1. بالنسبة للمسافة من فرانكفورت لبراغ بالسيارة قرابة 4 ساعات ونص .

وين زرت في أوروبا ؟
عموماً اختيارك للتشيك جريء شوي ,, إلا إذا كان مقصدكم من الزيارة العلاج .
من الدمام ممكن تروح على التركية ك خيار وعلى القطرية اوعلى الاماراتية ك خيار ثالث .
بالنسبة لفرانكفورت مايحتاج تسأل أكيد أنصحك تنزل فيها ,, بس ماودي أنك تبداها بفرانكفورت لأن اذا نزلت التشيك بعدها بتشوف فرق كبيير جداً بين المكانين .
طرق المواصلات مستحيل تكون ب تكسي , إذا ماترغب بالسيارة فالقطار خيارك وفيه كذلك باصات تستأجرها عن طريق مكاتب أنسب سعر .
مشكلة القطار في المحطات قد تواجه مشكلة في اللغة والتفاهم معهم , خاصة في المدن الصغيرة .
انصحك بالترتيب التالي (براغ 4 ايام , بيدريكوف او سبايندليروف 3 ايام منطقة ريفية في الشرق , تبليتسة ما انصحك فيها , كارلوفي فاري 6 ايام , مارينسكي ممكن تطلعها تور من كارلوفي فاري بدون ماتسكن , درسدن في المانيا اسكنها يومين , برنو جنوب براغ يعني براغ نص الطريق بين درسدن وبرنو اسكن في برنو يومين , انزل بعدها لفيينا عندك 3 ايام )
انصحك وبقوة ان رجعتك تكون من مدينة مختلفة عن براغ وانا مثلت لك هنا بفيينا , وعلى فكرة سعر التذكرة مايفرق لما تكون الرجعة من مكان ثاني وهذا افضل لك كثيير وجدولك يكون منظم اكثر .

بالنسبة للمسافة من فرانكفورت لبراغ بالسيارة قرابة 4 ساعات ونص .

وسيلة التنقل داخل المدن المترو , التاكسي غالي لكن مو بالوصف اللي اسمعه اسعاره جداً معقولة مقارنة بغلاء البنزين .
مهم جداً أنك تطلع على خريطة التشيك وتعرف مواقع المدن على اساس تكون مستوعب خطة الرحلة ,, وللمعلومية فيه عدة مناطق ماذكرتها مثل بحيرة او سد ليبنو ومدينة تشسكي كروملوف وبعض الارياف في الجنوب بس تعرف ماتقدر تغطي كل شي .

افضل خط سير عن طريق الدمام هو:
الخطوط التركية = البحرين -اسطنبول-براغ هذا افضل وأقصر طريق
أنا أختلف مع أخي ارسلان التشيك روعة أمان وتكلفة معقولة ومناطق سياحية جميلة بعيد عن الصخب الزايد في بعض المدن الأوربية.
طبعا براغ- تبليسة- كارلافاري-وجميع مناطق شمال التشيك وبعد كذا مناطق جنوب المانيا درزدن وبرلين وانصحكم بالاستقرار في تبليسة لأنها منطقة متوسطة بين جميع الأماكن إلي ذكرت وتقدرون ترحون لها وترجعون من يومكم وفيها المصحات العلاجية وفيها جميع الخدمات مطاعم عربية واسواق ومحطة القطار والسكن بيكون اوفرمن اي مكان اخر بكثير والعرب والخليجين خصوصا على طول متواجدين فيها اكثر من غيرها والصيف فيها ولا أروع هذا راي الشخصي من واقع تجربة طويله مع التشيك عامة وتبليسة خاصة والله اعلم..

