السلام عليكم
بالنسبة لسفارة النمسا
اليوم الصباح كنت موجود فيها لاستخراج فيزا شنقن
طبعاً السفارة احسن مافيها انها بدون موعد لكن للأسف لاحظت انهم يدققون على كل شي كل صغيرة وكبيرة بمعنى انك لو تنسى فقرة في الطلب نسيت تعبيها ترجع من اول الصف عشان ترجع للموظف مره ثانيه
اضف الى ذلك التعقيدات في الصور يعني لازم تكون مطابقة للي هم عارضينها في موقعهم بالنسبة للرجال من ناحية الصور لايوجد اشكال بس للنساء اشكال من ناحية كيفية لبس الحجاب ووضعة في الصورة
انا كان معي الفاوتشرات حقت الفنادق وللاسف تم رفضها ولابد انك تجيب تأكيد الحجز من نفس الفندق الي بتسكن فيه يعني
كشف الحساب لابد انه يكون 25 الف وفوق غير كذا مايقبلون
التأمين الطبي وهو اهم نقطة عندهم لابد يغطي فوق 40 الف يورو
حجز الطيران لابد يكون مؤكد
ناس كثيرة تم ارجاعها
طبعاً محدثكم تم ارجاعة بعد عشان الفاوتشرات رغم ان احد الفنادق معي التأكيد منه بس لاحظت انهم يدققون على كل الفنادق لابد وجود التأكيد على الفنادق الي بتسكن فيها
برضو يطالعون فترة الرحلة ويقارنونها بمدة السكن في الفنادق
اي سؤال انا حاظر