السلام عليكم ورحمه الله وبركاته.. اخوي والله العضيم لي فتره ادور احد ابي اساله عن مراكش وما لقيت والله جابك الحين .. انا رحت المغرب مرتين وكلها في اكادير .. في نوفمبر ان شاء الله ناوي مراكش.. ابي اسالك عده اساله وابيك الله لا يهينك تجاوبني ..
1_ كيف الجو في نوفمبر؟
2_ احسن سكن؟ انا اسمع دايما عن منتجع النخيل.. كيفه.. اسعاره.. طريقه الحجز بالرياض لا تقول عن طريق الانترنت..المنتجع كم فيلا فيه .. الامن كيفه.. (( وسائل الترفيه)) كيفها.. (( الزوار)) عندهم مشاكل من قبل الامن ولا عادي يدخلون ؟
3_ انا مستغرب المدينه ما فيها بحر ويقولون حلوه كيف ؟ وش فيها ؟
اخوي لا يكون ثقلت عليك.. الله يوفقك دنيا واخره.. امين.. امين .. امين .. امين ..

بسم الله الرحمن الرحيماهلا اخوي سامي
الجو في شهر نوفمبر بداية البرد وبرد مراكش بالعضم لانها مدينه جافه مو على بحر بس ثلاث ايام وتتعود
على الوضع
وبالنسبه للاماكن مراكش مدينه هادئه وفيها ساحة الفنا وشارع جيليز حلو للتمشيه وفيه مطعم ماكدونالدز
داخل شارع جيليز ضروري تروحله وعندك المقاهي في شارع فرنسا وفيه منطقة اوكيمدن تبعد 40 كم عن
مراكش فيها الثلج والتزلج وعندك المناره وعندك علي بن الفلاح عروض شعبيه عن تاريخ المغرب وقريبه
من النخيل وعندك صالة البولينج داخل مجمع الجولف بالاس ضروري تروحله وقبل ماتلعب تسال عن
الاسعار وفيها المرجان سوبرماركت زي بنده بس حلو للتمشيه وبالنسبه للامان الديره امان وعل
كيفك
بس من شروط مراكش لازم تسكن النخيل وتاجر سياره ورايح تنبسط وعلى مسؤوليتي
بس اخوي سامي قلي كم يوم تجلس ورايح اعطيك الاسعار بالتفصيل والحجز رايح اعطيك رقم مكتب
الدرقاوي بس موعندي اللحين رايح اكتبه المره الجايه هو وصاحب تاجير السيارات
وعلى فكره ترى نوفمبر من احسن الاوقات اللي احب اسافر فيها لمراكش
والاسعار ترى مراكش ارخص من كازا واغادير واسعارها معقوله
انت روح مراكش ورايح تدعيلي اتمنالك التوفيق
اخوك عاشق مراكش
.

الله يمسيكم بالخيير
اول شي اخوي سامي تراى كلام عاشق مراكش صدق ولا تفوتك مراكش بس امش على كلام عاشق وراح تدعيله انا توني جاي مريت كازا واغادير ومراكش والرباط وطنجه والصويره ما ارتحت الا بمراكش بس ضبط وضعك قبل ما تروح واذا تبي خوي تراي جاهز بالتوفيق ورحله سعيده

شكرا اخوي عاشق مراكش وشكرا لاخوي محمد بس ماجاوبتوني عن بعض الاساله اللي فوق انا ان شاء الله راح اجلس اسيوع واحد ودي اعرف كم سعر الليله في منتجع النخيل واحنا عددنا اثنين بس,,,,, ودي اعرف كيف الوضع في المنتجع,,,, ومكتب الدرقاوي بالرياض ولا وين .... والقى حجز بالمويد ولا الطيار ولا الصرح ولا ما فيه .....والف شكرا لكم,,

مرحبا اخوي سامي 666 تقدر ترجع الى تقرير الاخ Cool راح تلقى جواب لكل اسئلتك وسعر اليلة في المنتجع 1400 درهم لليلة لشخصين ومن ناحية الحجز اتوقع انك تحجز مباشرة من نفس المنتجع هذا الي اعملة دايم وفي غير منتجع النخيل كثير مثل بن قدورة . و شروق الشمس و في شقق كثير في شارع فرنسا ( انصح فيها ) سعر اليلة بحوالي 700 درهم . ومكتب الدرقاوي في مراكش

اخوي سامي الدرقاوي له جوال لكن الضاهر ماتقدر تكتبه على الموقع ادارة الموقع ما تسمح لكن اذا تبغاه راسلني خاص وابشر بالي يسرك

محمد4545

وقيلا ليك كمسيون

الاخ سامي بعد التحيه
بالنسبه لشخصين في النخيل يحتاجلك شقه وسعر الشقه لاتعطيهم اكثر من 1200 في اليوم لاني انا بسراحه
اخذها 1000 يوميا لانهم متعودين على وجهي وهذا رقمهم *****************الدرقاوي بس اذا كلمتهم
قلهم ابغى شقه غرفتين دور ارضي مع حديقه لانها بنفس سعر الدور الثاني
وانا انصحك بانك لاتسكن الا بالنخيل لان الشقق اللي داخل مراكش مثل شارع فرنسا وغيرها صح رخيصه
تاصل الى 700 درهم لاكن تطفش وانا مثل ماقلتلك اسكن النخيل وعلى مسؤوليتي بتنبسط
اما السياره فاسعار مراكش اغلى من كازا اذا انت جاي الى كازا انصحك تستاجر من كازا بنفس المطار
واسعار السيارات الصغيره لمدة اسبوع انت واسلوبك من 250 الى 300 درهم باليوم اما مراكش سعر
السياره الصغيره من 350 الى 400 درهم باليوم*********************بس لاتنسى الرخصه وترى مو لازم دوليه اي رخصه
ولاتستحي اخوي سامي اسال ولاتردد بس لاتنسانا بالدعاء
.
.
.
.
.
اتمنالك التوفيق اخوك عاشق مراكش

اخي عاشق مراكش ..
ياسلام عليك كذا إلإفاده ويلا فلا ..
تبارك الله عليك ياخبير الحمراء ..
اعذب تحيه لكم مني ..
في الحال توصل بلا تأخير ..
في الحمراء دايم ماخاب ظني ..
مادام عاشق عليها يغير .......