السلام عليكم ..
نيويورك تتكون من خمس اجزاء : منهاتن - بروكلين - كوينز - ستيتن ايلاند - برونكس
واهم منطقة في نيويورك هي منهاتن .. ولكن منهاتن كبيره شوي المنطقة الشماليه منها هاديه وما فيها سواح كثير و في منطقة اسمها هارلم يكثر فيها الامريكان من الاصول الافريقية و يقولون انها خطره شوي .. ولها تاريخ في الاجرام هذا الكلام قديم طبعا.. انا رحت لها مره بالسياره كانت الاجواء مخيفه شوي خصوصا انتشار سيارات الشرطة في كل مكان. وفي منهاتن احياء مختلفه وكل حي او جزؤ يكون له طابع مختلف .. مثل المدي تاون فيه التايم سكوير ويكثر فيه السواح والفنادق الي فيه مستواها ممتاز ولكن مو فخمه ..
الي يميز نيويورك ان فيها شبكة مواصلات حلوه واهم شي عند حجز الفندق احرص انه يكون قريب من محظة المترو "subway" علشان يسهل الانتقال.
واذا كان السكن غالي في منتهاتن منطقه بروكلين تعتبر قريبه من منهاتن ويمكن ربع ساعه بقطار الى منهاتن .. و نفس الشي كوين .. ولكن ما يعتبرون مناطق سياحيه مثل منهاتن .. يمكن يكون فيها مطهم مميز او منطقة فيها عرب ..
بالنسبه لك كسائح انصحك بالسكن في منهاتن .. هي الافضل..

الف الف الف شكر اخوي (نجم البوابة الامريكية)
اسعدني والله ردك واشكرك على المعلومات المفيدة وسوف اخذها كلها في الاعتبار

الى الان انا عرفت ان افضل الاماكن للسكن في منهاتن هي "midtown"
ارجو من كل من يعلم عن اماكن اخرى جيدة للسكن في منهاتن او بروكلين او كوينز التواصل معنا ولكم جزيل الشكر.

اشكرك اخي "fms"
بالنسبة لمنطقة بروكلين او كوينز : ماهي افضل منطقة سياحية امنة متوفر فيها كل الخدمات وقريبه من منهاتن

انا ساكن في بروكلين واعرفها اكثر من كوينز .. علشان كذا بتكلم عنها.
بروكلين تقريبا اكثرها سكنيه ما فيها فنادق كبيره .. في فندق ماريوت في داون تاون بروكلين .. و ميزته انه قريب من محطات القطار و قريب من منهاتن يعني محطتين من القطار وانت في منهاتن. بس ما عندي فكره عن السعر .. في بروكلين مناطق ينشتر فيها يهود .. تقريبا منطقتين ولكنها سكنيه ما فيها فنادق .. و في مناطق الامريكان السود .. و اكثر الي يتمشون في الداون تاون بروكلين سود ..ولكن امان ما فيه خوف بصراحه .. انا دايم اروح للداون تاون وامان الحمد لله
في ببروكلين ولكن بعيد شوي عن منهاتن يمكن نص ساعه منطقة اسمها يبرج فيها عرب ومطاعم عربية .. ما ادري لو في فنادق صغيره بالمنطقة هناك او لا.
وفي كوينز في منطقة اسمها استوريا فيها عرب ومطاعم و اكبر من منطقة العرب الي في بروكلين

جدا مشكور ياخوي "fms"
والله كلها معلومات جديدة بالنسبه لي لاني اول مره اروح ل usa وان شالله راح استفيد من كل كلمه كتبتها.
وبالمناسبة عندك معلومات اكثر عن كوينز ولكم مني جزيل الشكر