افا عليك يالطيب ،،
شارع زعبيل جوار مكتب البريد انا اعرف زعبيل وكل يوم اخطف فيها بس ما جد شفت البريد هذا ! احيد البريد في شارع الوصل ! عموما دام ترمس عن زعبيل فالمكان واحد ما يفرق وايد والفنادق اللي هناك لا تعد ولا تحصى ،، وانا بعطيك الاسماء والاسعار الاكيدة ولكن قبل 31 اغسطس ،،
فندق ابيس ،، الارخص وهو في مركز دبي التجاري بمنطقة زعبيل وشارع الشيخ زايد ،، سعره اقل من 300 ان ما خانتني الذاكرة 270 درهم ،،
فندق المركز التجاري بنفس المنطقة سعره 340 - 330 درهم ،،
فندق المنزل وقمر الدين خلف برج دبي ناطحة السحاب وسعره 500 درهم تقريبا مع الضربة وهو الاحدث من بين كل الفنادق حاليا ،،
فندق روتانا جميرا في شارع الضيافة سعره 400 درهم مع الافطار
وفي فنادق كثيرة في شارع الشيخ زايد وبعد قريبه من المنطقة اللي ترمس عنها ،، بس شوي اغلى من 550 يعني في حدود 700 - 900 ولكنها من افخم فنادق الدولة ،، مثل ابراج الامارات ،، فيرمونت ،، دوست دبي ،، شانجريلا ،،