نشر في لندن

انترنت في لندن

scarffy

26-07-2022 - 12:47 pm

مرحبا ..ارجو الرد ..
انا في لندن ..وللأسف الشقة الي انا فيها مافيها انترنت..
هل هناك طريقة ادخل النت ..مثل مودم نقال او بورتابل انترنت مثل e-go بالكويت..
ارجو الافادة لوسمحتوا..جدا في حاجته..خبركم الغربة؟؟؟ !!!! وما اقدر اغير الشقة اكثر من كذا..
تحيااتي
scarffy

التعليقات (5)

القطري

26-07-2022 - 03:15 pm

وعليكم السلام ورحمة الله وبركاته
هلا وغلا الغالي
فيه خدمه امسويتها فودا فون بس تعتمد على المده الي بتقعد فيها لأنهم يعطونها حق الي بيقعد سنه فما أكثر !!
فيه مثل قطعه صغيره ( مثل الفلاش ) تنباع من فودافون واتحطها في الاب توب وتستخدم النت في أي مكان في بريطانيا ..حتى وأنت في الهايدبارك او القطار تقدر تستخدم النت من خلال الاب توب ..
وإذا المده الي بتقعدها صغيره ( أقل من سنه ) فتقدر اتأجر هالقطعه من محلات النت العربيه الي في ادجول رود ولكنهم بياخذون عليك تأمين حوالي 100 باوند ( يمكن أكثر بشوي أو أقل بشوي يعتمد على المحل ) ..
وأي خدمه الغالي أحنا في الخدمه

بكادلى

26-07-2022 - 04:16 pm

السلام عليكم اشلونك اخوى الغالي scarffy بالنسبه يعنى ما فى خط تلفون قصدك بالشقه او فى خط بس يستقبل وانت اى ماكان بلندن اذا قريب عن اجور رود بعطيك رقم واحد كردى عراقى يضبطك تحياتى

USA Lover

26-07-2022 - 05:17 pm

اخوي لو عندك خط هاتف عادي .. تقدر تدخل الانترنت عن طريق Aol لكن بالضبط ماعرف طريقته مره سويناه بأوكسفورد سيتي .. وجانا شخص سواه لنا .. بس اعتقد انه شوي غالي على خبري ويحسب بالدقيقه نفس التلفون مايحسب بالشهر وجذي .. حسب ذاكرتي هذا اللي اعرفه لكن ممكن انلغت هالأشياء لانها قديمه

scarffy

26-07-2022 - 06:18 pm

أشكر الجميع على تفاعلهم وردهم السريع...وبالنسبة حق فودافون.. المشكلة في المدة مثل ما قال اخوي القطري.. على العموم شكرا وراح اسأل اكثر عن هذا الفلاش.. شكرا على ايه حال...
Scarffy

Round-trip

26-07-2022 - 07:19 pm

اذا اللاب توب فيه وايرلس شغله وشيك هل في شبكات واير لس
اذا لقيت شبكه اسمها BTOpenZone
اشبك عليها وسو لك اشتراك للفترة اللي تبيها يوم اسبوع شهر وهكذا
واستخدم انترنت وير لس
انا مجربها قبل اسبوعين في لندن بس كنت ساكت في الثيستل ماربل ارش وكان عندهم اكسس بوينت على بي تي اوبن زون

لندن المسافرون العرب

انترنت في لندن