هلا فيك وترجع بالسلامه ان شاء الله
بالنسبه لبوكيت
جزيره جمس بوند للشخص 700 بات بالمركب الكبير
جزيره بي بي للشخص نفس السعر
مسرح الفنتازيا للشخص مع الذهاب والعوده والمقعد الذهبي 1400 بات
اهم شي تروح للرافتينق
بسعر 1000 بات شامل عرض الفيله والقرود ومساج الاسماك
وفيه البنجي جمب اللي هي تصعد ويربطون رجولك وتنط من 60 متر مع التصوير الفديو يعطونك سي دي
0بات تراها ممتعه وتخوف يبيلها شجاعه شوي بس ممتعه مره
ترى الاسعار تختلف من مكتب لمكتب وانت قارن بينهم
وبالنسبه لسعر التوصيل من المطار اذا بتاكسي فالسعر اشوف انه مناسب
اتمنى اني اكون افدتك

الاخ مبارك62 كفى و وفى جزاه الله خير ,,,
افضل الرحلات السياحية في بوكيت :
(1) بي بي ايلند
(2) جميس بوند ايلند
(3) فنتازيا شو
(4) الرافتينج ما تتفوت ابدا روعة + ركوب الفيلة
(5) تتفق مع التاكسي ياخذك جولة في بوكيت + مشاهدة بوكيت فيو بوينت
ومن الرحلات الثانية ممكن تضيفهم :
(1) الالعاب المائية مثل بنانا بوت + البراشوت + الرماية ...الخ
(2) البنجي جمب
(3) رجلة كاو ساك
(4) الغوص + السنوركل
(5) لعبة الربط بالحبل في الغابة ما اعرف كيف اوصفها , مغامرة
+++نصيحة لوجة الله لا تأجر ( الجت السكي ) , لأنهم نصابين ,,,
+++++ممكن تحجز هالرحلات في المكاتب المنتشرة في بوكيت , لا تعتمد على مكتب معين لأنه الاسعار تختلف ,,,
+++++++ اما سعر التاكسي من المطار لباتونج مناسب جدا للمجموعة ,,, واذا كنب بروحك كنت ممكن تاخذها ب
0بات يوصولك بالباص للفندق مع مجموعة سياح ،،،
++++ بالنسبة ( وانيت ) بتايا يختلف عن بوكيت ، بتايا ب 10 بات اما بوكيت على حسب المشوار بصراحة غالي على كل وصلة ب 150 -200 باتاو اكثر ،،,

1. والرافتينغ على كلامك اخوي المفروض يكون في حدود 1000

شكراًلكم اخواني على التوضيح بس عندي تعليق على كلامكم لانه درت حق مكاتب السياحة مالقيت الاسعار الي تتكلمون عنها مثلاً الفانتزي لقيته بالمكاسر ولمفاصل 1550 بات للشخص وبدون عشاء بس مقعد ذهبي والعرض والمواصلات وجيمس بوند آخر سعر لقيته 900 بات ولا راضيين ينزلون في السعر والمركب الكبير منضمنها زيارة 4 جزر والنزول مرة واحده بالقارب المطاطي فأنا مخي تخربط كل واحد يقول كلام والسعر بس 900 هل فيه فرق كبير بين الرحلات او لا وبالنسبة حق الرافتينغ و الاي تي في فيه فرق وكم السعر لو سمحتوا ممكن يكون وبالنسبة للطقس هني واجد مطر ورياح شوي تهب هل تصلح لزيارة الجزر او انتظر يومين وبعدها احجز لانه ممكن يتحسن الجو ياريت توضحون لي هلنقاط
بالنسبة لسعر الصرف اليوم 100 دولار تساوي 3109 بات
وانه قررت كالاتي زيارت
الفانتزي حجزت والسعر = 1550 بات
جيمس بوند ليحين ما حجزت بس الي حصلته كسعر ثابت عندهم 900 بات
وبيبي ايلند اغلب المحلات قالوا 1000 بات

والرافتينغ على كلامك اخوي المفروض يكون في حدود 1000

و الاي تي في ياريت توضيح منكم اخواني وبعدها راح اتفرغ حق جولة في الشواطئ والمدينة والسوق حيل غالي
وشكلي تعبتكم وياي بالنسبة للمطاعم وين تنصحوني انه جربت بيتزا كومباني وكله خضار اخذ وكنتاكي عنده خضار اولا وهل يوجد فاست فود يبيع خضار وبالنسبة للنودلز الي في بيتزا كومباني الخضار عادي ناكله والله فيه حرام وحلال ترا اخوكم غشيم تحملوني شوي واذا فيه مطاعم غير اي كانت عربية او لا تذكرونه لي وبكون شاكر لكم ان شاء الله.

