انتوا جم واحد؟؟ بس اورلاندو. ما راح تروحون ميامي؟؟ شنو نوع السكن غرفة او ثنتين؟؟ شلون علي السيارة جم عمر اكبر واحد فيكم؟احد منكم عندة كرت فيزا او ماستر( علشان حجز الفندق والسيارة)؟؟

كم عددكم ؟
إذا الميزانية تشمل السكن فالمبلغ مايكفي
وتذاكر ديزني واليونفيرسال تعتبر غالية ولازم يكون لها جزء كبير من الميزانية
وأنا برأيي 200 إلى 250 دولار باليوم كمصروف تعتبر ممتازة ومريحة وممكن حتى توفر
وبالتوفيق لكم

aziz20012001
احنا 3 ..اي بس اورلاندو...غرفه كافي حق ثلاثه...اكبر واحد 22 سنه..اي انا عندي فيزا وبس
الحين قولي شرايك كافي ولا لأ؟؟

شوف اكو فنادق 3 نجوم زينة وتكون نظام اجنحة او شقق ( غرفة نوم او ثنتين وصالة ومطبخ كامل )وممتازة لكم كشباب واسعارها معقولة حوالى 130 دولار لليلة ( يعتى 35 دينار) مثل beuna vista suite ....او homewood suite by hilton lake beuna vista وغيرهم وايد.....واكو نفس الشى فنادق نجمتين وطبعا ارخص...
التكاليف للسكن خل نقول 130 دولار فى 15 ليلة تساوى 1950 دولار
السيارة طبعا لانكم صغار شوى راح تكون اغلى وممكن ما تقدرون تاجرون لان العمر اقل من 25 سنة واذا حصلتوا ممكن توصل تقريبا 50 دولار باليوم ( يعنى 15 دينار) وهذا للسيارة الصغيرة وديربالكم علشان جناطكم ماتكون كبيرة وما يكون لها مكان بالدبة ...شوف شركات ايجار السيارات اللى بالكويت يمكن تحصل سعر زين وتكلمهم بخصوص العمر اقل من 25 سنة
التكاليف للسيارة 50 دولار فى 15 يوم تساوى 750 دولار
يعنى سكن وسيارة 2700 دولار ( حوالى 770 دينار ) يعنى كل واحد منكم يحط حوالى 260 دينار
المصروف اليومى للشخص الواحد ( للاكل وتذاكر دخول للملاهى ) بحدود 120 دولار ( حوالى 35 دينار ) فى 15 يوم يعنى 525 دينار
السكن والسيارة 260 دينار والاكل والتذاكر للملاهى 525 يساوى 785 دينار للشخص الواحد
خلها كل واحد 900 دينار للاحتياط

قسم بالله ابداع والله...خوش حسبه بو سعيد
وهذا الي ابالي قلت نحاول نوصل المبلغ 900 او 850 عشاان يكون وضعنا بالسليم
بس بالنسبه للفندق حصلنا فنادق ارخص ...بس حسبتك مضبوطه..
والله يكتب الي في الخير

اتعب علي موضوع السيارة لان في شركات وايد مايرضون ياجرون لأقل من 25 سنة.....شوف هذا الرابط
https://artravelers.com/p/re/520044

عزيز انا الي فهمته من الموضوع ان في تأجير حق سن 22 سنه بس بتكلفه تختلف عن 25 وفوق

اي.. لاكن فية شركات قليلة جدا اللي ترضي تاجر لأقل من 25. حاول تأكد عن طريق إرسال ايميل وقولهم عمرك وحاول تحجز سيارة. .... او روح مطار الكويت.. فية حوالي 7 شركات اغلبها لهم افرع في امريكا. وضبط معاهم احسن .. لان لمة تنزل بالمطار في امريكا تبي السيارة تكون جاهزة !

ام خلاص ان شالله اليوم بمر على شركات التأجير بالمطار وسالهم
تعرف اسامي اي شركه من هل شركات الي عندنا بالمطار؟
والله يا عزيز انت الله جابك لي من السما لول..
مشكور خيو