أوركيدا
حبه حبه اختي اوركييدا هدئ نفسك رايح نفزعلك ونرضيك
على العموم انا بعطيك نبذه صغيره عن بعض مدن ايطاليا الين تشوفي ايش الاقرب الى قلبك
وبعدها خذي نصايحنا
وصدقين مو شهرين بل اسبوعين وانت عارفه الى لك والى عليك مع كل المعلومات مادام انك تبين ايطاليا
على العموم لي عوده لأجيب على استفساراتك
وهذه النبذه :-
فينيسيا "البندقيه" : مدينه خيال...حلم...عشق...فريده لا مثيل لها في الدنيا.
روما : تعتبر المدينه التاريخيه الاولى في العالم وبلا منازع مدينه كبيره وحلوه
ميلانو : مدينة صرخات الموضه والازياء والاناقه ولكنها ليست سياحيه
ريميني / ريتشوني : مدينتين ليليتين شاطئتان على الذوق العربي فيها الكثير
من المرح واللعب واللهو ولكنهما فعلا جميلتان للغايه.
فلورنسا :مدنة الفنون والرم والنحت ...مدينة مايكل انجلو ....و ليوناردو
دفنشي...وسانتا كروشي ......وتعتبر المدينه الاولى في العالم من هذا النوع .
باليرمو / ريفيرا : هاتان المدينتان لعشاق البحر والشمس احداهما في الشمال
بحدود فرنسا وهي ريفيرا والاخرى في الجنوب في جزيرة صقليه وهي باليرمو
ونصيحه مني لا تفكروا في ريفييرا لأن بها الكثير من التعري.
امالفي / كومو / جنوى : مدن تطل على البحر فيها الكثير من الطبيعه والهدوء
والجمال.
فيرونا : مدينه جميله للغايه ومن المعروف انها مدينة العاشقان روميو وجوليت.
جزر كابري : جزيرة الاغنياء فيها الكثير من الجمال والرفاهيه والرقص .
تيفولي : مدينة 99 نافوره ...حدائق واشجار على اليمين وعلى اليسار وشلالات
ونوافير في منظر رائع للغايه.
و....................... ..........الخ

اخواني محتاجه لمساعدتكم بالمرة
انا ناويه بسافر لايطاليا في شهر 6 بعد شهرين
طبعا بعد مشورتكم لي
وودي اروح
فينيسيا
روما
ميلانو
روتشيني
ودي تساعدوني
س/ كم من الايام تستاهل كل وحده من هالمناطق؟
س/في كل منطقه ايش احسن الاوتيلات مع العلم نبغى مكان حلو ونيس فيه حياة ورخيص نوعا ما؟
س/احسن خطوط اروح عليها مع العلم اني من الشرقيه؟
س/اذا في معلومات عن روتشيني لو بسيطه؟
هلا فيكي اختى اوركييدا
رحله موفقه ان شاء الله مقدما واختيارك موفق في ايطاليا
بنسبه للاسئله بحاول اساعدك فيها قدر الامكان وادري الاخوان ماراح يقصرون معك
روما طبعا هي العاصمه بلد خطير وفيها متاحف واماكن كثيرة تروحي لها على الاقل تجلسين فيها اسبوعين يالله تكفي
بعدها تطلعين على ميلانو وانصحك تجلسين فيها يومين شبونق ويوم تزوري الاثار الي فيها مع العلم ان ميلانو بلدة شوبنق وصناعية
اما عاد فنيسيا يكفيها يومين برائي وراح تنبسطين فيها مره واذا رحتى هناك لايفوتك منطقه اسمها الليدو والساحه حقت الحمام مع المتاحف ولازم تاكلين بماكدونالدز الي بساحه طعمه خطير
بعدها تطلعين على ريميني ورتشويني بينهم شارع طبعا هالبلدتين رخيصه مره ومتعه للي يحب بلدة بحر تصميم ريميني غريب بلدة جايه بطول يمينك مطاعم وقهاوي ومحلات ويسارك فنادق بكل واكثرها اربع نجوم وثلاث نجوم ووراء الفنادق البحر وكل فندق له الشاطي حقه ريميني كنت بجلس فيها ثلاث ايام من كثر ما اعجبتني جلست فيها خمس ايام والحلو الي فيها مافيه عرب قليل مره مره العرب فيها ولو تبين العرب تروحين على روتشيني بينهم شارع بتحصلين العرب والمطاعم العربيه وفيه كافيه هناك ديكوراته زي الخيمه حق مصري متزوج ايطاليه يحط ميلودي وشيش واكلات مصريه وعصيرات مصريه تحسين كنك بمصر بس للاسف ناسيه اسم الكافيه بس بتشوفيه على اليمين.
ريميني ورتشويني مو اقل من اربع ايام برائي .
انا سكنت بروما بفندق أرت سبانيش ستيبس وكان وسط المدينه وكل شي فيه وراقي انصحك فيه خمس نجوم.
بنسبه لفندق ميلانو سكنت ماريوت وكان وسط المدينة وتري في اكثر من ماريوت لازم تختارين فندق وموقعه Via Washington 66 I-20146 Milan Italy
بنسبه لفنيسيا سكنت بفندق ناسيه والله وين سكنت ممكن الشباب يساعدونك اكثر
ريميني انا سكنت بفندق الميريادن بريميني والافضل تسكنيين بريميني وتسهرين وتغيرين جو بالليل برييتشوني لانها قريبه بينهم شارع تقريبا خمس دقائق.
اما روتشيني فيها مول حلو وقهاوي ومطاعم وعلى البحر
بنسبه للخطوط الافضل تطلعين على السعوديه الشرقيه روما وتتنقلين بعدها يالبسيارة او بالقطار
ان شاء الله اكون افادتك بمعلومات ولو بسيطه
تحياتي لك

