يا اخي الكريم ...
انا عشت بلندن مده طويله ....
معلومه هامه ضعها في بالك .... اغلى بلد في العالم بريطانيا ...
اعطيك على سبيل المثال ..
الشاورما في لندن ب 3 باوند ... و الباوند حالياً يساوي 7.15 ريال ... يعني 3 * 7.15 = 21.45 ريال
يعني الشاورما في لندن ب 22 ريال تقريباً ...
الكوكا كولا ... بقيمة 65 بنس .. يعني 0.65 * 7.15 = 5 ريال تقريباً
الدنيا هناك غاليه مره ...
و نصيحتي لك اذا كنت رايح سياحه دور لك بلد غير لندن ...
و التكاسي هناك غاليه حيل ... فإذا حبيت تاخذ سائق شخصي بيكلفك اكثر و اكثر ...
و بالنسبه للأرياف بتحصلها كثير هناك ... و انت مسافر من اي مدينه الى اخرى الدنيا كلها ريف ...
اذا كنت يا اخي الكريم تبحث عن الطبيعه و المتعه و الاجواء الخياليه و الاسعار المعقوله ... فاذهب الى ماليزيا .. او اندونيسيا ..
اخوك
كوكب زحل

1. >> انا معاي عايله 8 اشخاص من ضمنهم اطفال مشالله تبارك الله

هلا أخوي مسافرين، أنا كنت في لندن مع العايله الصيف الماضي وراح افيدك باللي اقدر عليه،

>> انا معاي عايله 8 اشخاص من ضمنهم اطفال مشالله تبارك الله

وكثير ناس قالوا غاليه بس انا ماعرف كيف غاليه يالت اكثر توضيح> واخر شي ماهي افضل الفنادق العائليه وافضل المناطق في لندن،،
بصراحه انا شخصيا انبسطت على فندق رامادا بلازا لانه فندق نضيف ومرتب وموقعه جدا ممتاز ويناسبنا كعرب ومسلمين لانه يقع في منطقة Regent Park منطقه هادئة وراقيه ومافيها زحمه ومحلات ولا شي يعني منطقه سكنيه جدا وجنبك حديقة الريجنت بارك الي انا اعتبرها بصراحه احلى من الهايدبارك لانها مرتبه وملمومه اكثر وفيها حدائق زهور جدا روعه، وجنب الفندق هذا يقع المركز الاسلامي ومسجد لندن الكبير وهو مركز اسلامي انشيء على نفقة المملكه ، يعني تظمن تصلي الجمعه فيه واذا بغيت صلواتك العاديه ممكن تصليها فيه بكل سهوله،والي يميز منطقه ريجنت بارك انها قريبه من الستي سنتر، اا ركبت الباص الي يوقف امام الفندق كلها 3 - 5 دقايق وانت واصل الاكسفورد ستريت عن طريق Baker street لأنك بتطون جاي من الشمال جيث ان منطقة ريجنت تقع شمال الستي سنتر.
وبالنسبه للارياف حدث ولا حرج، تقدر تطلع مع القروبات السياحيه من نفس المكاتب الي قلت لك عليها ويودونك رحلات كثيره ريفيه، واذا كنت تبغى نصيحتي، انا استأجرت سياره من هيرتز للتاجير السيارات في لندن وطلعت مع العاسله الى سكوتلندا "شمال"، وشفنا كل انواع الريف الانجليزي في الطريق والريف الاسكتلندي وافضل المناطق الي زرناها كانت مدينه ابردين "أقصى الشمال الشرقي" ، منطقة البحيرات لوك نيس و منطقة لولوموند الي تجي شمال مدينة قلاسقو هذي البحيرات تخليك من جد تتخيل انك بتقابل هايدي وبيتر ، مناضر خلابه وجو جميل وراحه نفسيه ، وايضا عندك منطقه district lake الي تجي قريبه من مدينة بلاك بول في غرب انجلترا ويسمونها "جنة الله في أرضه" وبالمناسبه هذي البحيرة احلى من بحيرة فيينا في نضري، ومدينة بلاك بول مدينة ساحليه فيها مدينة العاب جيده نوعا ما اسمها pleASURE ISLAND
عموما لازم تخطط للرحله ماديا بشكل مضبوط والا غير وجهتك لمكان ارخص، وحط في بالك ان كلما اقتربت شهور يونيو6، وجولاي7، واوقست8، كلما زادت اسعار الاجار عامةًُ ، تزيد بشكل تصاعدي مع دخول كل شهر من هذي الاشهر،،،
يالله تحياتي لك وتمنياتي لك بالتوفيق، واذا كنت محتاج تلفون شخص في لندن يحجز شقق للعوايل الخليجيه فعندي تلفونه واتمنى انك تراسلني على الخاص عشان اعطيك الرقم.

