هلا قلبي
شلون مكان ساتر عشان عباتك اذا ناويه بتفسخينها ام عندك مطعم النخبه عندهم غرف اتوقع ب400
واذا تبين مطاعم حلوه وبدون فسخ عبايه شوفي تجربتي في المطعمين سنترو التحليه وسكزيتو طريق الملك فهد
وفي المطعم البرازيلي بالفيصليه وطبعا الاسعار تقريبا تكلفك 500 ريال بس

أحلى الطبخات من يدين الزوجة
ثم أقترح مطعم ستيك هاوس أو فاهيتا افينيو
نظيف مبسط و حلو و أكلهم روعة وديكور جميل وهادي

ايه يا نوف بأفسخ عباتي عشأن كذا أدور مطعم فيه بارتشن كويس ..
السائح العربي .. أكيد طعام الزوجة غير ولكن التغيير مطلوب ..
شاكرة مروركم

والله أهم شي التغيير مو لازم هالمره تفصخين العبايه شوفي الفيروز قاردن الأجواء تغيير فيه وإذا كنتي من محبي الأكل الإيطالي فيه سينتو بيرسينتو وفيه الفنادق أذكر فيه غرفه في فندق الشيراتون لما سألته قال للمناسبات وميزانيتك حلوه أتصلي وشوفي ولو تغديتي بمكان ورحتي للقلوب في الفيصليه مع هالغيم بتصير الجلسه مره تغيير ومع الهديه ويكفي إنك ذكرتيه
تحياتي

طيب فاهيا أفينيو و ستيك هاوس ماعلقتي عله
طيب ينفع مطعم جلسته ارضية
على فكرة الزوجات قليل مايحبون تفسيخ العبايات في المطاعم

^
انا جالسة انا و زوجي ليش ما افصخ عباتي ؟
اذا كان المطعم يوفر لي بارتشن ساتر ليش ما أفصخها ؟
وانا وش علي من الحريم لازم اصير مثلهم ؟
أتوقع انها حرية شخصية

أكيد هذي حرية شخصية أنتي و زوجك
أنا على فكره ماحاسبتك يمكن راح ظنك بالشكل هذا
أنا قلت قليل الزوجات ينزلون العبايات
عندك مطعم سرايا التركي له مزاج رايق
أيضا مطعم يا مال الشام " معروف " و مطعم ماريز الدور العلوي

1. هذا رقمهم الثابت : 2167171 / 2167272

اسمحي لي يا نوف اطرح توصيتي للأم الأمورة.. أنتي ما اثق بذوقك عقب ما مدحتي لنا مطعم الدبلومات والمطعم الثاني الي يروع كأنه بيت أشباح بوسط السليمانية.. لأني عزمت عليهم ناس وكثير ذكرتك بخاطري وأنا أقوطر عرق من الخجل ههه
شوفي يا أم الأمورة.. مواصفاتك هذي مالها غير مطعم الفيروز جاردن.. وهذا موقعه سلمك الله فوق تمور الصالحية الي ع طريق الملك فهد
يكون مستشفى الدكتور سليمان الحبيب ع يدك اليمين وأنتي متجهة للشمال طبعا وتكونين بالخدمة.. يجي ع يدك اليمين مجمع فيه تمور الصالحية وكوفي داي .. لفي من عقب البنك ااهلي والتفي ع المجمع راح تلاقين مدخل المطعم في زاوية المجمع الجنوبية الشرقية..
مدخل فخم وله لفت لفوق.. تقدرين تكلمينهم يعملوا لك طاولة يزينوها بالورود واشموع ويجهزون لك تورته اذا تبين وتجلسون بغرفه احرصي توصينهم تكون جانبية بالزاوية اريح لك..
ام اعتقد العشاء الي قلت لك عليه راح يكلفك في حدود 800 ريال.. انصحك فيه وبشده
ضروري جدا تروحي ع حجز.. اغلب الطاولات تكون محجوزه مسبقا..

هذا رقمهم الثابت : 2167171 / 2167272

فيه واحد كبير بالسن هناك اسمه سليمان مغربي محترم جدا دائما اتصل فيه ويحجز لي طاولات بحكم إن عملي يتطلب يكون فيه غداء أو عشاء عمل بشكل مستمر
هذا رقم سليمان بعد.. مادري اذا راح ينفذ طلباتك ويعمل لك الحجز من غير عربون زيي أو لا.. بس أنتي كلميه ولو تبين تمرين تتأكدين من المطعم تشوفين يناسب ذوقك أو لا لأني أحيان يكون ذوقي سيء ومو أحيان قليلة كثيرة عادة ههه
====تمنع الادارة وضع الأرقام====
أرجو انك اذا رحتي له تقولين لنا رأيك فيه وبكل صراحة لأني أطلع فيه ضيوف كثير لي وودي اعرف كيف مستواه بنظر غيري..
أرجو من الأخوه والأخوات بعد إنهم يعملوا له تقرير لأني ما شفت له تقرير مصور قبل كذا ..
تقبلي تحياتي وأعتذر لك يا نوف كنت امزح معاك
دمتي شاديةً
جوزيف كونراد