السلام عليكم ورحمة الله وبركاته
هلا وغلا الغالي
بالنسبه لفندق Shaftesbury Metropolis London Hyde Park كنت ساكن فيه شهر 12 الي فات ..مكانه حلو والنت فيه مجاناً وواير لس ونظيف ..بس أخذي غرفه سريرين ولاتاخذين سرير واحد لان الغرفه الي فيها سرير واحد دبل ضيقه ..وبعدها غيرنا وخذينا سريرين وكانت الغرفه وسيعه وحلوه ..بس حاولوا تسكنون في الغرف الي عند اللفت لان الغرف الي على الممر مزعجه اشوي ..
والهايدبارك لها طريق مختصر من قدام الفندق ومش لازم اتروحون شارع ادجول رود عشان اتروحون الهايدبارك ..ونسيت اقولك الغالي ترا الفندق مش مقابل للهايدبارك ..صحيح ان اسمه فيه الهايدبارك ولكن مكانه في شارع sussex gardens وهالشارع مكانه في نص ادجول رود ..محطة بادنغتون قريبه منك واجد ..
وهذا تقييمي للفندق في موقع بوكنق ..
https://www.booking.com/hotel/gb/shaftesbury-townhouse-paddington.en.html?aid=1300939
واي خدمه احنا في الخدمه ..

تسلم أخوي القطري وماقصرت كفيت ووفيت خلاص راح اعتمد هالفندق رايك طمني
طيب أخوي القطري ممكن سؤال ؟؟
لوسكنا بهالفندق ماراح نمل طول 16 يوم
يعني شنو انطباعك عن لندن هل هالمكان حلو ويستاهل نظل بنفس الفندق المدة كلها او ان حنا نجلس نصف المدة فيه وبعدها نروح فندق ثاني ابي رايك لو تكرمت
وتسلم ومشكور يراعي الفزعات طمنتي والله بخصوص اختيار الفندق الله يحفظك ويرعاك

هلا وغلا الغالي
سامحني على التأخير في الرد توني منتبه

لاعادي خذ راحتك ظروف تحكم الشخص
أخوي هالمناطق الي ذكرتها ماعندي درايه فيها ماعدى مانشستر قريت شوي عنها موضوع حبيبة زوجها فقط
ابيك انت تنصحني بمطقه قريبة من لندن في المسافه يعني ساعتين ساعتين ونصف لان معاي توأم حتكون أعمارهم سنة وسبعة اشهر فأخاف تكون صعبة مع اني بحاول اخاذ حقيبة سفر وحده فقط يعني بخفف العفش
بس والله خايفه من تنقلات القطارات الي تمر مثل البرق مايمدي الواحد يركب الاومشى القطار
ابي شورتك وهداية الله
واذا قلت لي ايش المنطقة كمان ابي منك تعطيني فندق حلو فيها وموجود بالبوكينغ عشان الحجز والأهم قريب من محظة القطار
وسلامتك ومشكور الله يعطيك الصحة يارب