اخوي المنتدى موجود فيه كل الي تبي بس ابحث وبتلقلى طلبك
بس نصيحه شل عزبتك معك او انك تصبر على اكل الاسماك بس كون المطاعم العربيه حراميه وكذابين وهمهم البيسو يطلع من جيبك لهم بس

هلا وغلا اخوي DRJ
انا قد سافرت لندونيسيا وشلت عززبتي معي بس الوضع بالفلبين زي بونتشاك باندونيسيا يعني القى فلل وشغالات ؟؟ والا الوضع يختلف
انا بس احب اشوف الوضع هناك زي اندونيسيا ولا يختلف كلياً
تحياتي لك اخوي DRJ

F.M.alsalmani
يختلف الوضع هناك عن اندونيسيا كليا بس شيل عزبتك معك ومن نفس الفندق كلمهم يجيبلك الي تبي بس اهم شي اللغة النجليزية . تراي انا مثلك اول مارحت ماادري وش اسوي حتا اللغة ماعندي بس الحمدلله مشت معي والوضع هناك مره سهالات ولو تاخذلك لفة علي مواضيع الاعضاء صدقني بتستفيد اكثر اخوي رووح والقلب داعيلك تجي بالسلامة

هلا غلا اخوي (العاطل)
يشرفني مرورك والف شكر لك
وانا ابي اروح واللي عقد روس الحبال يحلها

المهم انك تسكن في غرف تحتوي على مطبخ

عزيزي
بالنسبه للصرف انتبه لاتصرف الا في محلات الصرافه المؤتمنه
ولاتصرف مبالغ كثيره
وعد فلوسك وتاكد منها امام الكاشير قبل لاتمشي
لان الغش عندهم موجود وانتبه اصرافين السوق السوداء؟؟؟

هلا رجنت وهلا فيك اديب ناصر
مشكوررين على نصائحكم التي تهمني بشكل والله لا يحرمني منكم
تحياتي لكم

ماهي اهم المشاكل والاخطاء التي يمكن ان اقع فيها ؟؟ واذا وقعت فيها شلون اتصرف ؟؟
اخواني سفرتي الاولى ارجو توجيهي بشكل دقيق وشرح مفصل ....
الشباب ما قصرو لكن ما يمنع بما انك اول مره تروح اعطيك بعض النصايح العامه المهمه بأذن الله بتفيدك :
اذا سفرتك اكثر من 21 يوم لازم تمدد التأشيرة اما عند وصولك بمكتب الهجرة بالمطار أو من مكت الهجرة في مانيلا ... لو خليتها عند المغادرة ممكن اذا رحلتك بالليل تلقى المكتب مسكر وتوهق
أغلب اللحوم بالمطاعم خنزير (اكرمكم الله) وممكن بقر بس طبخ بدهن الخنزير وهذا منتشر .. تأكد من هالنقطه واذا بتخلي الدعوة دجاج وسي فود ابركلك
تعد فلوسك قبل ما تمشي من الصراف قدامه
اعرف الاسعار سواء في التاكسي أو قبل ما تطلب خصوصاً في الكافيهات
اشتر دماغك على الهللات بالتاكسي اذا شفته متنح عليها لأن غالباً العداد ما يعطيك سعر صافي
بالنسبة للتلفون بطاقة سمارت افضل من قلوب ... ممكن تسويلها خدمة الرومنق اذا رجعت بلدك
بالنسبة للمطاعم العربيه أنا من وجهة نظري أن الأسعر مبالغ فيها ومدبوله اضعاف اذا انكم اكثر من واحد خذ عزبتك معك واذا اضطريت فيه مطعم ممتاز وسعرة معقول مقارنه بالباقين اسمه زجورات في شارع برقص بمكاتي

هذا موقعهم على الشبكه http://www.zigguratcuisine.com/resto/index.php
هذا اللي جا في بالي واعذرنا على القصور
موفق خير

شكرا لك اخي the net
شرفني مرورك على الاستفسار ولكن اخوي the net
ابي اسألك وش رايك وين السكن الامن واللي كله سعوددين ومجرب او تقول لي شئ انت مجربه لاننا بصراحه يالسعوديين ما نسكن الا شئ مجرب وهل الشغالات متوفره او يوفرها لي الفندق او صاحب الشقه ..
تحياتي لك