أخيتي حيرانة
أنا بإذن الله أبصير خبير لما أسافر لكيرلا
أقصد أبصير مميز
وش حيث درب يسد مايرد وmunnar
لكن ممكن أفيدتس بنقطة مهمة
إذا تبون تروحون لم مونار فهي باردة خصوصا بالليل
خوذي لبس ثقيل للبنت ..واذا نسيتوا خلي أبوكم يزهم علي وأجيب معي لأن طيارتي ان شاء الله الأربعاء
الصدز عاد
خوذي للببنت لبس ثقيل مونار باردة
أيضا مايمنع تاخذين بعض العلاجات مثل خافض حرارة والعلاجات المعروفة للصغار مثل مضاد حيوي ..أشياء للغازات اللي تحوس الرضع أحيانا
مثل ماء غريب ..منتيب لاقيته ماء غريب أبد الظاهر انقرض
مايضر بعد بطانية سعنبودة تدفي الصغيرة
وطارد باعوض ولو تاخذين ناموسية بعد يكون أحسن اذا فيه نامس لأني سمعت انه فيه نامس
طارد الباعوض يمدحون وعند الصيدليات على شكل لواصق مربعة تحطينه عند مكان بنتس أو بثيابه والباعوض مايقرب
تاخذين بعد فازلين واللذي منه
الله يستر عليكم وتنبسطون بهالرحلة
نقطة مهمة ... لاتأخذون الأمر بحساسية زيادة عن اللزوم ... ان شاء الله الأمور تتسهل
والله يخلي لكم هالمزيونة ويستر عليه ويرزقكم بره
مميز كيرلا عام 2012 بإذن الله ... سفرون بن زعفران آل أبو شيبة

مشكور اخوي سفرون ان شاءاالله تصير بروفيسور مو بس خبير..
فعلا نبهتني لطارد الباعوض ربي يجزاك خير,
""لاتأخذون الأمر بحساسية زيادة عن اللزوم ... ان شاء الله الأمور تتسهل""

اختي اذا الوقت يسعفكم ويمديكم تطلعوا الفيزه فانا من رأيي تاخذونها معكم لان الوضع عادي جدا وماراح تتعبكم ان شاءالله
خاصه انها وحيدتكم (الله يجعلها متبوعه) واتوقع انكم بتفقدوها خلال سفرتكم
لكن حاولوا تقللوا الايام في مونار لانها بارده وباقي الاماكن الجو عادي
كثري من اللبس الشتوي وبطانيه لها وطبعا بتزيد شنطكم لذلك حاولي تقللوا اغراض عشان ابوها مايتعب بشيل الشنط في المطارات

اهم شي لاتشيلوا هم والله يكتب اللي فيه الخير وييسر اموركم ويخلي الكتكوته لكم ويصلحها
وان شاءالله ماراح يبخل عليك الاخوان والاخوات بالرأي ويشوروا عليك
ولا تنسي تستخيري ((ماخاب من استخار ولا ندم من استشار))

اهم شي الحليب والرضاعات والجفايض والعربية ضرورية تدفينها فيها
الادوية خافض حرارة مناديل معطرة ملابس ثقيلة
خذي معك بعض الاعشاب كمون يانسون للاحتياط

حنا مثلك يا حيرانه معنا 3 أطفال ورضيع 8 شهور وطيارتنا الاربعاء القادم ان شاء الله
اخذنا علاجات كالعاده والحافظ الله ........
تبون الصراحه فعلا لاتاخذون الامور بحساسيه لان عيالي مرضانين قبل اسبوعين وهم بالسعوديه ماشافوا كيرلا ولا يحزنون ..............
يعني السخونات جايه جايه هنا ولا هناك

تحياتي للجميع .. تذكري اختي ان الله خير حافظا .. واهم شيء الورد اليومي لا تنسونه واوردي عليها معكم ..
وعليك بكل ماذكروه الاخوه ملابس ثقيله الي تجي كامله برجول وكم طويل وبطانيه من النوع الخفيف واذا لها حليب معين او غذاء معلب مثل الفواكه المهروسه او السيريلاك وحفاظات اكرمكم الله وخافض الحراره ومناديل مبلله ومسحات طبيه وواقي الناموس اللاصق وكريم الحساسيه من الحفاظات اتوقع اسمه كيناكومب او ما يقوم مقامه
ربي يحفظ الجميع في الحل والترحال

سديد الرأي
الفيزه راح نضطر نطلع لها مستعجله
بارك الله فيك اخوي.. مشكور وربي كلامك يطمن,, الله يخلي لك احبابك يارب.
ورده بيضاء
جزاك الله خير.. فكرت بالعربيه بس اخاف يكثر العفش!
عين الذيب
معك حق الحافظ الله .. الله يعطيك العافيه ويخيلي لي عياليك..
munnar
الله يجزيك الجنه.. مشكوره اختي.. ربي يحفظك ويخليك.
الله يجزاكم خير بكل حرف كتبتوه بهالصفحه..
في انتظار مشاركه الباقين.. تكفون مابقى إلا القليل على الرحله.. الله ييسر..

أختي العزيزة
كيف تبي تستمتعي بالسفر وانتي شايله هم السفر
ههه
والله ان فرحتكم بالتمشيه ما تكمل الا بالحلوة الصغيرونه الي معكم
لانك لو خليتيها تبي تبكي كل شوي في الهند اذا اشتقتي لها
ههه
على العموم أختي
لا تشيلي هم ابد الشغله
اهم شي اهم شي اهم شي عربية الدف اخذوها معاكم
واخذي كل اغراض العروسه الحلوة الله يخليها لكم يارب حق المدة الي تبي تسافرو فيها من حليب وغيرة
على العموم انتي طالعه سياحه يعني تمشيه يعني تبون تنبسطون بأذن الله
كيف شايله هم السفره؟؟؟
انبسطي وانا اخوك من الان وكثير الي سافرو واطفالهم معاهم مو بس انتي
بالتوفيق اختي ورحله موفقة بأذن الله
أخوك أبو فتون

ربي يوفقكم ويوصلكم بالسلامه تمنيت افيدك لاكن انطلقت رحلتكم :؛