أوركيدا
هلا وسهلا فيكي اختي الغالية اوركيد
ان شاءللة تكون اجابتي مختصره ونافعه لكي في نفس الوقت
ان سسأعد ك في المدن التي ذهبت اليه وسمعت عنها لتكوني على بينه وتكون المعلومة صحيحه معاا لعلم ان جميع المدن الي ذكرتيها جميله جدا
س1
1) فينسيا لها نصيب الاسد الاكبر من الايام والسبب بصراحه هو جمال هذه المدينه الرمنسية جدا جدا جدا
وان من راي ان تجلسي فيها 4 ايام وتتمتعي بعجائب هذه المدينه وفنها الراقي
2) روما مد ينة الاثار العظيمة والفن المعماري الجميل تجلسي فيها 3 ايام ولاتنسي تروحي (الحصن الروماني )
3) روتشيني والله المدينه انا ما رحتها بصراحه ولكن سمعت عنها الكثير وانشاءلله عن قريب حاروحه :kashkhah: ولكن من وجهة نظري 2 يومين
4) ميلان اجمل مد ينه بالنسبه لي من ناحية الاناقة:icon_wink وانت هاتعجبك المدينه والسبب كثرة الشوبنج (التسويق ) وجمال الاسواق والازاياء والمدينه حلوة جدا ولكن اجلسي فيها 2يومين او 3ايام كفاية عشان مانطفشي :mf_leia:
س2
بالنسبه الى الاوتيلات انا احاول اجمعلك افضل معلومات عن اوتيلاات اسعارها ممتازه وجميله وتكون في
قلب المدينه ليكون كل شي قريب منك وارسلو لكي ان شاءللة
س3
الخطوط والله هيه يا اختي اوركيد على حسب ذوق المسافر ولكن الخطوط الايطالة ممتازة والسعودية ممتازه والله يوصلك بالسلامة ان شاءلله
س4 : ( روتشيني ) هذه المدينه والله انا مثلك لا افقه عنها شيا ولكن عما قريب ان شاءلله

أوركيدا
احسنتي الاختيار اوركييدا
ايطاليا بلد قمه في الروعه
فينيسيا خذي فيها من 3 ايام الى 5 ايام بتكون حلوه
روما خذي فيها اسبوع او عشره ايام على الاقل ولا تنسي تمري على ضواحي هذه المدينه التاريخيه
ميلانو لا تأخذي اكثر من يومين تسويق
ريتشوني خذي فيها اسبوع لأن بجانبها مدن ايضا رائعه لو احببتي التغيير
اما عن الاوتيلات فأسالي المتخصصين ايطالي وايطالي مسافر ونجود وفؤاد
اذهبي على الخطوط السعوديه

