اهلين اختي ليش متملله
انا عشت في هيوستن تقريبا سنتين وكانت هيوستن عاجبتني
وبالنسبه للمطاعم العربيه فيها كثير مطاعم عربيه مثل فادي مطعم لبناني اكله مره طعم له فرعين واحد علي الوست هايمر والثاني قريب من مبنى ارمكو عني انا كنت احب الفرع الجنب مبنى ارمكو لانه اجد
ام وايش كمان؟ اها وكمان فيه مطعم الديماسي وغيرها كثير
اما بالنسبه للاسواق فيه عندك الغلريا وكمان ممريل وكمان فيه اوت لت في منطقه قريبه علي هيوستن تقريبا 70 كلم اسمه كيتي ميل كمان فيه اوت لت تاني اسمه بريميم اوت لت هذا جديد وبالنسبه للحدايق
فيه كثير مثل الممريل بارك والهيرمن بارك في المدكل سنتر وفيه اماكن كثيره للصغار مثل متحف الاطفال
بصراحه في اماكن كثيره حلوه في هيوستن بس هذا الي يحضرني في الوقت الحالي واي استفسار انا جاهزه صح اتذكرت في سوق اسمه رايس فليج حلو صح مو مول بس حلو :tongue:

الف شكر يالغاليه
متملله لاني جديده في المنطقه
متحف اطفال برايك يستاهل اروح له عندي ولد عمره سنتين ونص
ويش فيه بضبط
ارامكو وين مكانه يالغاليه
مطعم اسمه فادي ممكن تكتبينه لي بالانجليزي
لاني دورت عليه في ويست هايمر ولا لقيته
الديماسي اليوم بحثت عنه بعد مادليت ويت مكانه بالضبط واسمه بالانجليزي
ادري اني تعبتك معااي
اسفه يالغاليه والف الف شكر

ادري اني تعبتك معااي
اسفه يالغاليه والف الف شكر
عادي ياحبيبتي مافيه تعب ولا شي
بالنسبه لمتحف الاطفال فهو مره حلو واكيد راح بنبسط ولدك ان شاء الله فيه (the children museum)
بالنسبه للمطاعم فيه كافيه فرنسي مره حلو اسمه la madlain
انا دحين مضطره احرج عشان رايحه الدوام بس ان شاء الله اذا رجعت اكتب لك العناوين بتفصيل

الف شكر فديتج
انا اليوم رحت لمطعم الديماسي وكان اكله حلو
اللى جمب فيستا
راح اجرب الكافيه اللى خبرتيني عنه
اختي سمعتي عن مجمع فيرست كيلوني في شوغر لاند
اذا تعرفينه يستاهل اروحله
راح ابحث عن عنوان متحف الاطفال علشان اودي عفريت اللى معااي ههه
الف شكر ياقلبي

انا حاس فيج يا حرم الكواري
انا الحين في هيوستن صارلي يومين و توني مأجر فورد موستنج و شكلي بروح سان انتونيو باجر لأن فيها شغلات وايد حلوه مثل سي وورلد و سكس فلاج و اماكن حلوه للياهال و طريجها مو اكثر من ثلاث ساعات من هيوستن
انصحج روحي مطعم اسمه هيوستنز متخصص بالستيك اكلي فيه هاوايان ستيك وادعيلي انا امس كنت ماكل فيه وفي سلطه حلوه نسيت اسمها بس اسمها اول شي بالمنيو مال السلطه فيها بينت سوس يعني فول سوداني انا لما قريت فول سوداني لاعت جبدي بس طلبيه لأن احتمال راح تطلبين وحده ثانيه
والحين بطلع و اقولج شنو اكتشفت
سلام
المطعم يم الغاليريا كتبي Houston`s restaurant
بالعافيه

الله يجزيك خير على الرد
انا اليوم مريت فيرست كولوني مول في شوقر لاند
بصراحه حلو
باقي كيتي مول بروح له بعد بكره باذن الله
لازم بروح لمطعم اللى قلت عنه واجرب الستيك والسلطه
سان انتونيو خاطري اروح بس 3ساعات وايد علي مااقدر اجلس وايد بالسياره
بس انتظر تقريرك واماكن اللى بتروح لها
اذا شجعتني بتوكل على الله
الف الف الف شكر على ردك

السلام عليكم
أختي هيوستن من أحلا المدن للعيش في أمريكا
روحو ال six flags
http://www.sixflagshouston.com/photos/
lجدا للألعاب و لاكن ملاحظة الخطرة
روحو لوكالت الفضاء الأمريكيا ناسا
هيا في هيوستن و تبعد شوي
و روحو لي دلس مدينة حلو
بس تو الناس شبعو من أهيوستن بالأول
و الله يوفقكم و يانسكم بالعافية

هلا اخوي كويتي شرقاوي
فعلا كلامك صحيح
للمعلوميه يااخوي ترى six flags
اللى في هيوستن سكروه للاسف
البعض مايمدح وكالت الفضاء الناسا قالولي ممله علشان كذا شليتها من بالي
بس شكلي بروح لها
مدينه لي دلس ويش فيها يااخوي ممكن تخبرني عنها واكون شاكره لك
الف الف شكر

هلا و الله أختي
دلس مدينة نفس هيوستن في ولاية تكسس
طبعا ما أتقارن في أهيوستن هيوستن أكبر
بس أنا أنص فيها بعد ما نشبعون من هيوستن روحو لها
الداون تون مالها حلو
فيها مولات و فيها six flags
و طبعا لو تشفون خريطتها تلقينا نفس هيوستن من ناحية الهايويزز
و نفس هيوستن في هايوي يدور حول الداون تاون
و المولات و مدينت الألاعاب الخطرة تلقونها علية و لا بقايوي قريب منه هذا الهايوي بس هو هم يوديكم
و أي شي أنا حاظر