1. كثيرة وتهت وبعضها قديم .. فاحترنا وما عرفنا نقرر وين نسكن !


2. السكن اذا تبون شقق :

السلام عليكم ورحمه الله وبركاته ،،،
اول شي احب اشكركم ع المنتدى الاكثر من رائع .. ع طول متابعه كل جديد ينزل بالمنتدى
واتمنى تقبلوني معاكم عضوه ما بقول جديده وانما مسجله لاني ع طول معاكم
وعليكم السلام ورحمة الله وبركاتة ،، حياج الله بين اخوانج وخواتج ..
انا ان شاء الله لي زيارة للكويت الحبيب قريباً .. بنكون شخصين انا وزوجي
حياكم الله في ديرتكم بتنور الديره
عندي بعض الاستفسارات واتمنى تجاوبوني عليها وادري فيكم ذوق وخبره وما تقصرون ابد ،،،
اول شي السكن ،،
طبعاً قرأت تقارير الشقق والسكن،،

كثيرة وتهت وبعضها قديم .. فاحترنا وما عرفنا نقرر وين نسكن !

السكن اذا تبون شقق :

• ميراج سويت - منطقة الشعب منطقه بالوسط بين السالميه ومدينه الكويت.
• بلازا اثينا - منطقه بنيد القار مقابله للشعب .
• شقق بودل - منطقة السالمية - شارع المطاعم .
• هذا فندق نوفتيل - منطقه بنيد القار . واختنا فارسة كاتبة عنه

https://artravelers.com/p/re/351213">https://artravelers.com/p/re/351213

• royal residence منطقه بنيد القار

وين تنصحونا نسكن ؟ زيارتنا بتكون سياحه وتسوق طبعا لاني حامل وبجهز اغراض البيبي من الكويت ..
الله يسهل عليج ان شاء الله ،، السكن حطيتلج واذا يغيتي وياده بحطلج ان شاء الله ..
تقريبا بناخذ لنا اسبوع في الكويت ف نبي الاجار يكون مناسب ومو وايد غالي ..
وحياكم الله وان شاء مايكون غالي ..
مو شرط بفندق .. حتى لو شقق مفروشه اهم شي تكون آمان و نظيفه .. وقريبه من المجمعات والاماكن الي السياح يزورونها بكثرة وتنصحونا نروحها ..
وين في اماكن حلوة تنصحونا نروحها ..
قرأت معظم المواضيع الي بقسم السياحه بس ما ادري هل مناسب ازورها بهالوقت من السنة او لا ؟
ولاني حامل وثقيله ما بقدر امشي وايد ف ابي اروح اماكن مريحه وحلوة وتشرح الصدر
بما انج حامل والله يسهل عليج وبتيون في الصيف يفضل كله اماكن مسكره يعني مجمعات لان الصيف حار لوااهييب .. الا بالليل تقعدون في كافيهات عالبحر ..
الاماكن المجمعات : الافنيوز - 360 - سوق شرق - مارينا مول - الفنار
اذا اتبحون تزورون المركز العلمي
والمباركيه - في سرداب عيد النصار كل شي للبيبيات
المطاعم : فيلا فيروز لبناني - الستينيات وفريج صويلح كويتي - مغل محل هندي - نينو ايطالي - الخليج الملكي الصيني - ميس الغانم لبناني- لونوتر فرنسي - واسابي ياباني والخ ......
الكافيهات : شوكليت بار - لورنزو - برايم اند توست - كاريبو - دين اند دولوكا والخ ....
واشلون الجو عندكم بالكويت ؟
حار بالصيف بس من غير رطووبه
تأجير السيارة ..
لان بنكون بالطياره مسافرين ..
تنصحونا بأي مكتب ؟ ويكون تعاملهم واسعارهم حلوة مو غالي
واشلون بالنسبة لدفع الاجار لازم فيزا او كاش ؟ وعندهم تأمين ؟
واي احسن مكاتب المطار ؟ او غيرها ؟
ونحجز من النت السياره وندفع مقدم مثلا او ما تنصحونا ؟
انتوا اهل البلد واخبر بالمكاتب .. وما نبي نتعرض لمواقف مع اي مكتب وبس
انا افضل اتحجزون من الشركات المعروفه مثل budget , avis وهذا رابط فيه المكاتب اللي في مطار الكويت وارقامهم وفتح الخط 00965
وبعدين اتحطين جدام كل رقم 2
الدفع انتوا لكم حرية الاختيار .. الشركات هذي تقدرون تحجزون من النت عادي اتشوفون نوع السياره والموديل واتحجزونها .. اعتقد هذيل الشركات المعروفه تدفعين كامل من غير مقدم ..
https://artravelers.com
وابي اجهز لي وللبيبي بس ما اعرف وين اروح ؟
وين احسن المحلات لثياب المواليد وباقي التجهيزات للولاده ؟
المباركيه ( سرداب عيد النصار ) - مجمع العثمان والمهلب في حولي ..ولج انتي بعد نفس الاماكن مجمع زهره في السالميه .. والمجمعات اللي ذكرتهم فوق وان شاء البنات اللي اخبر مني يعطوونج ..
والف شكر لكل من يمر بموضوعي ويرد علي ولو بدعاء صادق
بان الله يوفقنا في سفرتنا ويسلمه ويقر عينا بشوفة البيبي
الله يوفجكم ان شاء الله ويسهل عليج واتيسر رحلتكم في ديرتكم الكويت وتستانسون فييها وتعيدون الزياره
ونكرر الزياره ان شاء الله
ان شاء الله

حياج الله اختي الكريمة في بلدج الثاني الكويت والاخت كويتية متنقلة فديتها ماقصرت بالرد الوافي بس بضيف على محلات تجهيز المواليد محل جاكادي وأنار في البستان ,الكاروكة في منطقة السالمية القديمة يم البنك الوطني فيه اطقم للاستقبال
وفي بعد سنتر بوينت وماذركير وماركس اند سبنسر وبي اش اس وزيارة سعيدة.