بالنسبة الاسعار مثل ما قلنا يختلف من مكتب ل مكتب و من موسم ل موسم ,
بالنسبة اسعار الرحلات الي حجزتها مناسبة جدا , اذا الفرق مش كببير , لأنه اخر رحلتي لبوكيت كانت على نفس الاسعار تقريبا ,,,
على ما اعتقد الرحلات الي حجزتهم بالنسبة لجميس بوند بالقارب الكبير 900 بات , وال بي بي ايلند يختلف السعر بالسبيد بوت ب 1000 بات و القارب الكبير بتكون ارخص , والرافتينج يختلف السعر اذا 9 كم او 12 كلم على ما اعتقد وتحصلها ب 1000 او 1100 بات تقريبا , وممكن تأخذ بيكج الرافتينج + اي تي في +ركوب الفيلة , والفنتازي شو سعره بدون المواصلات , عندهم بروشرات كثيرة واختار الي يناسبك ,,,
بالنسبة لزيارة الجزر احسن تأخذ الخبر من المكتب لأنهم ادرى , مع اني سافرت منتصف شهر 10 قبل كم من سنة وطلعنا على جميع الرحلات الوضع كان عادي ,,
بالنسبة للمطاعم عندك الكنتاكي + ماكدونالدز + برجر كنج + بيتزا كومبني ...الخ , اسألهم عن وجبة الحلال , لأنه عندهم وجبات معينة حلال مش الكل على قولتهم والله اعلم ، ومكن تأكل الاكل التايلندي رخيصة جدا واحلى شيء الميكس فرايد رايس روعه ،،,
اما النودلز بصراحة نحن ناخذه من 7/11 نسمي بالله وناكله والله اعلم ,,

مشكور يالغالي كفيت ووفيت الحين تقريبا وضحت امور كثيرة عندي واذا فيه شي او سؤال راح ارجع للمنتدى ولا تتضايق من كثر اسالتي

janii
خذ راحتك ، ما سوينا الا الواجب ،،
انا بنت مب ولد

ما قصروا الشباب
الله يسهل امورك

الغالي ما اتوقع بمطاعم الفاست فود في حلال والله اعلم . انا آخذ منهم ساندويش الفيش فقط
بس المطاعم العربيه كثيره . القاهره - دبي - الشرق ....الخ
واذا تحب السي فود بترتاح . في مطاعم تصير خلف تايجر اللي بالبنقلا ستريت اكلهم ممتاز واسعارهم رخيصه جدا

مشكورين اخواني ما قصرتوا وهذا كله في ميزان حسناتكم ان شاء الله واعتذر اختي مناتي ماركزت انج بنت بس ماقصرتي انتي والشباب والحمد لله الرحلة تسهلت وحجزت الفانتسي بالف 1550 مع مقعد ذهبي والعرض والذهاب والعوده وحجزت جيمس بوند ب 880 المركب الكبير وحجزت الرافتينغ مع عرض الفيلة والقرود والاي تي في بألف 1000 وحجزت بيبي ايلاند ب 1000 المركب السريع وحصلت الكبير ب 700 بس قلت اجرب السريع سمعت انه افضل وسعر الصرف اليوم 100 دولار 3080 مقابل مجمع الجنكلسيون وباقي لي يومين ان شاء الله في بوكت ورايح بانكوك
بهذا الخصوص عندي سؤال من وين تنصحون اخذ تاكسي حق المطار من الكشكات او المكاتب او الفندق او الي في الشارع وكم السعر المتوقع؟
واذا وصلت بانكوك كم التكسي ياخذني من المطار حق فندق امبسداور الجديد البرج؟
واخر طلب انه بقعد في بانكوك ثلاثة ايام ونص ابي اقضيها تسوق ابي اشتري شنط وساعات وملابس + ملابس رياضية حق المنتخبات والاندية حق تكون هدايا وشغلات اطفال مثل ادوات القرطاسيه نصحوني بسوق الصين ولا ادري طبعاً كوبي بس جوده عالية و ابي اروح السوق العائم ما اعرف كيف اوصل له واذا احد يقترح علي برنامج اكون شاكر له واعرف اني تعبتكم من كثر اسألتي بس مريت بتايا وبوكت وماشريت شي على كلام الاعضاء ان التسوق حق بانكوك لانه البضاعه الجديده هناك والسعر ارخص .