السلام وعليكم ورحمه الله وبركاته ,,
اتمنى من الجميع ان يكون بخير وصحة وعافيه ..
قصتي في مطار القاهره انا وحضرة الصول ومجدي ( موظف الكاونتر في مصر للطيران )
رحتلي المفروض تكون يوم الجمعه 17 سبتمر الساعه 3 الفجر انا وصاحبي .
المهم قبل الرحله باربع ساعات الساعه 11 بالليل طبعا يصادف يوم الخميس جالسين في احدى المقاهي
ونتشاور ياخي وش هالرحله الساعه 3 الفجر يانجلس بعد لين الظهر او العصر ولا نرجع قبلها الخميس
اما 3 الفجر صعبه ..
طيب ياصديقي وش رايك نفوت الرحله ونروح بعدها المطار اكيد بيطلعونا
طبعا من جهتي انا : لا وش نفوتها بكره الجمعه العالم كلها راجعه ودومات
قالي يعني مافيه احد بيصيرله حادث ولا مشكله وماراح يجي ههه
ضحكت وقلتله تم ..
قضينا يومنا طبيعي وصحينا الساعه 2 الظهر سوينا شك اوت من فندق الكونراد وعالمطار ...
وبدت سالفتنا من حضرة الصول (( نكته هالولد ))
كان واقف يفصل بين الرحلات الداخليه والخارجيه وكنا نبي ندخل للرحلات الداخليه عساس نقدر ندخن براحتنا وبالروحه وبالجيه
لان زي منتو عارفين امنعو التدخين منعا باتا في مطار القاهره الخاص بمصر للطيران ..
وتم التسجيل اسامينا في قائمه الانتضار لكل من الرياض والدمام والبحرين ..
طبعا وجهتنا الاساسيه للدمام ..
تخيلو من الساعه 3 تقريبا الى الساعه 9 جاء الفرج لقينا مقغد فاضي على رجال الاعمال فا كان الحوار بيني وبين خويي
ها انا ولا انت .. (( فجاه قلت انت ))
وراح
وانا بقيت بالمطار لين 11 ونص بعد مافقدت الامل وكلمت السواق قلتله ارجعلي انا مالقيت حجز
وبالرغم من اني كلمت وسويت اتصالات ولاكن كلها بدون جدوى المطار صاير زحمه ومصخره والعالم تبي ترجع
وفي غيري كثير يعني فرصتي محدوده ولاكن الاخ مجدي اللي واقف بالكاونتر كان جدآ محترم
ويحترم الدور فا كان انا الانسان التالي اللي لو فيه مجال وماحد جاء انا باخذ الكرسي حقه ..
والحمدلله الساعه 11 ونص عطاني البرودنق للرحله للدمام وكانت اقلاعها 12 وربع
وكنت كاتب في البي بي وقتها .. الحمدلله جاء الفرج انا مشيت وحضره الصول مشاء
مشينا بنفس الوقت ههه وزعل على خويي ليه يمشي وخلاني
تخيلو عشان كم ساعه اقضيها بمصر واستانس .. كلفتني 8 ونص وقوف بمطار القاهره ..
هو عشق في مصر ولا تعدينا حدود العشق ..
نصيحه ياخوان لاحد يغامر بحجزه خصوصا بايام السيزون لاني قابلت ولد معى امه صارلهم اكثر من 18 ساعه والام كانت تبكي انا انحرجت اسال الولد ,,,
الله العالم ياحاله وفاه
تقبلو مني خالص التحيات .. انا وحضرة الصول