مرحبا اختي
ما اعتقد يوصل من خلال قرائتي بالمنتدى
توصلين من جنيف الى محطه باريس وبعدين تاخذين الرير على يورو دزني

اها .. يعني مافيه دايركت ..الله يعطيك العافيه .. وياليت احد ثاني يعطيني فكره ثانيه للوصول لمحطة يورو ديزني على طول من جنيف

احسن شي تروحون لمحطة القطارات و تسألون الموظفين اللي فيها و هم بيعطونكم الأجابات الشافية , و من اللي شفته القطارات كلها تروح للمحطة الرئيسية في باريس ومن هناك الواحد يروح للمكان اللي يريده

جربي الطيران أرخص وأسرع ....
http://www.easyjet.com

عاشقة الرفاهيه .. ودي ارتب نفسي قبل لانروح هناك .. الف شكر على ردك علي
أبو ريان .. انا والله ودي اجرب القطار ..كثير يمدحونه .. ما ادري صادقين والا لا عشان كذا ابي طريقه تكون سهله علي .. على فكره احنا مو كثار بس انا وزوجي وبنتي 4سنوات ونص .. فعشان كذا حسيت ان التنقل عن طريق القطار ما راح يكون متعب ان شاء الله ..
اذا عندك اي معلومات زياده عن القطارات .. الله يخليك لا تبخل علينا

الأخت هيفا اكيد حلو الواحد يرتب...بس في اشياء ما تحصلينها في المنتدى
ويوم سافرت عبالي اني عارفة كل شي من المنتدى بس يوم وصلت اعتمدنا على نفسنا اغلب الوقت
والله يسهل عليكم ترى الدنيا سهلة هناك بس ماعليكم الا تسألون

ياحبيلك يا عاشقة غلبتك معاي .. خل اقول لك سالفتي .. القصه ياطويلة العمر احنا العاده اذا سافرنا هناك وكنا نبي نتنقل بين الدول نستخدم الطياره .. بس سمعت كثير عن القطار قد ايش انه حلو والواحد ما يمله ابد .. فاقترحت على زوجي انه هالمره نستخدم القطار .. وهو مو مقتنع بالفكره كثير فبديت ابين له قد ايش هي سهله ومن هالحكي .. المهم بديت ادور عن طريقنا من جنيف ليورو ديزني لقيت انه لازم نوقف في ليون ونبدل القطار او عن طريق شارل ديجول ونغير من هناك .. يعني السالفه شوي شغلانه .. ههه حتى زوجي اول ما قلت له عن اقتراح ابو ريان .. اعجبه وقال بس خل نرجع للطياره وبدا يشوف الرحلات :112: .. المشكله اني مشتهيه القطار مره .. وودي انه يكون سهل مو متعب

افا عليج شو فايدة المنتدى اذا ما بنخدم بعض....بس فكرة التغيير بسيطة وسهلة واذا
كان في تغيير في الرحلة يخبركم عليها اللي يشيك التذاكر واسألوه عن رقم القطار وعادة
القطار الثاني ياخذ10 ل 15 دقيقة لين ما يتحرك.....والمناظر من القطار لا تفوتج ترى ا ي 3 ساعات ونص وتعدي بسرعة

اختي هيفاء:
انا عندي جدول الرحلات من و الى جنيف لاكن للاسف مافيه رحله من جنيف الى ديزني لاند.
وشكرا.