أوركيدا
الاخوان جاوبلك على كل شي تقريبا
لكن عندي اضافات بسيطه
احسن خطوط الخطوط السعوديه كفايه انه يذكرك فيها دعاء السفر
هذا الشي يبعث الى قلوبنا الاطمئنان
اما عن ريتشوني فيها بلده صغيره ورائعه على البخر الشرقي الايطالي
وفيها الكثير من المطاعم والمقاهي الرائعه
ولكن ريميني بنظري اجمل

السلام عليكم ......
طبعا الاخوان ماقصروا عطوك معلومات واضحه .......
لكن بالنسبه ل برنامج ممكن أسويه لك راح يكون ك التالي .....
المغادره من الشرقيه على الخطوط الإماراتيه أو السعوديه أو القطريه (( غير هالثلاث لا تدورين )) و أنا شخصيا أفضل السعوديه .....
وصولك راح يكون ل روما و تجلسين فيها 4 أيام أو 5 على حسب اعجابك فيها , و خلال هالفتره تقدرين تزورين اماكن لا حصر لها .....
بعدها تتوجهين للشمال بداية من زيارة برج بيزا المائل ويكون الجلوس هناك لمدة يوم واحد او اثنين بالكثير و بعدها مدينة فلورانسا لنفس المدة و من بعدها تتوجهين ل ريميني 3 أيام و بعدها البندقية 4 أيام وبعدها ميلانو يومين أو ثلاثه و بعدها العوده من مطار ميلانو إلى البيت
طبعا كتبت برنامج ملخبط أو غير منظم و هذا يرجع أني ما أعرف اهتمامك ولا الأشياء الي تفضلينها ...
و اذا عندك أي سؤال ثاني حاضرين و تحت أمرك .....
و طبعا في البرنامج المذكور فوق أحب أنبه أني أعطيت الجنوب الايطالي صفر من 100 في الاهتمام و كان تهمك المدن الموجوده فيه مثل نابولي و صقليه و غيرها ...
نعدل في البرنامج ......
تحياتي لك ......

الصراحه مشكورين ماقصرتوا
وتسلمون يا
ايطالي مسافر
نجود الدلوعه
ميلانو
الفارس الاسود
ايتايتو
اي6الي
بس لو حبيت اسالكم سوال واخذ راي كل واحد فيكم
ايطاليا او امريكا؟؟؟؟؟

أوركيدا
اختي اوركيدا سؤالك صعب شوي من ناحيتين:
1- لأننا لو قلنا ايطاليا بتقولي اكيد قالوا ايطاليا عشانهم يعشقونها.
2- من الصعب المقارنه بين بلد كبير جدا وآخر صغير فلا يجوز ان نقارن كندا او افريقيا بماليزيا.
ولكن للأمانه سأجيب على سؤالك بعرض مميزات كل منها:-
مميزات ايطاليا:
1) ايطاليا توجد بها مدن ليس لها مثيل في العالم فلا توجد مدينه في العالم مثل روما او فينيسيا او فلورنسا
فروما تاريخيه وفينيسيا رومانسيه وفلورنسا فنيه وثلاثتهم الاول من نوعهم في العالم.
2) ايطاليا بها عجيبه من عجائب الدنيا وهي برج بيزا.
3) ايطاليا لها طابع وستايل خاص بها وهي الطابع التاريخي على مدنها جميعا فهم محبوا للآثار.
4) قرب ايطاليا مننا وبذلك ستكون قيمة التذاكر اقل بكثير من التذاكر الى امريكا.
5) التنوع في المدن الايطاليه وقربه من بعضها البعض وعلى فكره هذه ميزه بعكس امريكا اللتي ليس فيها تنوع وتحتاجين للمسافه والوقت والمال للتنقل من ولايه لأخرى.
6) النواحي الامنيه افضل من امريكا.
7) ايطاليا من اهم الدول السياحيه في العالم والاهم في اوروبا ولاتنسي انها ملتقى العشاق فكثير من مدنها مصممه للعشاق.
8) الشعب الايطالي ودود جدا وطيب.
مميزات امريكا:
1) انها ارخص نسبيا من ايطاليا وانا اقول نسبيا.
وفي الاخير الامر متروكا لك اختي اوركيدا

انا اقول تجلسين في بيتكم