر عليه اخوي ميدو

الله يعطيك العافيه ميدو
هل تشوف اني اجمع زيرمات مع الاوشن سي مريح والا اخلي يوم كامل لزيرمات؟
إذا عادي اجمع بينهم ممكن تقسم لي الوقت وقت خروجي من إنترلاكن حتى العوده