1. .......................


2. .........

هلا اخوي العربي القطري
باحاول قد ما اقدر اجاوب على اسئلتك
(شنو الوقت المفضل عشان اروح اسوي التاشيره يعني اول الصبح ولا الساعه 10)احسن اترووح اول الصباح عشان الزحمه ومكان تأشيرات السفاره البريطانيه في عمارة الشريف الدور الخامس بشارع المطار
.........
(ثاني شي شيبوني اودي لهم
صور شخصيه ولا وشو
هل الخلفيه لازم تكون بيضه ولا عادي زرقه فالصوره الشخصيه
وهل لازم اكون حاسر يعني مب لابس غتره وعقال)
عدد 2 صوره شخصيه خلفيه بيضاء عاديه وعادي اتكون لابس غتره او بدون

.......................

(سمعت ان في شي عند التقديم vip شنو هاي وكم ادفع عليه وشنو مواصفاته وهل يخلصلي الفيزا اسرع وهل يمليلي البيانات هو بنفسه)
يوم تدخل قول حق الشخص اللي يعطيك الرقم ابي vip وهذي ميزتها انك اتخلص بسرعه وماتكون مع الاشخاص العادين ولهم غرفة انتظار خاصه فيهم وتدفع زيادة على الفيزا 150 ريال انا توو مسويتها حق الخدامه حبذا لو اتعبي انت بياناتك اذا فيه شئ ناقص هم بيسألونك وبيعبون الناقص.
................................
(هل التذكره مطلوبه عشان يسون التاشيرة لاني ابي اخذ التذكره عقب ماسوي التاشيره)
لا التذكره غير مطلوبه المطلوب الجواز وصاحب الجواز عشان يسوس بصمة العين واليد

.........

(سمعت ان فالمكتب ناس خاصين يعبون البيانت هل هذا صحيح وبكم اذا كان فيه)
وسمعت ان في بيانات عن تاريخ ميلاد الاب والام وبيانات عنهم اخاف اروح المكتب واتوهق وماعرف بيانات امي وابوي)ماادري بصراحه ولا شفت احد يعبي عن احد وتقدر تاخذ ورقة الطلب العصر 4 _ 5 لانهم فاتحين استلام الفيزا اللي خلصت وتعبيهم في بيتكم او عند احد وعشان تقدر تاخذ اسم الام والاب وتعبي الطلب
وترجع لهم نهار ثاني
.............
(وفي كم يوم تخلص التاشيره يعطلونا ولا لا)
اتقدمها الصباح بعض الاحيان يقولون تعال العصر من نفس اليوم او ارجع لهم نهار ثاني
يعني مدة التسليم يوم واحد فقط.
.......
(وبخصوص السكن عادي احطلهم فندق وماسكن فيه لاني باروح احتمال ما اسكن في فندق واسكن مع الربع في بيت خاص)
ما يدققون بالسكن اهم شئ اتحط لهم اي عنوان وعادي انت وين بتسكن.
............
اتمنى اخوي قدرت افيدك ولو بشئ بسيط

الف شكر لك اخوي على المساعده
واذا حد من الاخوان بيضيف شي اكون شاكر له

فعلا نفس اللي ذكرة اخونا والامر والحمدلله جدا سهل
وموفقين خير