يعتمد على عوامل كثيره اهمها الفتره ( متى موعد السفر اي شهر ؟ اي يوم ؟ )
وبعدين انت وين مقرر تروح ؟
ايش معنى (مرتاحه) تبي تذاكر درجه اولى وفنادق 5 نجوم مثلا ؟
اسمحلي اخوي لكن يجب ان تحدد سؤالك او اسألتك اكثر للحصول على اجابات دقيقه

الفتره ياغالي ما بين شهر 3 إلى 6 القادم ( عربي)
مرتاحه المقصد فيها اختصار المدن لتجنب كثرة التحرك والتعب
ومقرر اروح ياغالي انترلاكن وما جاورها واتمنى ان امكن اضافة زيلامسي

تختلف يالحبيب
اذا تقصد ان سفرك في الفترة من 3-6 /1434 ه
بتكون اوفر لانه في فترة طويلة جدا لاقتناص الاسعار المناسبة والتخطيط المبكر
اما اذا 3-6 /1433 ه
بتكون اغلى واجد بسبب ضيق الوقت والاسعار مرتفعة مثل التذاكر والفنادق والتخطيط المتاخر
والله ييسر لك الافضل ...
واحنا بالخدمة

الموعد ان شاء الله من 3-6 1433 ياغالي
واتمنى تفيدني كيف استطيع اقتناص افضل الاسعار للاستفاده من مسألة الحجز المبكر

اسف ياغالي العام القادم ان شاء الله 1434

عليك تراقب اسعار التذاكر من بدري من خلال مواقع الطيران
اكثرهم يسوي عروض للحجز المبكر...
التكلفة تقريبا (ممكن تزيد ممكن تنقص حسب صرفيتك )
0الى 40000
والله ييسر لك
تحيتي لك

اولاً .. الله يعطيكم العافيه ومشكورين جداً جداً
ثانياً .. اذا 30000 فمعقول المبلغ
اما اذا اكثر فمشكله
خصوصاً ان السكن لايهمني الفنادق الفايف ستار
المهم لدي نظافة وموقع مميز ( اطلاله) حتى لو شقه او اكواخ
تحيتي

السلام عليكم .... اخوي الله يعافيك ...اغلب عروض الطيران الممتازة كانت السنة هذه في بداية السنة ..شهر يناير وفبرايرالمصرية كانت الارخص ..وطيران الامارات نزل عرض لشخصين الى جنيف ب 2800 ريال..وخصومات للقطرية لحد 25% ...والسعودية سعرها واحد ما تغير..بس يعتبر الان في الفترة هذه الارخص..التركية اسعارها الان ممتازة اغلى من السعودية بشي بسيط (الوجهة كانت جنيف)...اللوفتهانزا اغلى من التركية بشي بسيط الان ..وعندك خطوط احتمال نزل فيها زي طيران الاتحاد والاردنية والتونسية وطيران الشرق الاوسط اللبنانية (نزلو عرض قبل فترة ..يعتبر مناسب لجنيف وباريس).
بالمختصر ...الاسعار كانت رائعة للي مخطط من بدري ..فلو تسوي اشتراك في موقعهم وتسجل بريدك الالكتروني عشان تجيك المسجات اذا فيه عروض ولا لأ فانا اشوف انه افضل.
طيران السعودية للرحلات الدايركت فقط الى ميلان وجنيف وباريس وفرانكفورت وبرشلونة.
الفنادق في حسبتي الشخصية ..تكلف 500 الى 750 ريال في اليوم ومثلها كمصروف جيب من تمشيات وديزل وعشا وتسوق خفيف جدا
الطيران قول من 3000 الى 5000 في أسوأ الاحوال
السيارة ..كافتراض 4000 ريال تأمين شامل ونفقيشن (سيارة متوسطة )..او سيارة صغيرة ما تتعدى 2000 ريال
يعني تطلع عليك ..مع القليل من البذخ ...30000 ريال...او مع القليل من التوفير ...20000 ريال
اما التسوق فهو خارج الحسبة طبعا.
الاكواخ والشقق ارخص بكثير من الفنادق.
وايجار السيارة من ألمانيا أرخص ومتعدد الخيارات ..اكثر من اللي في فرنسا ...وبعدهم النمسا وسويسرا...
فيه تقرير سويسري عنوانه 14 يوم بتكلفة 16 الف ريال في سويسرا ...الاطلاع مهم عليه ..لأنه ذاكر اكثر من نقطة بامكانك توفر فيها.
يبقى بالمختصر :
الطيران
السكن
السيارة
هذه يمديك تحددها من بدري ..وتخليها يا مرة عالية ...او متوسطة.
واقرا تقارير الاعضاء المميزة في البوابة وراح تستفيد ..وسجل ملاحظاتك عليها...إلين ما تطلع بالشكل النهائي لمخطط الرحلة.
القراءة ثم القراءة ثم القراءة ....لا تنسى...
والله يوفقك اخوي وييسرلك امرك

Medoo77
اخجلتني والله العظيم بلطفك وكرمك
الله يوفقك وييسر لك امرك ويشرح خاطرك زي ما شرحت خاطري
اوعدك وعد شرف اقراء موضوعك واقراء ايضاً بعض المواضيع المميزه ومن بعدها اسأل اذا احتجت مساعده
شكراً لكرم اخلاقك
الله معك