tometo
احسن..
انا افكر في شيراتون فيستا شو رايكم فيه وهل في شي قريب عليه نقدر نروحله مشي؟
وجزاكم الله خير
وعليكم السلام ورحمة الله وبركاته
الخيارات عديدة لاختيار الفنادق في أورلاندو
إنت تبي تكون قريب من إيش بالضبط : ديزني - سي وورلد - يوني فيرسال - انترناشيونال درايف ( إنت ومزاجك )
أضتلك رابط موقع اكسبيديا .. كل الي عليك تحط المكان المراد السكن فيه أورلاندو في خانة البحث
https://artravelers.com
وبالنسبة لفندق فيستانا إذا هو المقصود .. قريت عنه شوي بالنت موقعه حلو
أسأل الله لكم التوفيق في هذه الرحله ...

انصحك تسكن في شارع الانترناشيونال درايف فيه فنادق كثيره ومطاعم ومجمعات وكل شي
بس حط العنوان وشوف الفنادق
الله يوفقكم في سفرتكم

اخوي سواح كويتي من خبرتك بامريكا حبيت أسأل انا بسكن بشارع انترناشيونال درايف- كم المسافة او كم الوقت الى ديزني - ويمكن نختار فندق هوليدي ان لانه بشارع انترناشيونال درايف واسعارة زينه ويقوولون وايد نظيف - هل تنصحني اروح ميامي مع عيالي 2 اولاد 10 سنوات و9 سنوات وبنتي الجميلة 4 سنوات مع زوجي ولك كل الشكر والتقدير

سامحني اخوي بغيت اسأل عن الميزانية عددنا 5 / انا وزوجي وعيالي 2 اولاد وبنتي الجميلة - خطتنا اولاندو 20 يوم وناوين نيويورك 5 ايام - كم تكفينا ميزانية بدون سكن وبدون تذاكر وبدون تأجير سيارة - انا حاطة في بالي بس مصروفنا مع الترفيه والتسوق 4 الاف دينار ونص - تكفينا ولا لالالالالالالالالالا.

انه حاليا في اورلاندو مبلغكم مايكفي انه صالرلي 15 يوم قاط ليحين 4 غير التذاكر واجار السيارة احسها صايرة غاليه
يبيلكم الف دينار بس حق تذاكر الديزني والسي وورلد وبوش غاردن واليونيفيرسال
هذا غير الصاريف داخل الاماكن الي بيتروحولها وغيلا السوق وغير وغير

اللة يعطيك العافية اخوي ولك كل الشكر على ردك - بس صج ضيقت خلقي انا قصدي اربعة الاف ونص بس مصروف بدون التذاكر والسيارة وبدون سكن - تقريبا كل يكون 6الاف ونص دينار معقولة ما تكفي - يعني برأيك اقصر المدة ممكن 3 اسابيع تكفينا - بغيت رأيك؟ وشكرا على افادتك وابعث لك كل الاحترام اختك من الكويت

اذا بدون التذاكر والسيارة والسكن ان شالله كافيه بس خفي ايدج اشوي بالسوق وانشالله اموركم سهله انه حسبتي علا كل شي السيارة والسكن والتذاكر وحتا السوق لاني احسب مجموع الي صرفته مو اموزع اموري بس ان شالله مصروفكم كافي حق شهر اذا بدون السكن والسيارة

يا جماعه لازم يكون فيه كنترول على المصروف في اي دوله تسافرون فيها ويكون التخطيط قبل السفر
بس احنا يالخليجيين نقط فلوسنا من دون تركيز وهذي المشكلة بس الواحد لو يفكر شوي راح يوفر كثير
تحياتي

اولا اشكر كل اخواني الي فادوني وعطوني رأيهم - اخوي bandf16 تصدق بكل سفرة مع زوجي وعيالي اكون مرتبه كل شئ الرحلات المصرف السكن وحتى احنا راجعين الكويت يزيد معانا فلوس - وطبعا بالسفر مستحيل احرم نفسي من السوق والتسوق وشوية ماركات بس بكل شئ بدقة وترتيب - تصدق كل سفرة انا ارتب بس زوجي وعيالي عليهم يركبون الطيارة صج اتعب شوي من ترتيب السفر وبمساعدتكم بس اقول يستاهلون ابو العيال والعيال وثق وآمن انا اسأل بالمنتدى واستفسر اكون سعيدة ولكم كل الاحترام اخواني ibrahimi واخوي سواح كويتي واتمنى تفيدوني اكثر لما اكون انا مقترحة على زوجي السفر الى امريكا - واذا بغيت اي شيئ ادري اخواني موجودين ولا تنسون امريكا موشوية يبيلة اسألة وشوية دوخة _ ارسل تحياتي لكم