سلام
نفس كلام الأخوه من ناحية الأسعار.. و بالنسبه للشقق ففيه شقق ريجنت بلازا بآخر الأدجوار رود و أسعاره بالأسبوع للشقه بغرفتين و صاله و 3 حمامات و مطبخ 1200 باوند و بالنسبه لسائق عربي مع سياره فان عندي رقم شخص هناك صاحب شركة تأجير سيارات ممكن يفيدك بس ما اذكر الأسعار حاليا..
و اذا تبغى اماكن التمشيات و الأسواق و احسن المطاعم بعد ما تقرر نفيدك و نعملك جدول ان شاءالله (بس من جد بلد يستاهل) و شهادتي مجروحه فيها لأني مره أحبها

مشكور اخوي كوكب زحل على معلوماتك والله يجزاك خير ان شالله انا رحت ماليزيا صراحه نفسي اغير شوي

• *قولد كوست:اشكرك جدا جدا على معلومات الرائعه واما بالنسبه للشقق فهل هي امنه لانو انا ما اثق بالشقق المفروشه من حيث الامان

botshika مشكور اخوي على مرورك واذا مافي تعب عليك اذا تقولي الاماكن الي تستاهل الزياره وفيها متعه
وجزاكم الله الف الف خيرا

انا احترت شوروا علي بشي زين غير ماليزيا لاني شبعت منها
وانتوا فاهمين الوضعّّ :112:

من ناحية الامان تطمن ونم، أمن وأمان انشالله، اذا تيغى النصيحة انا اشور عليك بقولد كوست "أستراليا" أرخص واحلى للعايله اذا معاك اطفال بينبسطون مره.

1. مسافرين

مسافرين

أنا أقترح عليك مثل الأخ قولد كوست .. استراليا أرخص للعوائل .. بس إذا كنت مصر على بريطانيا و انت معاك عائله كبيره ماشاءالله ، انك تسكن فى منطقة كاردف احدى أكبر مدن بريطانيا ... الجو مختلف تماما عن لندن .. أنظف و أرقى و ارخص من حيث سعر السكن و كل شي موجود فيها من حدائق و ريف جميل و أسواق .. أما إذا كنت ناوي تروح لندن و تسكن فى الأجواررود فأحسنلك تجلس فى بيتك .. عشان بتكون خسارة فلوس و وقت و جهد عالفاضى .. و على فكره لندن ما تغيرت على خبرك من 20 سنه ..
أعتب بشده عالأخوان اللى دايم ينصحون الزوار بالسكن فى الأجواررود أنا متاكده انه هدفكم المساعده .. نعم توجد العديد من المطاعم العربيه و الكثير من المتسكعين الأكراد و مكاتب التأجير اللى تستهدف الخليجيين و النصب عليهم .. الشقق غير نظيفه و غير آمنه .. و المطاعم الموجوده مبالغ فى أسعارها على قولة الأخ الشاورما ب 3 باوند .. و الوضع يكون محرج و ما يساعد إذا كان معك عائلتك و فيهم نساء و بنات .. باختصار المكان لا يناسب العوائل المحافظه .. فى السابق نعم أما الآن لا .. والله شي يضحك ، فى النهار يأجرلك شقه و فى المساء هو نفسه يبيع شاورما .. ما بقى أحد ما اشتغل سمسار حتى راعى الصيدليه و بائع الجرايد و عمولته أكثر عن ثمن الشقه ... و اسمحولى

سلام
أختي بنت الصقور الشقق اللي انا قلت عليها مو بالأدجوار رود اللي خبرك لا بالجهة الثانيه اللي بعد الجسر.. أهدى من جهة المحلات و المطاعم العربيه بكثير و لا فيها عرب و فيها سكيورتي 24 ساعه و جديده و نظيفه مره و اذا حصلت صورها عندي راح احملها هنا و بتتفاجأين بأثاثها و ترتيبها لأنو أحنا لما فكرنا نسكن بشقق جربناها هي و شقق ثانيه نسيت أسمها بعد النايتس بريدج.. بس هذي اسعارها ارخص و انسب للي عايلتهم كبيره..و هما يأجرون بالأسبوع مو باليوم..
و على فكره انا اخت مو اخ .. و لو هالشي ما ناسبنا كعايله ما نصحت فيه..
أتمنى أكون أفدتك... و لي عوده عشان أماكن التمشيات و الأسواق و المطاعم...

مشكورين جميعا
ومشكوره اختي بنت الصقور
بالنسبة للبلده اللي ذكرتيها هل تعتقدين انها تكفي لوحدها لقضاء اجازة الصيف علما اني انوي الاقامة تقريبا شهر واما اذا في مناطق اخرى ارجو توضيحها وهل اجد فيها عوايل خليجية وكيف الوصول اليها
وجزاكم الله الف خير