أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
هلا اخوي
انا طالع على اول 7 انشالله وربعي اللي بلندن يدرسون كثير وكلهم لغايه امس مكلمهم يقولون الوضع عادي واكثر من عادي ولا في اي شي يبني ان في حاله وباء بالعكس الناس عايشه حياتها ويستخدمون الاندرقراوند وقاعدين بعز الزحمه ولافي اي تغيير حتى هاللحظه .. يعني الوضع عادي وتوكل على الله
بس استغربت انو الحاله وصلت للدرجه السادسه بس يقولون اكثر الدول تضرر امريكا واستراليا
اقضب ارضك ياخوي والله احنا هنا في بريطانيا
فعلا تشوف الوضع عادي لان هم هذي طبعهم مايقفون حياتهم
في بلادهم وشبيسون ""بس دام ان منظمة الصحه العالميه رفعت الخطر للدرجه السادسه
هذي مافيها لعبه وبعدين المرض منتشر فعلا بلندن (ولا تلقوا بايديكم الى التهلكه )
هلا والله اخوي ابن الكويت
من جد المنظمة العالمية للصحة رفعة المرض للدرجة السادسة وانا والله خايف من هالمرض الله يكفينا واياكم شره بس يالغالي مادامك حجزت وضبطت الحجوزات توكل على الله وماعليك ان شاء الله وانا كلمت اخوي قبل فترة وقالي الوضع عادي جدا والله يوفقك
كل أنسان معافى بيقول لك الوضع عادي !
هذا مرض فتّاك ويجب تجنبه الا اذا كنت مضطر للسفر
فأنصحك بالتالي :
1- كمام على الأنف والحنجرة في الطيارة وفي صالة الوصول
2- غسل اليدين بعد كل أختلاط او تعامل في المطار
3- تجنب الأماكن المزدحمة بالمدن والواقعة بجانب المطارات الدولية
4- عند دخولك لمدينة القدوم ردد الحديث :
روى صهيب رضي الله عنه ، أَنَّ النَّبِىَّ صلى الله عليه وسلم لَمْ يَرَ قَرْيَةً يُرِيدُ دُخُولَهَا إِلاَّ قَالَ حِينَ يَرَاهَا :
( اللَّهُمَّ رَبَّ السَّمَوَاتِ السَّبْعِ وَمَا أَظْلَلْنَ ، وَرَبَّ الأَرَضِينِ السَّبْعِ وَمَا أَقْلَلْنَ ، وَرَبَّ الشَّيَاطِينِ وَمَا أَضْلَلْنَ ، وَرَبَّ الرِّيَاحِ وَمَا ذَرَيْنَ ، فَإِنَّا نَسْأَلُكَ خَيْرَ هَذِهِ الْقَرْيَةِ وَخَيْرَ أَهْلِهَا ، وَنَعُوذُ بِكَ مِنْ شَرِّهَا وَشَرِّ أَهْلِهَا وَشَرِّ مَا فِيهَا )
5 - ان تقول أعوذ بكلمات الله التامات من شر ماخلق
وتذكر بان الحافظ هو الله واذا عزمت فتوكل
أخوك الكبير
السلام عليكم ورحمة الله و بركاته
اشوف الناس خايفه هنا مع ان المرض عادي مثل الانفلونزا العاديه
اما بالنسبه ان منظمة الصحه العالميه اعلنوا انه وباء فاهذا على اساس انه
اصيب شريحه كبيره من الناس في وقت قصير ومن اول ماطلع في قناة العربيه
يكتبون الانفلونزا الوباء
اشوف الاعلام مكبر السالفه لو تقرون عن المرض بتلاحظون انه شبيه بالانفلونزا العاديه
وان شاء الله لا قدر الله و اصيب به الانسان فانه بقدرة الله بيشفى
اذا الانفلونزا العاديه تقتل 300 الف شخص في امريكا سنويا
واغلبية اللي ماتوا من H1N1هم ناس اصلا ماعندهم مناعه مثل اللي فيهم ايدز
والمرض كل ماله و ينشر وصلنا السعوديه واليوم اكتشفوا 3 حالات غير اللي قبل واللي ماقالوا عنها
و مصر بعد والمغرب
يعني خلاص اصبح العالم كله متساوي
انا ان شاء الله اذا الله كتبه و بعد صلاة الاستخاره ان شاء الله بصلي واشوف
بسافر
لندن و باريس
والله يكتب الخيره المباركه
ونرجوا السلامه للجميع و سفره ممتعه
انا طالع على اول 7 انشالله وربعي اللي بلندن يدرسون كثير وكلهم لغايه امس مكلمهم يقولون الوضع عادي واكثر من عادي ولا في اي شي يبني ان في حاله وباء بالعكس الناس عايشه حياتها ويستخدمون الاندرقراوند وقاعدين بعز الزحمه ولافي اي تغيير حتى هاللحظه .. يعني الوضع عادي وتوكل على الله
بس استغربت انو الحاله وصلت للدرجه السادسه بس يقولون اكثر الدول تضرر امريكا واستراليا