حياكم الله بديرتكم
دام انه ما عندكم الا يومين ...
اليوم الاول ....
ادخلوا ابراج الكويت ( تقدرون تتريقون في الابراج .. فيه مطعم ) ثم تغدوا في ميس الغانم ثم اطلعوا على المركز العلمي ... يمكن تقريبا يبعد عنهم 10 دقايق
اليوم الثاني ...
روحوا قرية المسيله المائيه في منطقة المسيله ..
أما الافينيوز عند منطقة الري و الرابية .. عند منطقة الفروانيه .... بعيد عن الاماكن الثانيه ....
ممكن تخلينه باليوم الثاني بس روحوا له مبجر قبل الزحمه
اما التسيمو و حمام شرق بلازا اثيني .. ما اعرفهم .. لكن واضح انه حمام شرق في منطقة شرق
تقولين : المطاعم الحلال كل المطاعم بالكويت الحمدلله حلال
تلقين المطاعم اشكال و الوان على شارع الخليج و داخل المجمعات ... الافنيوز و شرق و المارينا
تفضلي الرابط:
https://artravelers.com/p/re/223930

مشكوره حبيبتي
اتمنى الحبايب يفيدونا أكثر
سؤال أختي مرام الطريق الصح يكون طالع على مدينة الكويت>>> بنيد القار>>> السالمية >> المسلية >> صح ؟؟؟

يا قلبي انا اسوق لكن ما اعرف شي بالطريق
ان جى زوجي ان شاء الله بأسأله و اجاوبج

اختي اخاف قصدج برج الحمام مطعم وايد حلو ومزدحم

بكره أحنا جايين الكويت أتمنى تفيدوني بسر رعه
رحم الله والديكم جميعا

حياج الله اختي بالكويت ..
سؤال أختي مرام الطريق الصح يكون طالع على مدينة الكويت>>> بنيد القار>>> السالمية >> المسلية >> صح ؟؟؟
عفوا بس حبيت اجاوبج على هالسؤال ...
بنيد القار ومدينه الكويت والسالميه تقريبا يم بعض
اما المسيله بعيده شوي عنهم ..
واتمنى انج تروحين الافنيوز

اختى احلى شموسة بدعتى لما قلتى تبين مطاعم حلال انتى وجهتج متاكدة الكويت ولا دولة اجنبية

عليكم السلام و رحمة الله...يمكن اختصار بعض الأماكن في طلعة واحده مثل الآتي:-
1- السالمية و شارع الخليج العربي:-

• شارع سالم المبارك "تمشية فيه و يضم لوحده جميع مجمعات السالمية اهمها المرينا و الفنار و ليلى و البستان و غيرها" و كذلك العديد من المطاعم و المقاهي.
• المركز العلمي الذي يقع بشارع الخليج العربي و دخول مرافقه الجميلة.
• بالسير في شارع الخليج العربي , زيارة سوق شرق و أبراج الكويت, و متحف الكويت الوطني.
• كذلك بهذا الشارع عشرات المطاعم العالمية و الشرقية و من بينها ميس الغانم, فلم تجدوا صعوبة في هذا الأمر.

2- مدينة الكويت:-

• تجدون فيها المجمعات التي تضم الماركات الثمينة مثل مجمع الراية, مجمع دار العوضي, مجمع الصالحية.
• سوق المباركية و هو ابرز معالم الكويت, و هو سوق شعبي الأقدم في الكويت.

3- مناطق أخرى:-

• مجمع الإفنيوز أكبر مجمع تجاري في الكويت و يجب عليكم زيارته يقع في منطقة الري, على امتداد الدائري الخامس

و يبعد 10 كيلومتر تقريباً من السالمية.

• في الخروج من الكويت, المرور على مدينة الفحيحيل و زيارة مجمعين الكوت و المنشر الجميلين, و القاء نظرة على سوق الفحيحيل و سنتر بوينت القريب من الكوت.و هذا كان مجرد اقتراح حسب الموقع حتى تنتقوا الأفضل و الأقرب للمسافة,

تمنياتي اني يكون جميل.
و حياكم الله في بلدكم.

اخواني ما قصروا
ترجعون بلدكم بالسلامه