ليش ما تستأجر لك سيارة وتشتري جهاز جارمن وتدخل عليه خرائط أوربا وتوسع صدرك أنت وزوجتك

هلا هلا بالطيب
والله فكرتك حلوة وجات على باي لكن مالي خلق اسوق في محل اول مره ازوره..

والله كلام واحد ناصح لك إذا تبي تنبسط فعلا خذ سيارة

وأنا رأيي سيارة كمان متعة اوربا كلها بالسيارة والمناظر الحلوة اللي تمر عليها بطريقك ....
موفق بالسفرة
تحياتي لك ,,,

اذا ماعندكم شنط وايد فاقتراحي من المطار خذ القطار الى المحطه الرئيسيه hoptbanhof وبعدين مشي الى الفندق ..او خذ التاكسي بحوالي 60 يورو .. وللذهاب الى زلامسي اتفق مع تاكسي جنب المحطه يوديك لان القطار ياخذ وقت اطول ..

اخوي اسمي احمد السلام عليكم ........ اسمع وانا اخوك لما اخذ القطار الي قال عليها اخوي ثم اخذ تاكسي الى الفندق وبعدين بالاستقبال بالفندق اطلب منه المكاتب السياحيه او طريق القطارات للرحلات الي تحبه وهم يعطونك كل شي مع التفصيل .... اي فندق بميونخ؟ ثانيا اخوي احمد من ميونخ الى زيلامسي بالسياره او تقدر بالقطار والسؤال عنه بيكون بالفندق وعلى فكره انا مره قرأت عن اسم المحطه في الموقع ومثبت ....... اما بزيلامسي فهناك مكاتب سياحيه عربيه كثيره للرحلات الجماعيه تقدر اتروح معاهم كل مكان ما عليك الى تروح لهم وتحجز قبلها بيوم ومعهم مشرف يشرحلك كل شي بالرحله ........ والسلام ختام

ما شاء الله والله خوش منتدى يا جعل ربي يبارك فيكم جميع,,
أخواني zaman99s و مجنن هوليوود
والله السيارة انا مستبعدها من راسي لأن اول مرة ولا اعرف شي عن السواقه هناك والحدود لكن لا بأس نجربها السنة الجاية اذا الله احيانا وياكم على خير.
خطوه , اسمك عاجبني اختيار موفق
ما عندي شنط واجد لكن اذا وصلت المطار وين اروح عشان اركب القطار؟ السكه قريبه؟
وهل باعتقادك ان التاكسي اوفر من ناحية وقتت وفلوس للذهاب الى زيلامسي؟
ALI_Q8_77 هلا بعلي
اشكرك على النصايح الذهبيه بالنسبه للسكن انا ساكن في فندق مريديان.

أحمد
الله يوفقك
ضحكت على العنوان
(( باقي خمس ايام على السفر وأحمد على عماها )) ههه
الله يوفقك في سفرتك
لكن مو بعد اسبوعين تطلع لنا هنا مسوي نفسك خبير وتعرف كل شي

هلا والله GOOGLE EARTH
الله يرجعنا بالسلامه ,,و اذا جيت من السفر ابشر بالفلسفه الله يعينكم ههه
صدقني لو فيه اي شي اعرف واستفدت منه ولا ذكر في المنتدى راح اذكره "بحكم زيارتي" ,, وانتم تستاهلون.
أسمي أحمد,,,