السلام عليكم
ابي منك خدمه تشوف لي هذا الفندق admiral hotel في هذا143 Sussex Gardens الشارع واذا ماعليك امر انا واصل ان شاء الله في تاريخ 6/7 اوفيه حواليه فنادق كثير ماني عارف اسمائها خذلك لفه ولاعليك امر ابي الاسعار تكون في حدود 50 بوند الله لايهنك تراني في انتظارك تحياتي لك اشوفك في الكوستا كوفي اللي قريب من الهلتون اهم شي ترد علي

ابوخالد2005
مرحبا حبايبي .........
سفره سعيده ... وان شاء الله تنبسطون كثير
اخوي ابو خالد بالنسبة للفندق سكنت فيه شهر 7 -2008
طبعا بسيط جدا 00 عيوبه : ما فيه مصعد للادوار العلوية وهذي مشكله في حال معك اغراض كثير
الافطار تبعهم ممل جدا بيض ومربى و خبز توست فقط كل يوم
الغرفة ضيقة جدا و دورة المياه ايضا .
مميزاته موقعه ممتاز - وسعره رخيص

الحمد لله على السلامه اخ زعابي
السؤال اللي ملينا واحنا نساله
شلون الاوضاع الصحيه

زعابي من لندن
السلام عليكم
الحمدلله على السلامه
اقامه سعيده وسفره رائعه انشا الله
عندي سؤال لو سمحت انت كنت ساكن بأي ملينيوم لاني بسكن بالنايتس بردج فلو كان هو
ممكن اعرف منك شرايك فيه من النظافه والحدمه بض النظر عن صغر الغرفه
واذا كان موقع الكمبرلاند او موقعه هو افضل
الف شكر

الحمد لله عالسلامه
اتمنى لك رحله سعيده

تكفى اخوي لو انت بتمر شارع Sussex Garden
علشان تشيك عالفنادق للأخوان شوفلي وضع الفندق هذا لو في مجال
Hotel Shaftesbury Premier London Hyde Park
وشكرا لك

الحمدلله على السلامة
ورحلة موفقة ...وبانتظار التقرير

حمدلله على سلامتك

السلام عليكم
أشكر كل اللي دخلوا موضوعي المتواضع واتمنوا لي السعادة في السفرة هذي
الاخ الكريم بو خالد
ما بزود على كل العزيز الغالي aoa
وترى ما راح تلقى مكان ترتاح فيه بالسعر اللي تطلبه يا الغالي
الرخيص يا كثره ممكن ادلك على اقرب منه للسنتر بعد بس ما يسوى.. لا من نظافه ولا من سعه
الأخت العزيزة قطرية وكلي فخر
انا اللي افتخر انج دشيتي موضوعي وبالنسبة للاوضاع الصحية ترى ما فيه شي الناس تهوم بالشوارع والاسواق
وناكل من كل مكان ونجلس في كل الكافيهات يا عيني على هارودز بس ترى مب زحمة كل سنة للحين
وانا سمعت انه التاشيرات وصلت 30000 فقط من السعودية حبايب قلبي تعالوا بسرعة
:bounce8:
اختي فوفة العزيزة
الملينيوم هو نفسه نعم اللي بالنايتسبريدج وبالفعل هو فندق حلو وروعه وراح انزل الصور باذن الله بس الوقت ما سعفني الحين.. من ناحية النظافه لا تحاتين بس الغرف لج عليها شوي ضيقه ديكور ولا اروع فطور فخم ومتنوع وخدمة راقية
و اللي يميز الفندق روعه استقبال الموظفين وابتسامتهم يشيلون الواحد بعيونهم
وبالنسبة للكمبرلاند طبعا هذا فندقنا كل سنة مالنا غنى عنه ...بخصوص الموقع بالنسبة لي كلهم متميزين
يس مدري شو بالنسبة لج تبين مكان جريب من الشوبينج و العرب والا هارودز والكوفيات
وترى كلهم اقرب مما تتصورين للهايدبارك :8888: خمس دقايق بس