حياك الله إخوي و يازين ما اخترت
0يوم تقدر إتقسمها بين بانكوك و بوكت و شنغماي
بوكت بس يبيلها تقريبا 8 أيام لأن فيها فغاليات وايد بالنسبه لكم يا الشباب
بقولك إقرا تقرير إخوي العضو فيصل515 موجود بساحة التقارير المصوره متأكده إنك بتستفيد منه وايد لأن تقريبا نفس
المده وشاب نفسكم و رحلته مرتبه حيل ومستغل وقته عدل و ممكن إنك تمشي على جدوله أو تختار منه بعض الأشياء و تراه ما راح يقصر معاك بأي إستفسار أو معلومه
أتمنى إني قدرت أفيدك
إختك / أم عبدالله

يعطيكي العافية ام عبدالله والله كلامك ريحني كثير...........
الحين طيارة هواء على تقرير فيصل 515

self legend
اعزائي الاعضاء المحترمين, عندي استفسار صغينون.......بس بصراحة محيرني كثير.
انا ان شاء الله ودي اروح تايلاند لاول مرة في حياتي ......... الله يستر..........
بس محتار في المدة, انا مخطط على 20 يوم بأذن الله, بس مدري احس كذا انها كثيرة.
الحين اخواني و اخواتي ايش رائيكم اقلل من المدة او, اتوكل على الله و اكمل حجوزاتي على ال 20 يوم.
طبعا انا مسافر لحالي, ودعوة شبابية
بدون ارتبطات عائلية......................
السلام عليكم يا اخوي
اذا كانت رحلتك شبابية خوش مدة خلك عليها .
4 ليالي شنغ ماي
7 ليالي بوكت
7 ليالي بتايا
ليلتين بانكوك ومن ثم العودة .
وسلامتك وانت وكيفك بالنسبة للترتيب او توزيع الايام .
اخوك :- عبدالله الكويتي

يوم يلا يكفي بتايا
عندي شباب يروحون ثلاث اشهر ببتايا وما يخلصونها منهم المرحوم الممثل الفنان علي طارش الله يرحمه
قال لي قعدت في بتايا اشهر وما لحقت اشوفها عدل
وكنت ايامها ما اعرف شي عن تايلند بلد ابتسامه
قلت له اشدعوه اشهر وما خلصتها قال لي كلمه حلوه ما اقدر انساها
(( لو تدخل جنه اشكثر يبيلك فيها وهذي جنه الله علي الارض ))
الله يرحمك الحين عرفت معني كلامه بعد ما رحت لتايلند
مرتين رحت لها وما شبعت منها وللاسف بتايا ما رحت لها انشاء ربك اروح لها

كلش تمام يا اخوي تستاهل تايلند ها ال20 يوم
ولالالالا تتحسف وراح أراهنك انك راح تسافر باذن الله مره ثانيه لأنك راح تتولع فيها
انتظر منك التأكيد
لتكملت باقي تفاصيل حجوزاتك لتايلند من جميع النواحي
وشكرا

ياهلا وغلا اخوي .. طبعاً انت ماذكرت الميزانيه .. لكن إن كانت الميزانيه مفتوحه .. شي حلو
بالنسبه للرحلات .. ف بوكيت .. اجمل الرحلات هم 3 ( بيبي ايلاند وجيمس بوند والرافتنق ) + فنتازيا تكون بليل !
الرحلات تبدأ من الصبح لي المغرب بترجع هلكان وتدور النوم .. فصعبه انك تستمر لي 9 .. لكن تمشيه خفيفه بالمجمع القريب .. لو اول يوم راحه .. و 3 ايام رحلات .. وكيفك اذا بتخلي فنتازيا بيوم من الايام الي فيها الرحلات او يوم وراها ! او تبي تخلي كل رحله ووراها يوم راحه .. كل شي حسب تخطيطك انت ! لكن انصحك ماتخلي يوم راحه عشان تشوف تايلند !
بالنسبه للرحلات .. لاتأخذ رحله اكثر من 1200 بات .. لانه نصب .. دور بالمكاتب .. واذا ماعندك اشكاليه بالميزانيه ادفع !
شانغ ماي جبليه وماجيتها من قبل .. ف أنصحك تروحلها لانه الكل يمدحها على الاقل لو بس 4 ليالي على كلام اخوي عبدالله ..
7 ليالي بتايا .. عليها خطين واجمل مايكون .. مدينه للإستجمام والراحه + هناك الرحلات الكثيره تحصلها جدام فندق فيسي الي يسكنونه العرب دايماً .. تايلنديين بإيدهم دفتر كله رحلات .. او بمخرج فندق بوتيك المجاور لفيسي فيه مكتب للرحلات !
بانكوك ليلتين .. امم راح تروح لمجمع طوكيو ( mbk ) ومجمعات سيام + منطقه نانا العربيه .. لشراء الاغراض والحاجيات .. ف هل تكفيك ليله ؟ يومين ؟ يوم الوصول والي بعده ثم تسافر .. !
لانه بالنسبه لي بانكوك مافيها غير السوق ! فيها اماكن جميله وحلوه بس مابحثنا عنها !
وأي سؤال احنا حاضرين + سامحني على الايطاله !

Q8TAUB
عزيزي واخي الكريم
اولاً: الله يعز الجنه عن بتايا
ثانياً: بتايا تخلص منها في اربع ايام لو كان الهدف من ذلك زيارة الاماكن السياحيه المهمه الي فيها
واذا بنتكلم عن الطبيعه بتايا صفر على الشمال بنسبه لبوكيت وشنغماي
طبعاً انت مازرت بتايا وصدقني اخوي يوم بتزورها راح تغير كلامك
تحياتي لك اخي الكريم
هذي وجهه نظر واتمنى رحابة صدرك

مساء الخير
انا من وجهة نظري ان السفر كمدة زمنية يعتمد في المقام الاول على الترتيب او على جدول سياحي معين
فهناك من الناس يستطيع ان يزور اغلب معالم مدينة في يوم كامل
واخرون قد يستغرقون ثلاثة ايام
ناهيك عن ذكر ميزانية الرحلة وهي الاهم فهي ما يحدد الجدول
بالتوفيق سيدي الفاضل

والله انا ابغي اعرف انت مسافر لحالك ؟!
0يوم ياخي راح تزهق ااذا انت لحالك ..... انا اشوف كذا لاني انا بمل واعتقد اي واحد لحاله بيمل
لكن تصدق افكر اسير لحالي بس بسير بوكيت بغير جو وبسير بشم هو على البحر واقول بسير لمدة 4 ايام بس اخاف امل لاني مش متعود لازم حد يخاويني ؟!
المهم الشيخ الله يوفق لك الي فيه الخير بس انصحك تزيد ايام حق بوكت واذا لحالك لا تزيد عن 10 هذا راي الشخصي