OM-3ABADY
23-04-2022 - 12:38 am
انا متابعه قديمه للمواضيع في هذا المنتدى الاكثر من رائع
هذي السنه نويت ان شاءالله الاجازه تكون في الولايات المتحده
المشكله ان عيالي اعمارهم متفاوته من المراهقه وأطفال
ومثل ما انتوا عارفين امريكا كبيره وفيها الكثير من الخيارات
وانا وزوجي نبي نغير جو بعد
يعني بالمختصر لما قررت اني احط خطه للسفر ما عرفت اكتب اي شي ولا شنو بنسوي ولا اي ولايه بنروح
قلت استعين بأهل الخبره في الولايات المتحده
ياريت تحطون مقتراحاتكم وتساعدوني في جدول الرحله ( الله يوفقكم دنيا وآخرة)
مده السفر 30 يوم
عدد الاطفال 4 ( اسم الله عليهم الاعمار من 15سنه إلى 5سنوات)
و افضل انه تكون الرحله ل 3 ولايات فقط
الله يوفق كل من يساعدني ويعطيكم العافيه مقدما
الولايات المتحدة كبيرة وبها عدة اماكن انصحكم بقراءة التقارير المصورة بتعطيكم فكرة ومنها تحددوا الوجهة يا الشرق او الغرب !!
انا عن نفسي ارشح الشرق لاي مسافر يروح اول مرة لامريكا خاصة ان معه اطفال لكن العيب الوحيد ان الصيف يكون حر ورطوبه لاكن المتعة والالعاب ما بعدها هناك !!
اتمنى لكم التوفيق ,,