الشقق في دبي كذلك رخيصة اذا حجزت من موقع booking.com
وفي الموقع تجد تعليقات الاعضاء وملاحظاتهم حول الشقق .. واذا ماعجبتك تقدر تشوف حجز في اي مدينة اخرى .
علما بان الحجز عن طريق الموقع ارخص من الذهاب الى الفندق مباشرة
بالنسبة لاجواء شهر نوفمبر سيكون الوسم حتى اخره باذن الله وتزداد فيه برودة الليل وفي اخر نوفمبر قد تلاحظ وجود رياح باردة في الليل ، وكذلك النهار سيكون جو مائل للبرودة . وبمشيئة الله وقدرته سيكون هناك امطار.
هذا اللي قدرت افيدك فيه حسب ما اعرف.

اخوي بالنسبة لشقق الفندقية في ابوظبي عندكشقق رامي الفندقية نظيف واسعاره مناسبة
وعندك شقق النخيل بعد اسعاره حلوة
والبنسبة لاماكن الي تبغى تزوره
1. عالم فراري 2. متحف الشيخ زايد (البطين)3. كرنيش ابوظبي 4.مارينا مول ولاتنسى تروح المطعم الي في برج مارينا لاكن لك في الاسعار شوي 4. وفي متحف صغير على كاسر الامواج حلو وفي مطعم شعبي صغير حلو 5. لخالدية مول 6. ابوظبي مول 7. الوحدة مول
والبنسبة للعين خبرتي فيهة قليلة لاكن اشوف 4 ايام وايد لو تخليهة 3 ابوظبي 3 العين احسن
والاجواء حاليا في الامارات عامة وجبل حفيت خاصة روعة لان الجو تعدل وايد عندنا
وبالنسبة لفندق جبل حفيت ما انصحك لانه تقل فيهة الخدمات يعني اذا تبغى ماي لازم تسوق اكثر من 15 كيلو يعني لو تشوف لك سكن في المدينة احسن
والاماكن الي اعرفهة في العين للزيارة
1. حديقة العاب الهيلي 2. حديقة الحيوانات 3. جبل حفيت 4.مبزرة الخضراء 5.متحف العين 6. البوادي مول 7. الجيمي مول 8. العين مول 9.واحة الهيلي (منطقة تراثية حلوة) 10. نادي الهواة (تلعب بسياراة الصغيرة هاي نسيت شو اسمهة)11. بعد العين فيهة اشياء حلوة لاكن ما تحضرني
ولو تحصل فرصة تزور ولاية البريمي تابعة لسلطنة عمان حلوة بعد
وفي دبي عندك اماكنكثيرة تقدر تزورهة ن شاء الله مابيقصرون معاك الاخوان
والسموحة

رحله موفقه
واللي أقدر أفيدك فيها الشارقه المشرقه
أنا سكنت بالعائله بالهوليدي أنتر ناشيونال لاكن غالي عليكم شوي بما أنكم جماعه
أنصحك تروح تسكن في المجره تأخذ تاكسي وتقول أبي المجره بالقرب من الكورنيش منطقه جميله ومتواضعه
أنصحك بها ( الأجنحه للشقق المفروشه - المجره رزيدنس - الفردوس - فندق ريان عدد 2 نجمه لأن عندهم فندق ريان
4 نجوم ) والله يوفقكم ويسهل أموركم

عبدالله البقمي
الله يعطيك الف عافية..
ماقصرت اخوي..

ستيشن 2008
ممكن اقسم الرحلة مثل ماذكرت لكن احس ماشاء الله الاماكن في العين كثيرة مو قليل عليها 4 ايام..
وبالنسبة لجبل حفيت ليه يعني مافيه محلات داخل الفندق او محلات قريبة من الفندق يعني محطة مثلا..؟؟
يعني انت شايف انه جبل حفيت مايستاهل الروحه له يعني مافيه شيء الا الفندق والمنظر بس..
وبالنسبة لولاية البريمي ايش فيها اماكن سياحية تستحق الزيارة وكم تبعد عن مدينة العين..؟؟
والله يعطيك الف عافية ماقصرت كفيت وفيت عزيزي
بس ياليت تزودني بموقع او صور شقق رامي والنخيل؟؟

أبن السعوديه
الشقق الي ذكرتها بمنطقة المجره وين مكانها بالضبط يعني قريبة من بحيرة خالد ومسجد الملك فيصل..؟؟
طيب تنصحني احجز من الان ولا الى وقت وصولي للشارقة واذا عندك اسعارها ومواقع الشقق بكون شاكر وممتن لك..
والله يعطيك الف عافية ويوفقك ويوفق الجميع يارب..