اختي انصحك بشده بفنق أيبيس abis
اللي في السالميه
رخيص .. و الموقع ممتاز لكم
الاماكن اللي ذكرتها اختي أصول مقاب وبجانب هذا الفندق ... خطوات بسيطه (مشي)
واماكن كثيره بجانبه شغاله 24 ساعه
وحياكم الله في الكويت

افضل المجمعات :
الافنيوز
المرينا
سوق شرق
المهلب
الفنار
0جميع المجمعات التى تم ذكرها متواجد بها مطاعم وسينمات
اماكن ترفيهية:
ابراج الكويت
اكوابارك مدينة مائية
المسيلة مدينة مائية
المركز العلمي
حديقة الشعب
حولى بارك
حديقة الشعب
اماكن شعبية:
المباركية
يوم البحار
سوق المحاميد
اما بخصوص السكن انتى حددي السعر وسوف اختار لكي
اما بخصوص تاجير السيارات متواجدة بشكل كبير بالمطار

بيت الكويتى
شكرا ع المعلومات ..
السكن في حدود 100 دينار ما نبيه غالي لانه فقط للنومه باقي يومنا كله طلعات

al osaimi
ام ايبيس اطلعت عليه .. وخليناه من ضمن الخيارات .. لكني ابي فندق سعره اقل في حدود 100 دينار واكثر بشوي ..

اصول2
الف شكر اختي ما قصرتي

1. السكن اذا تبون شقق :

السكن اذا تبون شقق :

• ميراج سويت - منطقة الشعب منطقه بالوسط بين السالميه ومدينه الكويت.
• بلازا اثينا - منطقه بنيد القار مقابله للشعب .
• شقق بودل - منطقة السالمية - شارع المطاعم .
• هذا فندق نوفتيل - منطقه بنيد القار . واختنا فارسة كاتبة عنه

https://artravelers.com/p/re/351213">https://artravelers.com/p/re/351213

• royal residence منطقه بنيد القار

عطوني رايكم في هذول ..
royal residence
ميراج سويت
تفضلون اي واحد ؟ وليش ؟
احنا زوجين فقط .. وبكون مجرد سكن لان باقي اليوم كله طلعات واكل برع في المطاعم والمولات يعني السكن مفقط للنوم والراحه ويكون آمان وتعاملهم زين ما يايزيدون بالاسعار مثلا او عليهم حركات ثانيه
الاماكن المجمعات : الافنيوز - 360 - سوق شرق - مارينا مول - الفنار
اذا اتبحون تزورون المركز العلمي
والمباركيه - في سرداب عيد النصار كل شي للبيبيات
المطاعم : فيلا فيروز لبناني - الستينيات وفريج صويلح كويتي - مغل محل هندي - نينو ايطالي - الخليج الملكي الصيني - ميس الغانم لبناني- لونوتر فرنسي - واسابي ياباني والخ ......
الكافيهات : شوكليت بار - لورنزو - برايم اند توست - كاريبو - دين اند دولوكا والخ ....
الجو حار بالصيف بس من غير رطووبه
الله يعينا ع الجو الحار ههه اكثر الطلعات ان شاء الله بتكون في اماكن مغلقة ومكيفه بالنهار وبالليل اذا الجو يساعد نطلع مكان مكشوف وان شاء الله بنزل جدول لرحلتنا عشان اخذ رايكم فيه
تأجير السيارة
انا افضل اتحجزون من الشركات المعروفه مثل budget , avis وهذا رابط فيه المكاتب اللي في مطار الكويت وارقامهم وفتح الخط 00965
وبعدين اتحطين جدام كل رقم 2
الدفع انتوا لكم حرية الاختيار .. الشركات هذي تقدرون تحجزون من النت عادي اتشوفون نوع السياره والموديل واتحجزونها .. اعتقد هذيل الشركات المعروفه تدفعين كامل من غير مقدم ..
منتدى العرب المسافرون https://artravelers.com
شكرا اختي ع الوصله والمعلومات المفيده وايد ان شاء الله راح نتاجر منهم واحنا مجربين avis من قبل وايد تعاملهم وخدمتهم زينه
وين احسن المحلات لثياب المواليد وباقي التجهيزات للولاده ؟ المباركيه ( سرداب عيد النصار ) - مجمع العثمان والمهلب في حولي ..ولج انتي بعد نفس الاماكن مجمع زهره في السالميه .. والمجمعات اللي ذكرتهم فوق وان شاء البنات اللي اخبر مني يعطوونج
شكرا يا الغلا ما قصرتي .. وربي يوفقج ويعطيج الف عافيه ..

انا افضل ميراج ..
الاسباب : المنطقه الشعب على الخليج العربي جدامكم البحر .. مافيها واايد عمال وعزاب عكس بنيد القار وموقعها حلو بالوسط على كل شي ..
الجو هذا جو الخليج عموما ومثل ماقلتي الاغلبيه مجمعات مغلقة ..
اللي قلتلج عنهم واللي ذكرتهم اختي اصول ممتازيين
وناطرين جدولكم .. والعفو ما سوينا الا الواجب
وحياكم الله في ديرتكم