صباح الورد.. جزاكم اللة كل خير اخوي ارسنال واخوي دو139 ..ما اخفيكم زرت مناطق كثيرة باوروبا من اصغر قرية الى اكبر مدينة ..من شتاد بسويسرا الى فينيس بايطاليا ..ولاول مرة حابة ازور اوروبا الشرقية,, لاني احب الستايل الاوروبي ..وما كنت عارفة وين نروح هالصيف ان شاء اللة !! ما حب شرق اسيا وامريكا شبعت منها ! يارب تكون التشيك مناسبة وحلوة..لانها اقتراحي وما بي اتفشل مع زوجي واطفالي,,فيينا رحنا لها كذا مرة,, ماهي بخطتنا هالمرة. بالنسبة لفرانكفورت نخليها بالرجعة ثلاث ايام ولا من البداية ثلاث ايام ؟ سفرنا عالسعودية فقط ! ولازم من فرانكفورت ايش الاقرب لها؟ زوجي بيستاجر سيارة ,, نواصل عابراغ ونستاجر من هناك ولاالعودة ننقعد بفرانكفورت؟

1. do1392

do1392

أي تبليتسة الله يرحم لي والديك ,, أنا سكنت فيها ولنفس السبب أنها متوسطة بين المناطق .
ما أدري وش الحلو فيها ,, وما أدري وش هالخدمات اللي تتكلم عنها حتى مقاهي زي الناس مافيها , أبداً ما أنصح السكن فيها يكفيها مدينة علاجية , لأني ما أشوف شي ثاني فيها .بالنسبة لفرانكفورت خليها بالرجعة ,, وزوري بعض المواضيع في القسم الألماني للإستفادة .
براغ حلوة كثيير وعاصمة جداً شعبية والسواح من كل دول العالم ,, احرصي على السكن بمكان متميز وزيارة أهم المعالم والمجمعات والتسوق عموما فيها ممتع وحلو مثل أي مدينة اوروبية .
كارلوفي فاري مافيها تسوق كلها تمشيات وسط السنتر مع بعض المحلات والكافيهات والمطاعم ,, واللي يميزها عن غيرها مستوى النظافة أعلى بكثير من المدن التشيكية الثانية بالإضافة إلى منظرها الطبيعي وسط الجبال .
مارينسكي جميلة لكن فكرة السكن فيها قد تكون غير سديدة لأنها مملة نوعاً ما إذا كان مافي غرض من العلاج بالمصحات , زي ماقلت ممكن تزرونها من كارلوفي فاري .
وأنتوا في كارلوفي فاري درسدن تبعد عنكم 172 كيلو يعني حول الساعتين وزيادة بالسيارة , وزي ماقلت لو حبيتوا تسكنوا فيها يومين أعتقد تستاهل .
عندكم بعد مدينة لايبزج مدينة كبيرة ماتختلف عن درسدن كثيير تبعد عنكم بنفس المسافة .
فيه منطقة مرتفعات Fichtelberg مشهورة في المانيا فيها تلفريك وبعض الخدمات والقرى الجميلة على حدود التشيك *وراح تستمتعون بالطبيعة .
كذلك خيب التشيكية (chep) سنترها معقول وقريبة من كارلوفي فاري , وجنب خيب بالضبط فرانشسكوفي لازني قريبة من مارينسكي ك مدينة تشبها يعني بس حلوه .
اقليم كراكونس في شرق التشيك طبيعة جميلة جداً وممكن تطلعي على تقريري في قسم التقارير الاوروبية .
برنو ما سبق وزرتها ولا أعرف عن المدينة كثير لكن فيه ناس تمدحها , وعلى راحتكم .
وعموماً 20 يوم على التشيك أشوفها كثير شوي يعني يكفي التشيك 12 يوم برايي تتوزع على 3 مدن براغ وكارلوفي فاري واحد القرى في الشرق وبس .
مافهمت قصدك من السيارة ,, اساسا الرحلة راح تكون ترانزيت ب فرانكفورت يعني راح تجون براغ بالطيارة فالسيارة طبيعي تستأجرونها من براغ .
طبعاً من كلامك انك لفيتي أوروبا لذلك تعرفي أكثر مني بالنسبة للسيارة في المدن احيانا تكون عبأ خاصة إذا كان السكن مافيه باركينج ,, وتعرفين ان اغلب المواقف بأوروبا ليست مجانية .

