اختي ارسلي ايميل للفندق قولي لهم ابي ترسلون للحجز على الفاكس حتى لو ماجبتي طاري السفاره بالموضوع عادي جدا
بالنسبه للسفاره النمساويه لازم جميع الفنادق مؤكده

unique man
مشكور اخوي
وانا راسلت 3 فنادق
2 ردو لي والثالث مثل ماقلت احسه مو واثق فينا
عشان كذا سألت هل اخذ حجز بوكينق لهالفندق ويكفينا

في صيغه خطاب تأكيد حجز الفنادق .. للأخ طائر الغربه مره افادني وارسلتوا لكل الفنادق . وماشاء الله في نفس اليوم تلقيت الرد .. ارسلولي تأكدي الحجوزات كلها عن طريق الايميل لأن ما كان عندي فاكس. ايش اسم الفندق الي لحد اللان مارسلكم التأكيد؟؟.. وجربتوا تكلموا الفندق تلفون ؟

اختي التقديم على السفارة ما يحتاج تأكيد حجز الفنادق
فقط يكفي حجز اي فندق من موقع بوكينق تجيبينه مطبوع والسلام ,,
ولعلمك
يوم كنت اقدم على السفارة كنت أحجز من موقع بوكينق على اي فندق ((حجز وهمي )) وبعد ما تطلع التأشيرة ألغي حجزي بالفندق السابق ((بشرط يكون الغاء الحجز من بوكينق مجاني ))
الشي الاخير حتى تكونين بالصورة لما أنتي تحجزين في فندق من خلال موقع بوكينق
الفندق ما يدري أنك حجزتي عنده الا قبل بأسبوع تقريبا
وضحت الفكرة ؟؟
الفندق أعتقد يقول الاسماء ما توصلنا مباشرة , ومن فهمك انه يقول بوكينق مو ثقه غلطان ,,
بوكينق موقع معروف وثقه وكل حجوزاتي منه ,,,,
الشي الاخير لو كنت تبغين رقم معقب للسفارة راسليني ,,
واي شي تحتاجينه تحت أمرك ,,

أبو ريان
اولا اشكر صاحبة الموضوع
ثاني ابو ريان الله يوفقك ويسهل امرك لانك اثلجت صدري بردك ,,,
لاني حيل شايله هم السفاره لان كل حجوزاتي عن طريق موقع بوكينق
بس حابه استفسر منك انا راح اخذ فيزتي من السفاره النمساويه انت سبق وجربت معاهم على حجوزات بوكينق
لانه حيل مستغربه بالنسبه للتاكيد الحجز عن طريق الفاكس لانه بوكينق موضح عنوايين الفنادق بالتليفون والفاكس

ابو ريان
الكلام هذا قديم
السفاره النمساويه ماتقبل اي معقب ولا اي مكتب سياحي
ولا تقبل الحجز من موقع بوكنج
لازم الحضور شخصي والحجز يكون ياتعزيز بالفاكس ولا مباشر من الايميل

unique man
يا عمي مالك ومال النمساويين
رح لعطي الله الطليان
الايطالية تعطيك اول مره ست شهور وثاني مره سنة وثالث مره ممكن سنتين
النمساوية قلق ويعطونك على قد تأمينك وبحد اقصى ثلاث شهور
الايطاليه لا تأكيد حجز ولا يحزنون
الحل المريح تعطيها معقب يطلعها من السفارة الايطاليه بالكثير عشر ايام وطالعه
وللعلم لو طلعتها من الايطالية ورحت للنمسا ما فيه اي مشكلة ,,,,
وانا اعتذر عن اي معلومات تغيرت علي ,

سمسم الاشواق
والله انا أخر ما تعاملت مع النمساوية قبل سنتين
وبككلام اخوي Unique Man ان الامور تغيرت
ومنطقيا حجز بوكينق معترف فيه في أي مكان والمعروف ان موقع بوكينق ما يزود الفنادق بأسماء النزلاء الا قبل بأسبوع من تاريخ الاقامة بالفندق فمسألة التأكيد من الفندق شبه مستحيلة
أنا أنصحك أختي بالسفارة الايطاليه لاسباب كثيرة
ان السفارة الايطاليه اسرع سفارة تخلص الجوازات
يعطونك اول مره ست شهور وثاني مره سنة وثالث مره قد توصل لسنتين , بعكس النمساويه اللي تعطيك على قد تأمينك
الايطاليه ما يحتاج تأكيد من الفندق
فنصيحتي لك استخرجيها من الايطاليه سواء بنفسك اذا لقيتي موعد , او تعطينها معقب
واللي يبي رقم معقب جربته شخصيا يراسلني
واعطيته الكثير من الزملاء وكلهم يثنون عليه ,,,
واكرر اعتذاري عن المعلومات اللي ما حدثتها عن السفارة النمساوية ,,,

كلامك ابوريان صحيح
بس هم يقصدون النمساويه
وحتى لو يطلعونها من الايطاليه مافي مشكله يدخلون اي دوله ضمن الشنقن
الصراحه النمساويين معقدين