بسم الله الرحمن الرحيم
السلام عليكم ورحمة الله وبركاته
اشكر كل من دلني وكل من ساعدني وكل من اعطاني معلومه وكل من دعا لي في ظهر الغيب....وعلى رأسهم
اخونا القائد الفذ ابو بسام ((SANDIRI ))....فلك كل التحية يابوبسام وجعلك ذخر لنا وللمنتدى.
طبعا بعضكم ممكن يستغرب من عنوان الموضوع....لكن يعلم الله انه طالع من القلب....وانا في كل مره اسافر لاندونيسيا اسوي حفلة اعتزال واقول اخر مره يا اندونيسيا وتوبة....وتطلع حفلة الاعتزال فشنك....حتى انه مره صادفت 991999 ....وللاسف برضو طلعت فشنك ((ولا يزعلون علينا النصرواية))
بدأت التخطيط للرحلة من وقت مبكر....وطبعا اختيار الصديق قبل الطريق وهذا اللي تم وبفضل من الله كانت من امتع الرحلات...
وصادف في الرحلة مقابلة بعض الاصدقاء مثلكم وشرواكم وقد قضينا عدة ايام جميلة معاهم.
قصينا تذاكر على خطوط الجارودا على درجة البزنس كلاس ب4200 ريال...من جده دايركت على جاكرتا
..ومن بعد هالدرجة قلت للشباب احلق شنبي اذا طلعت درجة غيرها....يالربع يكفي يوم تمد الكرسي الا وهو سرير...وقبلها قدك بالع حبتين هستوب((مضاد للحساسية)). ...وطبعا اللي انا معاهم دكاترة من وزارة الصحة...فنصحوني بالهستوب وبالفعل نومة الين قلنا سلام يا دمام....عفوا سلام يا جاكرتا.
طبعا لسوء حظنا هالسنة انه طلعتنا صادفت عطلة الاندونيسين مما سبب زحمة رهيبة للفنادق ...
اضطرينا بعدها السكن في فندق اوسيس امير...((مكره اخاك لا بطل)).
وفي الدور 18 الاكسيوكتيف وبمبلغ 360 الف روبية.
طبعا 3 ايام في جاكرتا ....كما جرت العادة السنوية.
وهذه صوره لغرفة الفندق:

طبعا الفندق اقدر اقول عليه سئ .....يكفي مع الاسف انه مويتهم مصدية.
وهذه صوره ملتقطة من نافذة الفندق:

طبعا في ثاني يوم طلبنا غداء من مطعم حضرموت وتوصيل للفندق وهذا المنيو يالربع((قائمة الطعام)):

وهذه صوره لشقق الالسون الملاصقة لفندق اوسيس امير:

وهذه الصوره تظهر فندقنا الشامخ .....لازم الواحد يمدح

وهذه الصور توضح اتريوم بلازا :

الى هنا وتنتهي حلقة اليوم...وانا عارف كل اللي ذكرته اليوم ...اي واحد سافر لجاكرتا يعرف كل اللي سبق...ولكن ابشروا بالخير قريبا في الحلقات القادمة.