أنا أفضل زيلامسي
سحر المكان لوحده يكفي هذا غير الهدوء
وأكواخ الخشب الرائعة ومناظرة الخلابة
أما البحيرة والجلسة عندها ينسيك الي ماينتسى
أما المقاهي الي جنب محطة القطار ونافورة الساحة والشوارع الضيقة تحسسك بجمال الريفي النساوي
أما مرتفعات الكابرون والأبقار النمساوية والثلج في قمة الجبل والإطلالة الفاتنة على القرية الصغيرة فهي جنة الله في الأرض
نعم جنة الله في الأرض
لكن مايخرب هالديرة الا شي واحد
اذا أخذت معك شلة حريم ماخلوا سوق بالرياض ماراحوه وأنت عزوبي مابعد أعرست
وقاموا يقولون ( أيه بس هذا سوقهم )
صدقني بتكره الدنيا ومابها
أنا أقسمت إني ما أروح لأي مكان مع حريم
إلا إذا كانت زوجتي ( وقتها ألإكر )

انا من رايي تروح زيلمسي لعدة اسباب :
طبيعتها روعة سبحان الله يعجز للسان عن وصفها.
جوها وايد حلو واحلى من جو فينا بعد
مدينة صغيرة كل شي قريب منك وامنة.
من زلمسي تقدر تطلع لقرى ثانية قريبة منها مثل سلباخ.
تقدر تروح لقمة الثلج في كابروم لان زلمسي قريبة جدا من كابرون
زلمسي مدينة امنة يعني تقدر تقعد بالهاوي والمطاعم لي 12 بليل ماتستاحش لان فيها وايد السياح الخليجيين والعرب.
تقدر تزور شلالات كريمل من خلالها.
فيها البحيرة اية في الجمال وفيها القوارت تقدر تاجرهم وفيها بعد الزحلاقيات
اما سالزبورغ صحيح طبيعة حلوة لكن اقول من زلمسي وتتميز سالزبورغ بهدوءها الشديد وبكثرة الامطار واوروبا اذا طق المطر فيها يصير ضيقة خلق لان كل مكان يتسكر زالزبورغ كفاية عليها يومين.
وانت بالنهاية لك الاختيار

السلام عليكم ورحمة الله وبركاته
أخوي ..... زلامسي الأفضل من ناحية الطبيعه ويكفي البحيره التى تذهب عنك كل الهموم وأنت تشاهد المنظر الخلاب ولك الاختيار
تحياتي لك

هلا
بالنسبة لي
زيل ام سي افضل بالطبع لجمالها وهدوءها وروعة جوها
قرية صغيرة على بحيرة قمة في الريلاكس
وحولها مناطق مثيرة تقدر تنطلق منها

الف شكر لكم جميعا.. ماشاءالله اشوف الجميع رايه واحد...
طيب زيلامسي ايش احلى اوتيل فيها 5 ستارز طبعا

^
^
^
قراند أو سي هوتيل ، واحرص على ان تكون الغرفه في المبنى الجديد ومقابلة للبحيرة في كلا الفندقين ...