ssiss_77
24-10-2022 - 01:14 am
السلام عليكم اسعد الله مساكم ,
كنت محتار اكتب هنا ولكن بعد الاطلاع على اكثر من موضوع تشجعت في الكتابه
اعزائي
رحلتي بمشيئة الله تعالى لاندونيسيا بتاريخ 31/10/2013
بجلس هناك 12 يوم ان شاء الله
المشكله الى الآن ماحجزت فنادق
وكل مادخلت بوكنق احتار بالفنادق الكثيرة
طبعا هامني السعر والنظافه والامان وسعة الصدر والتسوق والراحه ... الخ
مخططي المبدئي كالتالي :
اول يوم بقعد بجاكرتا عشان ارتاح من عناء السفر
ثاني وثالث
بالجبل (بنشاك)
وافكر اروح باندونق واقعد 3 ايام
و بالي اقعد 3 ايام
ويومين بجاكرتا عشان اتسوق
ميزانيتي حلوه والحمد لله
انا وزوجتي وابنتي الصغيره
لاني بجدد شهر العسل ههه
اتمنى اشوف اراء من ذوي الخبره لتلك الديار لاني اول مره بروح لها
وحاجة ثانيه وضعيه الفيزا والصرف شلون !!
ولكم جل الشكر وعبق الاماني ^^
اشوف 12 يوم وحسب ماذكرت اعتقد ايامك الفعليه هي 11 يوم لو تقدر تزودها يومين او ثلاثة ايام لان عدد الايام على 4 مناطق مرهق
خذ الجدول المقترح
الوصول اذا كان موعده جيد اتجه الى الجبل على طول وخاصة ان وقت سفرك مناسب مافيه زحمه وحاول تحجز في السيروني 3 والجلوس في الجبل 5ايام
التوجه من الجبل على المطار والتوجه لبالي والجلوس في بالي 4 ايام والسكن في الفلل الخاصه وهي موجوده في منطقة سيمنياك بكثره
التوجه لجاكرتا يومين اوثلاثه والسكن في بولمان سنترال بارك يوم للذهاب للانشول ويوم للتسوق
الفيزا من المطار وامرها بسيط الصرف بكيفك من هنا او من هناك من الجبل جيد او من جاكرتا من مصرف vib من بالي الريال سعره طايح والدولار لابأس فيه الصرف
دمت بكل خير