السلام عليكم ورحمة الله وبركاته
هلا وغلا الغالين
لكم وحشه ومفتقدينكم واجد
حاليا متواجد في غلاسكو واليوم واصل ع اساس بقعد 3 ايام ولكن جاني ظرف ولازم ارجع لمدينتي بكرا ان شاءالله ..
وكنت قبل ما اجي ادور سكن ووين افضل مكان ودخلت النت ومالقيت شي محدد وكان هناك اسامي ومنها اخترت City centre apartment ولما شيكت عليها في بوكنق كانت جنب محطة Glasgow cnetral station
وشيكت على شروط الالغاء وكانت اشوي صعبه لاني ما اقدر الغي الحجز الا قبل 21 يوم !
ولكن لقيت تصنيفها عالي 9.7 والنت فري فتوكلت على الله وحجزت فيها ..
وبعد ماحجزت جاني ايميل للتأكيد وتم خصم المبلغ مباشره ولكن للاسف اطلعت الشقه فيها كذا نقطه وهاي كالتالي :
الموقع الحقيقي للشقه يبعد 10 دقايق مش والمشكله ان الشقه الجهه الثانيه للمحطه وشارع المشاه الجهه العكسيه
النقطه الثانيه مافي مكتب في المبنى بمعنى قبل موعدك بساعه اطرش رقم على الجوال الي راح ايجيك في الايميل واتقول متى بتوصل ..
ولما وصلت حطيت اغراضي وطلعت اتمشى في شارع المشاه وشفت افضل اماكن للسكن وتعتبر الاقرب لشارع المشاه هي كالتالي :
1-
Premier Inn Glasgow City Centre (Buchanan Galleries) Hotel
2-
Holiday Inn Express Glasgow Theatreland
3-
Gallery Apartments
كان ودي استكشف اماكن اكثر ولكن الحمدالله ع كل حال
تحياتي
القطري