اولا ابي اسأل عن الجوو كيف بيكون لانه مسبب لي قلق مادري ناخذ لبس ثقيل او خفيف
الجو الله يعلم فيه
لكن نصيحة قبل السفرة بيومين شوفوا درجات الحرارة و الطقس عن طريق المواقع
ليلتين في فندق على الشاطيء اسمه
Hotel Diagonal Zero
مستواه ممتاز قريب من محطة المترو لكن بعيد عن السنتر
و4 ليالي في فندق على شارع الرامبلا HOTEL 1898
الفندق ممتاز جدا
اشرايكم بالفنادق ؟ واذا في خيارات ثانيه افيدوني
الفنادق ممتازة
الخيارات كثيرة جداً
وابي اعرف طريقة المواصلات وكيف اتعامل مع الميترو وهل هو صعب او يضيع؟
المترو سهل ... بتضيعون كم مرة ثم تضبطون الأمور
وابي اهم المزارات حدائق+مطاعم ومقاهي+اسواق+ متحفين
https://artravelers.com/p/re/533932

انا بعد بسافرر شهر 4 نفس الوقت تقريبا ممكن توضيح عن حالة الجوو والمطاعم ابي افضل المطاعم الموجوده في برشلونه ويكون حلال طبعا وسمعت عن مطعم مووعزز ووين مكانه بالضبط
اعتذرر عن صاحب الموضوع

1. مجمع Maremagnum , جنب الميناء..


2. منطقة villa olympic فيها مطاعم ومقاهي..

مرحبا اخوي
برد ع الاستفسارات باللون الازرق ولا يهين اخوي الليل والنهار..
اولا ابي اسأل عن الجوو كيف بيكون لانه مسبب لي قلق مادري ناخذ لبس ثقيل او خفيف
درجة الحرارة الصغرى 8.5 والعظمى 17.6 , يعني ملابسك العادية في النهار وجاكيت لليل..
ثانيا اشرايكم بهالفنادق
ليلتين في فندق على الشاطيء اسمه
Hotel Diagonal Zero
اهنيك ع الفندق,, جنبك في مبنى جديد لونه ابيض , احلى مبنى عندي في برشلونة , وللحين مابعد ينحط في الخريطة
وليله في فندق مدينة الالعاب
PortAventura® Hotel Caribe
احجز لها من وقت , واوقاتها بتكون مفتوحة طول شهر ابريل (بعض الايام من 10 الصبح الى 7 الليل وبعضها من 10 الصبح الى 8 الليل)..
المصدر: PortAventura Calendar
و4 ليالي في فندق على شارع الرامبلا HOTEL 1898
فندق روعة , توكل على الله..
اشرايكم بالفنادق ؟ واذا في خيارات ثانيه افيدوني
ممتازة جدا وانصحك ماتغيرها..
وابي اعرف طريقة المواصلات وكيف اتعامل مع الميترو وهل هو صعب او يضيع؟
المترو سهل, جنبك في محطة اسمها El Maresme I Forum المسار الاصفر L4 , تشتري بطاقة مكتوب عليها بالنص T-10 هذي لعشر طلعات بالمترو وسعرها 9.25 يورو..
تطلب من الاستقبال خريطة لبرشلونة وبيكون موجود فيها خريطة للمترو, تحدد المكان وتشوف اقرب محطة مترو منه ولون المسار وتتجه له..
وجنبك محطة للترام (تطلع فيه الى اخر محطة اذا بتروح الى حديقة سيوتاذيه وداخلها حديقة الحيوانات وجنبها قوس النصر)..
وابي اهم المزارات حدائق+مطاعم ومقاهي+اسواق+ متحفين
بالنسبة للاماكن اللي انصحك تروحها في برشلونة:
Catalunya Plaza ساحة كاتالونيا ,منها تطلع الباص السياحي, ومنها شارع الرامبلا La Rambla وشارع Passeig de Gracia ..
Parc guell حديقة بارك جويل ع الجبل من تصميم قاودي وفيها منزله..
Camp nou ملعب نادي برشلونه وبداخله متحف النادي, وجنبه صالة تزلج..
Plaza Espanya ساحة اسبانيا وفيها عروض النافورة الموسيقية..
Arc de triomf قوس النصر..
Ciutadella Parc اكبر حديقة ببرشلونه وتقع جنب قوس النصر, وبداخلها حديقة حيوانات..
Tibidabo جبل التبيدابو, فيه مدينة العاب التبيدابو ..
Sagrada Familia اكبر كنيسه..
Montjuic قصر المنجويك موجود في ساحة اسبانيا..
Casa Batllo مبنى لقاودي في شارع Passeig de gracia ..
Casa Mila مبنى لقاودي في شارع Passeig de gracia ..
Port de el Mar ميناء برشلونة – ومنه تقدر تطلع رحلات بحرية سريعه..
Aquarium الحديقة المائية, جنب الميناء..

مجمع Maremagnum , جنب الميناء..

منطقة villa olympic فيها مطاعم ومقاهي..

وغيرها مثل البالون المنضاد , عروض فلامنجو , موسيقى اوكسترا , المتاحف كثيرة , المدينة القديمه Poble espanyol village , عروض السينما المفتوحة في جبل Montjuic (هذي السينما مو متأكد اذا بتكون مفتوحة في الوقت اللي بتكون فيه)..
واي اماكن ثانيه تستحق الزياره
كتبتها لك فوق..
واشرايكم في الاوت ليت
مثل اي اوت لت ,, مافيه شي زيادة ,, مستواه عادي..
فيه مجمع اسمه La Maquenista ومجمع L'illa (اكبر مجمعين في برشلونة) , انصحك بدل ماتروح للاوت لت , تروح لهالمجمعين..
وبخصوص شريحة الاتصال وخدمة البلاكبيري
من مجمع El corte ingles في ساحة كاتالونيا , تشتري شريحة مسبوقة الدفع من شركة فودافون ويفعلون لك خدمة البلاك بيري..
والسموحه على الاطاله اتمنى الرد بأسرع وقت وشكرا عشان انظم جدولي
يوفقك ربي ان شاء الله

محمد11779
مرحبا اخوي محمد
المطعم اللي تقصده Maoz ؟ اذا هذا موجود في شارع الرامبلا..
المطاعم الحلال واكلها طيب, عندك مثلا:
مطعم امير الليل Amir de nit
عنوانه: Plaza del sol,2
مطعم البركة Al Barakah
عنوانه: Calle valencia,204
مطعم العربية Arabia
عنوانه: جنب محطة مترو Urquinaona
موفق ان شاء الله