أخوي
أنا من الرياض ، وسبق وسافرت لصلالة عام 1428ه في أواخر شعبان، وكان وقتها يصادف بداية سبتمبر ، وأكثر المصطافين رجعوا لبلادهم ، فكانت الأسعار نازلة، وما فيه زحمة على المواقع السياحية، وكانت رحلة ولا أروع.
أنصحك بزيارة صلالة في نهاية أغسطس ، لأن الأجواء أروع ما تكون في نهاية أغسطس.

عبدالله الوسنان
كلامك صحيح اخوى وايضا نهايه اغسطس تهدء الحركه اكثر
لكن السنه ذى راح نصادف رمضان ان شاء الله وبختلف الوضع

حاقول
اولا شىء يا هلا ومرحبا فيك بينا وان شاء الله تطيب لك الاقامه مع اجوائنا الخريفيه يارب
شوفو اخوى بخصوص افضل وقت انصحك يكون فى 25 يونيو يكون الخريف اكتمل بنفس الوقت يكون بدا ت فعاليات مهرجان الخريف هذا اذا كنتم من محبين فعاليات شغله ثانيه ....الاماكن كثيره واذا كنت راح تجى بالطائره راح يستقبلوك فى مطار مسقط بكتيبات عن صلاله واذا البر راح تشوف لافتات ارشاديه وايد عن الاماكن سياحيه وبذكر بعضها ....دربات ...مغسيل... صحنوت ......طاقه ...مرباط....واهم شى ضلكوت انضحك تروحها غير الاماكن الاخره ....وتخيم مسموح عندنا لكن قبلها لزام تاخذ تصريح من البلديه لقاء مبلغ رمزى يسترجع لك لما تنتهى من التخيم وافضل الاماكن عندك سهل ( اتين) الا هو قريب من الجبل وقريب من المهرجان وقريب من مطاعم ايضا ....والاسعار طبعا تعتمد ع طلعاتك اخوى.....اهم شى انك تحجز قبل عشان لانه الوقت الا نصحتك فيه تكون الشقق زحمه عليها والاسعار تصير مبالغ فيها ......والاكل والشرب والبنزين رخيص والحمد لله موب لذيك الزود الغلا....اتمنى اكون وفقت ...دمت بخير

السلام عليكم ورحمة الله وبركاته
حبيت أوضح نقطة بخصوص التخييم، التخييم ممنوع باستثناء للظفاريين، وهي عادة قديمة اعتادها الظفاريون من سكان صلالة وحولها منذ عقود طويلة، لكن لو المقصود التخييم المؤقت بالخيم الصغيرة القابلة للطي فما عندي خلفية حولها بس أظن ماشي باس، بالتوفيق أخوي، والسلام عليكم ورحمة الله وبركاته.
أخوكم في الإسلام

بصراحه يزين صلالة وأهلها ،،،، ما شاء الله خيال وطبيعة تبهر العين ،،،، وبإذن الله ناويها هذا العام ،،، ويكون خريفها اكتمل قبل شهر رمضان