الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في الكويت

اين اجد معارض السيارات

eyesmax

09-05-2022 - 06:20 am

السلام عليكم...
اخواني الكويتين و اخواتي الكويتيات
اليوم جابي استفسار جديد لكم
انا يوم الاربعاء و الخميس بكون ان شاء الله بكويت. و الجيه هذي ابي اخذ سياره و ارجع...
الاستفسار:
انا ادور فان سفانا او سوبربان وين احصل المعارض اللي تبيع السيارات هذي...؟
و لكم جزيل الشكر

التعليقات (6)

old-man

09-05-2022 - 08:49 am

ياهلا ويمرحبا فيك معارض السيارات بالكويت كثيره جدا عندك الري شارع المكاتب , السالميه مقابل مطافي السالميه , حولي فيها كثير من مكاتب سيارات عندك سوق الحراج في جنوب الجهراء عند امغره تحديدا

راى

09-05-2022 - 09:50 am

نعم مثل ما قال اخوي
الري / السالميه / حولي / والحراج في امغره بالقرب من الجهراء
ومراكز الفحص منتشره لكن الافضل اللي في الري والشويخ
مثل الرمال الذهبيه والنجم الثلاثي وغيرها
ويكلف فحص السياره ما يقارب 25 الي 30 دينار
وبالتوفيق ان شاء الله

بوطلال العدواني

09-05-2022 - 10:51 am

بالتحديد
اغلب هذه النوعيه من السيارات تجدها في معارض حولي
وفيه ايضا معارض في منطقه ابو حليفه
على طريق الفحيحيل السريع ((تشوفها مايحتاج الدخول للمنطقه )) اغلبها سيارات امريكيه من فان واستروفان وسوبربان الخ

روان بنت الكويت

09-05-2022 - 11:52 am

هلا اخوي
ماعندي شي اضيفه الا حياكم الله بالكويت
والله يوفقك وتحصل السياره اللي تبييها

eyesmax

09-05-2022 - 12:53 pm

السلام عليكم...
مشكورين و ما قصرتوا.... سجلت كل الاماكن اللي قلتوها و بروح لها ان شاء الله.
يعطيكم العافيه كلكم

eljoori

09-05-2022 - 01:54 pm

في معارض كثيره تبيع السيارات في
أبوحليفه - المهبوله
وهى مناطق قريبه من الفحيحيل