حياك اخوي
اولاً متى تاريخ تواجدك في زيلامسي وكم ليله
ثانياً كم شخص انتم
ثالثاً كم تحب يكون سعر الليله عشان نبحث لك عن المناسب ان شاءالله

متابع للموضوع لوجود نفس المشكله
نحن ثلاث اشخاص وياليت تفيدنا بافضل الفنادق في زيلامسي
وستكون اقامتنا فيها لخمس ايام والباقي في فينا

مرحبا
التواريخ من تاريخ 5-9 الى 10-9
العدد شخصين

اخوي الخيارات كثيره بهالتاريخ يعني سويت بحث في موقع بوكينق حصلت سبع وستين فندق وشقق متوفره
بس اهم شي انت وش ودك فيه
ياريت توضح لنا السعر لان فيه فندق قراند ممتاز ومطل على البحيره سعر غرفة الف وميتين ريال
وفيه فنادق تصل الى ثلاث مية ريال فقط
وفيه المتوسطه والمعقوله ومواقعها ممتازه
ومن ناحية السكن في كابرون او زيلامسي يعتمد على اذا عندك سيارة
اذا مستأجر سيارة كثير من الناس يسكنون كابرون
واذا ماعندك سيارة اسكن في زيلامسي لان كل شي ملموم فيها وفنادقها قريبه من بعض
يعني ابي اضرب لك مثال اذا بتسكن في زيلامسي
في كم فندق مطلات على البحيره مباشره مثل فندق قراند وفندق سي هوتيل
وفيه فندق ثلاث نجوم وسعره رخيص اسمه سي هوف ومطل على البحيره بس بينهم شارع
وفيه فنادق جنبها وسط القريه وقريبه مره من البحيره وقريبه من كل شي مثل فندق رومانتك وفندق فيشرويرت
يعني صدقني على رجولك تقدر تلف القريه كلها بربع ساعه وتمر على كل فنادقها ومقاهيها ومطاعمها
ومن ناحية الشقق اللي انت كتبت اسمها لقيتها وسعرها اربع مية وخمسين ريال بالليله وتكفي اربع اشخاص فيها غرفتين وصالة ومطبخ
لان الشقه للشخصين محجوزه
وهذا رابطهم شوف الصور
https://www.booking.com/hotel/at/appartementhaus-zell-city.ar.html?aid=1300939
وانت قلنا كم تبغى السعر بالليله وموقعها ونجيب لك الخيارات الحلوه ان شاءالله

mohm2
اخوي نفس الكلام وين تبي الموقع ونوعية الفندق وسعره بالليله ونقولك على الخيارات ان شاءالله

اخوي خبراوي هذا رابط الفندق اللي تسأل عنه وموقع وسط القريه حلو وفي شارع مشاة وتحته مطعم ومقهى حلو
https://www.booking.com/hotel/at/lebzelter.ar.html?aid=1300939
وسعره تقريباً خمس مية ريال بالليله

صراحه اخوي احترم رايك ماقصرت والفنادق الي قلت لك عنه حجزتها لكن ناس يقلون مافيها نظفه ولا خدمه
وانا مزنيتي من 500 الى 600 بالليل ريال طبعا
وياليت ترشحلي كم فندق ممتازه سواء كانت في كابرون والا زلامسي ابي اطلاله جيده وجو ريفي ونظافه

Appartementhaus Zell City هذي الشقق حلوه وماتحتاج سياره بس ما فيها تنظيف يومي وترى اغلب الشقق في اوروبا صارت تتبع هالاسلوب
ولو بغيت في كابرون الافضل يكون معاك سياره وفيه شقق كثيره متوفره بوقتك في كابرون
وفيه كمان شقق متوفره بالمنطقه المرتفعه في زيلامسي بعيده عن السنتر تحتاج سياره
وانا دايما ما احباسكن عند السنتر احب الهدوء والبراد

طيب الحين بعطيك فنادق وشقق داخل زيلامسي يعني مايحتاج يكون عندك سيارة عشان تروح لها
فيه فنادق كثيره مريت عليها وشفتها ويمدحونها اعضاء كثار جربوها
وبنبدأ بالقريبه من البحيره
فندق سي هوف قريب من محطة القطار ومطل على البحيره بس بينهم شارع وسعره مناسب جداً
سعره لخمس ليالي 2625 ويشمل الضريبه وضريبه الاقامه وبوفيه الافطار
وسعر التنظيف 36 يورو بعد الخروج من الفندق تقريباً ميتين ريال
https://www.booking.com/hotel/at/seehof.ar.html?aid=1300939

الفندق الثاني قريب من البحيره وقريب من فندق القراند وسنتر القريه ويمدحون فيه ناس جربوه
وسعره لخمس ليالي 2893 ريال مشمول بالسعر الضريبه وبوفيه الافطار
ومافيه رسوم للتنظيف واعتقد ان فيه تنظيف للغرف يومياً لانه اربع نجوم
ويعطونك بطاقة زيلامسي مجانا
وهذا رابطه
https://www.booking.com/hotel/at/fischerwirt.ar.html?aid=1300939

وهذا فندق داخل القريه بمنطقة المشاة وسعره معقول لخمس ليالي 2000 ريال شامل الافطار والضريبه
ومافيه رسوم تنظيف
https://www.booking.com/hotel/at/traube.ar.html?aid=1300939

وهذي شقق جربوها اعضاء كثير وموجوده داخل قرية زيلامسي اسمها نيو بوست
وسعرها 2600 ريال ورسوم التنظيف 60 يورو
https://www.booking.com/hotel/at/neue-post-apartments.ar.html?aid=1300939

اتمنى اني اكون افدتك
ومن ناحية شقق كابرون ماعندي خبره فيها الصراحه لاني ماقد جربتها
ويمكن يفيدونك الاخوان