مافي حدود جمركيه بين سويسرا وفرنسا ولا احد بيسألج عن السياره اذا بتأجرين السياره من باريس والتسليم بيكون في مطار جنيف الركن الفرنسي بيطلع اوفر عليج خطوه حلوه بالتوفيق
ملاحظه
طلبات الشركه لتأجيرالسياره رخصه دوليه + الرخصه المحليه+ بطاقة الفيزا كردت كارد اذا السياره مو فخمه اذا فخمه يطلب دبل كردت كارد او امريكان اكسبرس مع الفيزا

بين سويسرا وفرنسا ما في حدود؟
يعني امشي سيده جذي دايركت مافي حدود وجوازات وتفتيش؟؟؟
صج!
وبين الكويت والسعوديه حدود !!
فشله

بو ناصر والي يعافيك في نوعين تأمين بموقع تأجير السيارات عادي اخذ الارخص؟ ال basic? وايد يفرق السعر
وعادي اخذ خمسة راكب واحنا سته طبعا الي قاعدين ورا كلهم يهال
شلون نظامهم هناك فيه تفتيش ويقول لليش وما ليش

بلاستيكه
اختي
الحدود موجوده وسيطلب منكم رجل الجمارك التوقف وشراء ملصق ضريبة الطرق السويسرية قيمته 40 فرنك سويسري
تضعينة طبعا على الرزجاج الامامي .
الاطفال لابد لهم من ترتيب خاص فمنهم من يحتاج كرسي اطفال والسياره يجب ان يكون حجمها مناسب لعددكم
لان كل شخص له حزام امان سواء للكبير او الطفل ذو الكرسي
التامين الاساسي (الارخص ) ياتي ضمن اجار السياره , واذا كنتي من النوع الخواف (سواء حوادث لاسمح الله او السرقه ) وحبيتي تريحين اعصابك وترفعين مستوى التأمين الى السوبر فهذا ممكن ويرجع لميزانيتكم وثقتك بالله اولا ثم بنفسك ثانيا
بالتوفيق ان شاء الله

اوكي اخوي مشكور
سويسرا امان باذن الله انا بالكويت مااحط تأمين حتى التكافلي الي يقولون عنه اسلامي
لاني وكلت امري لرب العالمين ومااقتنعت بشرعية التأمين والله المستعان

اذا عندج فيزا ماتحتاجين الملصق حطي الفيزا بالجهاز وتندفع الضريبه دايركت ولا احد بيكلمج
اما اذا تبين ملصق كيفج انا من باريس لجنيف محد كلمني وكنت ادفع الضريبه بالفيزا باللتوفيق
جوزات ومنافذ مافيه لاتحاتين الأمور طيبه
على قولتنا بالكويتي اشخطها لول

bo.nasser33
عزيزي ابو ناصر
انت تتكلم عن ضرائب الطرق في الاراضي الفرنسية
صحيح الدفع اما كاش او بالبطاقه لان الفرنسيين مثل الايطاليين لايستخدمون ملصقات للضريبة
اما في سويسرا فيجب شراء الملصق وتثبيته على الزجاج ومدتة سنه كامله , ومن لايفعل ذلك يطبق علية غرامة عالية جدا
ارجوا ان تكون الصورة وضحت

السلام عليكم
بغيت اسئلكم انا باستاجر سياره صغيره فيات ومعي 3 شنط متوسطه وعددنا 3 اثنين كبار واحد صغير
سؤالي هل يجيز النظام اني اصفط المرتبه الخلفيه مع النصف بحيث وحده يجلس عليها ولدي والثانيه يتكون فيها الحقيبه اتمنى تكون الفكره وضحت واتمنى الافاده تحياتي لكم

اوفا1
ممكن لكنك ستعرض سيارتك
1- لخطر السرقة لو حبيت تتوقف باي مكان في الكريق وترك السيارة مطعم او ستراحه .... الخ
2- ربما تؤذيك الشنط لو اضطررت للتوقف بشكل مفاجيء