عبيرة سعد
18-12-2022 - 07:47 pm
السلام عليكم ورحمة الله وبركاته
أحبتي اعضاء منتدى العرب المسافرون
الله يكتبلكم الأجر على كل حرف كتبتوه لمساعدة الغير
استفدت كثير من منتداكم
وياليت تساعدوني
انا في البيت بالعادة الي تمسك امور السفر وهالاشياء
وماعندي خلفية ابدا عن اوروبا والبلدان اللي تحتاج فيزا
احتاج ارشادات ،،
رحلتنا كالتالي
الذهاب : الدمام - اسطنبول (ترانزيت لساعات فقط) - (ألمانيا أو النمسا)
العودة : ( ألمانيا او النمسا ) - اسطنبول (ترانزيت وبنقعد فيها 5 أيام) - الدمام
بنحجز على الخطوط التركية لأنها الارخص وتساعدنا على المرور بإسطنبول ترانزيت وهذا اللي نبغاه
احنا ما راح نطول بأوروبا
فقط من اسبوع الى 10 ايام بالكثير
محتاره وين بلد الوصول
ألمانيا ولا النمسا
علما ان وجهتنا أساسا للنمسا وهي اللي نبغى نطول فيها
لكن سمعت ان ألمانيا افضل واستلام السياره من ألمانيا افضل
المسافات بين اوروبا والنمسا وسويسرا بعيده تعتبر ، يعني راح أقيد نفسي لو إلتزمت بأن يكون بلد الوصول هو نفسه بلد العوده !
يعني مثلا نوصل النمسا ونمر سويسرا ونرجع من ألمانيا عشان التسوق !
طيب السياره كيف نرجعها ؟ اذا استلمتها من النمسا ، هل بقدر أرجعها في ألمانيا ؟
طيب لو قررت استخدم القطار للتنقل من باب التغيير وش بسوي بالسياره ؟
ايضا مشكلتي بالفيزا ، اطلعها من أي بلد
اللي فهمته ان الافضل تطلعينها من البلد اللي بتطولين فيه وهو (النمسا)
طيب اذا عرفوا اني راح امر بإسطنبول واجلس فيها ، فيه مشاكل؟
قريت كثير من المواضيع وما لقيت الاجابات الواضحه
قلت اسأل واجرب
تأشيرة شنغن
تأشيرة اوروبا
حياك الله أختي بيننا ..
بالنسبة للفيزا .. صحيح استخراج الفيزا للبلد الأطول إقامة وفي حالتكم النمسا ومافيه أي مشاكل لو فيه ترانزيت
اما عن الاسئلة الباقية أعتذر منك هذا القسم مخصص للفيزا فقط ..
إذا عندك أسئلة عامة عن السياحة والوجهات والتنقل اطرحيه بالبوابة السياحية ..
وإذا عندك أسئلة تخص بلد معين اطرحيها بالقسم الخاص بالدولة ..