pioneer lady
انا ابتكلم بنظره مختلفه انا من عشاق التشيك والكل بالمنتدى يعرفني
انتي قلت مليت من شرق اسيا وامريكا واوربا الغربيه انا اقول تعيدين حساباتك
لانه واحد شاف الشانز وجلس في ميونيخ وزار جنيف ويمن زار لندن شي طبيعي وبديهي بيقول ليتي مازرت براغ وبتكون تجربة فاشله او اقتراح فاشل حنا نخدمك بعيننا هنا بس لازم نوضح لك كل الصوره
اذا اقتعتي انتي وزوجك بالبلد فانا جاهز بخدمتكم وتنظيم احلى جدول
التشيك احلى مافيها الارياف والطبيعه مااقول اسكنو في براغ قلب السنتر لانه ماراح شوفين جمال التشيك الا برا براغ
التشيك مافيه مدن العاب ترفيهيه وتسليه اطفال بس بالحدائق فيها العاب خفيفه مراجيح وغيره
التشيك بالصيف حر ومثل ماتعرفين الستايل الاوربي مايصممون مكيفات بس دفايات عدا الفنادق 5 نجوم
هذه بعض السلبيات

ارسلان بعد قلبي...
خبرك عتيق والله تبليسة سنة عن سنة تتطور والآن أجمل مما تتوقع بتوفر الخدمات والكافيهات ووتأجير السيارات وغيرها وكل شي تبيه موجود... وتقبل تحياتي

do1392
اخي دو وش الجديد قلنا علمنا
الكافيهات تسكر بمكان وتفتح ببمكان ثاني معروف
ارسنال قال ووضح للكاتبه انه تبليتسة مدينة علاج وكلامه صحيح 95% من الناس تجي للمصحات والاخت جاية سياحة
سؤال مهم لك يادو فتحو ماكدونالدز والا الى الان تروحون لاوستي؟ ارجو الجواب

1. أخي سمارت...

أخي سمارت...

أولا- انا شخصيا من الناس إلى ما أحب (الجنك فود) متمثل في الوجبات السريعة سوى ماكدنلز أو غيرة....
ثانيا- العام بارك الله فيك تم فتح فرع كنتاكي والسنه هذي والله اعلم تم فتح ماكدنلز(وبعدين يسلم راسك اوستي ماهي بعيده كلها سبع دقايق إلى عشر دقايق بسياره) وبعدين مطاعم البيتزا وشاورما العربية وكذا مطعم عربي موجود ولله الحمد.
ثالثا- وجود المصحات العلاجية اضاف لها حاجه حلوه لأني كل سنه اتعرف على معارف جدد من الأخون الخليجين سوى جاين علاج او مرافقين او سياحة وتواجد الخليجين بكثرة انا بنسبه لي ولعائلتي شي جميل جدا بالإضافه إلى أن المدينة جميلة ومرتبه جدا والأمان عالي جدا كذلك .
رابعا-تبليسة فيها جامع تقام فيه جميع الصلواة بما فيها صلاة الجمعه وهذا ايضا بنسبه لي شي مهم لشخص إلي بطول إقامته فيها وهذا الشي مكمل للجانب السياحي فليس معنى السياحة ان الشخص يبتعد عن المحافظة على صلاة الجماعة فبض الناس إذا سافر ضعف عنده الوازع الديني بسب ابتعاده عن مجامع المسلمين و الدين وأنا أخوك هو رأس المال
خامسا- تبليسة انا اقول ان موقعها قريب من كل مكان ساعة تقريبا بينها وبين العاصمه براغ ونفس المسافه من كارلافاري ونص ساعة من مدينة درزدن الالمانية وكما ذكرت السكن فيها معقول جدا وبإمكان الشخص وعائلته يذهب للأماكن السياحية ويعود إلى تبليسة بكل سهوله بسيارة او قطار وكلها متوفره..
واخيرا تبقى السياحة اذواق ومشارب مختلفة وكل واحد له فلسفته الخاصه فيه وتحياتي لك وللجميع,,,,

تحياتي لكم جميعا اخواني ..ولكل من اعطاني من وقتة ليتحفنا بتجاربة...جزاكم اللة كل خير..