1. اختي شاليهات الحين صعب تحصلين !!! الطيور طارت بارزاقها ..

اختي شاليهات الحين صعب تحصلين !!! الطيور طارت بارزاقها ..

ما ادري اذا تحصلين في الفنادق .. لان الشقق نفس الوضع ما شاء الله .. و ما عندي معرفة في الشقق بس من اللي اسمعه في المنتدى ان تقريبا اغلب الشقق الزينة و المتوسطة فل و من فترة الناس حاجزة
المهم .. ارشح لج .. فندق المارينا ... حلو و على البحر و متصل في المارينا كريسنت .. و متصل في المارينا مول .. يعني موقع ممتاز ... المارينا كريسنت كلها مطاعم و كافيهات .. و ممكن تطلعين من المارينا مول تتمشين في السالمية و كل شي بيكون قريب منج
و عندج حديقة الشعب (ملاهي) قريبة من الفندق .. و عندج المركز العلمي .. نوعا ما قريب وايد حلو فيه الاكواريم و سينما 3 دي و قاعة الاستكشافات ...
و خلي يوم ل الافنيوز مول .. بس حاولو تروحون له مبكر عن الزحمة .. تسوقوا فيه .. و فيه العاب .. والسينما اللي فيه ممتازة .. و المطاعم اللي فيه و الكافيهات حلوة ... و قريب منه عندج مول 360 هم حلو
عندج سوق المباركية .. تراثي شعبي .. اذا تحبون هالسوالف ..
سوق شرق حلو .. حلوة القعدة فيه في مطاعم و كافيهات تطل عالمارينا .. و الجو هالايام روعة
عندج يوم البحار .. هو قرية تراثية مصغرة .. بس يمكن احسن تروحون لها في النهار عن الزحمة
لو ما حصلتي حجز في المارينا .. عندج فندق الكورت يارد تابع للماريوت .. متصل مع مول الراية
او فندق جي دبليو ماريوت .. متصل مع مجمع الصالحية .. لكن الصالحية يسكر اغلبة في العيد
او سكنوا في روتانا المنشر .. في منطقة الفحيحيل .. حلو و متصل في المنشر مول .. و مقابلة الكوت مول .. روحوا الكوت حتى لو ما سكنتوا روتانا .. القعدة على النافورة و خصوصا اذا ظلمت الدنيا وايد حلوة .. الكوت يطل عالبحر
في بعد فندق المريديان .. عالبحر .. و في مريديان تاور في الديرة .. و بجانبه فندق الفور بوينتس تابع للشيراتون اللي هو بعد بجانبهم
حاولو تضبطون حجوزات السكن .. لان الدنيا زحمة ... و ان شاء الله تتيسر اموركم و باذن الله خيرة
و ان شاء الله الاخوان بعد بيفيدونج

نسيت اقولج .. جربي هلتون المنقف .. هذا منتجع عالبحر .. عبارة عن فندق و بعد فيه شاليهات .. حلو لتغيير الجو ..
و منتجع النخيل .. نفس الطريقة ...
و منتجع صحارى .. هذا عبارة عن ملاعب جولف .. و شاليهات فيها حمامات سباحة خاصة فيها .. و في سبا .. لكن مو عالبحر .. بس جدا راقي .. و قريب من مول 360 .. و الافنيوز

الجو في الكويت هذه الايام معتدل بالنهار العظمى 28 درجة وبارد في المساء الصغرى 6 درجات
في 3 ايام انصحك في زيارة الاماكن اللي بذكرها وان شاء الله بتستانس
إذا كنت من عشاق المسرحيات انصحك ان تحضر
مسرحية ليلة رعب على مسرح سينما غرناطة
مسرحية بيت المرحوم يشارك فيها الفنان المصري حسن حسني على مسرح نادي القادسية
مسرحية المدينة الثلجية تصلح للكبار والصغار العرض جميل وممتع على مسرح مركز تنمية المجتمع بمنطقة الزهراء
اما اذا كنت من عشاق الحفلات فيمكن اللإستفسار في قاعة الرايه
عندهم حفلات ثاني وثالث يوم العيد وحفلاتهم راقيه وممتعه وهناك حفله للفنانه المصريه شرين
اما بالنسبه للسكن انصحك في فندق ايبس السالميه
اسعاره جدا رخيصه ومكانه جميل وقريب من كل شي ومجرد ما تطلع من الفندق بتلاقي كل شي يمك بدون لا تستخدم السياره
اما عن اهم الاماكن السياحيه اللي انصحك بزيارتها
1- المركز العلمي ( يعتبر الرابع على مستوى العالم ويحتوي على شاشات اي ماكس وقاعة استكشاف والاكواريم ..
أنصحك بدخول الاكواريم و الاي ماكس )
2- مجمع الافنيوز ( الأكبر في الكويت والشرق الاوسط )
مجمع المارينا
مجمع الفنار
مجمع 360 فتح حديثا
سوق شرق
3- منتزه الشعب
المدينة الترفيهيه
انصحك في الزيارة الليلية لمنتجع موفينبيك البدع حيث المقاهي والمطاعم والاجواء الجميلة
إذا كنت من عشاق المقاهي والشيشه لازم تزور ( ميناء الشويخ ) المليئ بالمقاهي ومن افضل المقاهي ( هاربور . ايميل . وانصحك بالتجول في ميناء الشويخ لانه فعلا مكان جميل وهادئ

مجمع شرق والمارينا وشارع الخليج العربي.... والسكن أفضل لك بنيد القار.... مع ظني البعد عن السالميه أفضل لحكم أنها قديمة نوع ما..... مقارنه مع غيرها من أحياء الكويت العاصمه... إلا لو حصلت سعر مناسب بها

1- فندق ايبيس السالمية
http://www.ibishotel.com/gb/home/index.shtml
2- المسرح
مسرحية المدينة الثلجية
https://www.youtube.com/watch?v=vOOtyk-wPAY&feature=related YouTube - &"https://www.youtube.com/watch?v=AmAcHqQpgDU" target="_blank">YouTube - &"https://www.youtube.com/watch?v=PuGm7SiE0_U" target="_blank">YouTube - &

جزاك الله كل خير
من جد احلا مساعده حسيت انها حلوه
الله يكتبها ويسهلها

وانا اللي رايح الكويت قبل فترة وماعرفت ولا شي غير لافينوز وسوق شرق وسوق الكويت فقط
والبحر طبعا واحسب الكويت مابها شي ههه
الله عليكم بهالمنتدى الرائع مكملين لبعض

اسعار الفنادق
https://artravelers.comنقاط">https://artravelers.comنقاط من 190 ملاحظات
https://artravelers.com
KWD 29 للغرفة المزدوجة
https://artravelers.com
منتجع
0دينار لليلة

اخي احنا ما قلنا اننا اوربا بس كافي انك بالكويت لما توصل لها تحس انك بين اهلك وتحس بالامن والطمأنينة