الانتركونتيننتال : فندق مجدد يقع في زاويه البارك لين فندق حلو ومودرن وخدمته ممتازه واسعاره من 240 وطالع

حياك الله أخي العزيز راح أفيدك عن الفندق من مواقع تجارب مع الفندق وراح أسكن فيها في 13/11/2010 إن شاء الله والفندق رائع وجميل جداً في كل شيئ من حيث الفخامة و الموقع الممتاز وجمال الغرف الجميلة ويعتبر قريب من شارع أكسفورد و هاردز والحديقة وكذلك وهو ألاهم قريب جدا من المسجد تبع السفارة القطرية.

ياريت اعرف كم سعر الغرفة الدبل بالقطري ياريت صورة شخصية لة

هذي المطاعم القريبة من الفندق .. كثيرة جدا .. صورة من قوقل .. النقاط الحمراء هي المطاعم

وهذي الصورة المقربة للفندق يظهر فيها اسماء جميع المطاعم

علامة (A) هي الفندق .. والنقاط اللي حوله هي المطاعم
الطريقة سهلة جدا
ادخل على قوقل ماب https://maps.google.com.sa/maps?hl=ar&tab=wl
واكتب اسم الفندق تبعك مع اسم المدينة والمنطقة
InterContinental London Park Lane
راح يطلع لك الفندق بعلامة .. بعدها اكتب Restaurant
راح يطلع لك كل المطاعم اللي بالمنطقة .. وتقدر تشوف تقييم الناس لها
تمرر الماوس على المطعم ويطيك التقييم
اذا عرفت اسماء المطاعم اللي حولك .. تقدر ايضا تبحث عنها في Trip Advisor وتشوف افضلها وتروحله
رحلة سعيدة

بتول سعد
أختي البتول .. لازم تحددين الوقت اللي بتسافرين فيه عشان تعرفين سعر الليلة بالفندق
على افتراض انك بتسافرين في بداية سبتمبر
سعر الليلة بالريال القطري من موقع Booking.com
الغرفة الغير مستردة = 3,392.75
القابلة للاسترداد = 3,732.59
قابلة للاسترداد وتشمل الافطار لشخصين = 3,874.19
من موقع IHG
الغرفة المزدوجة لشخصين قابلة للاسترداد = 3,386.73 (فرق 350 ريال تقريبا عن كل ليلة)
ممكن ترتفع او تنزل على حسب تغير العملة .. لازم تسألين شخص خبير بالعملات في الموضوع هذا
الموقع الرسمي تبع InterContinental Hotel Group - IHG.com يضمن السعر الارخص
واذا لقيت ارخص منهم يعطونك الليلة الاولى مجانا
والافضل من هذا كله ان الواحد يشتري نقاط من شركة IHG ويستبدلها بليالي مجانية
تطلع ارخص بكثير .. بس قصتها طويلة جدا
مثل ما قلتلك سعر الليلة يعتمد كثير على تاريخ الرحلة