ولد الريااض
28-08-2022 - 03:39 pm
السلام عليكم
مساء الخير
ابشركم وصلنا امس سالزبورغ مع يوم كان متعب جدا لكن الحمدلله شيق وممتع
طبعا استلمنا السياره من مطار ميونخ وكنت حاجز من سيكست فرع الرياض ولما وصلتهم عطونا نفس النوع لكن حجم اصغر لكن اصريت لين عطونا نفس الحجم
وقبل هذا كله اول ماوصلنا المطار توجهنا لتقديم الجوازات كنت شايل هم لان الفيزا مطلعها من النمسا سالني بكل لطافه قالي وين بتروح قلتله النمسا قالي كم يوم بتقعدون عطيته المده وختمت الجوازات وياربي لك الحمد تيسرت الامور
عندي الله يعافيكم كم سوال
الاول
السرعه محدده باللوحات لكن اغلبهم لايتقيدون بالسرعه المحدده لان امس وانا طالع من ميونخ باتجاه سالزبورغ كل سالكي الطريق مسرعين واسرعت معهم مدري وش السالفه
وبخصوص داخل سالزبورغ الحقيقه لخبطت شوي واتوقع ان قطعت اشارتين ودخلت بالغلط على موقف باصات
هل عندهم كاميرات تصوير يعني الله يستر لايكون عطوني مخالفات
اخير غدا ان شاء الله طالع لزيلامسي وش تنصحوني ازور بالطريق لاني زرت بسالزبورغ الاوت ليت ونهر السالزاك وش رايكم بالبحيرات الثلاث هل هي على الطريق وتستحق الزياره
ودعواتكم لنا بقضاء اجازه ممتعه
شاكر ومقدر حسن تجاوبكم وتعاونكم معي ومع غيري من اعضاء المنتدى الرائع جعله الله في موازين حسناتكم
اللي اعرف انه بعض الطرق مراقبه بكاميرات للسرعه ويكون فيه لوحه انه الطريق في كاميرات
واللخبه بالاشارات والمواقف طبيعيه جدا بأول يوم وبكرا بتحس الوضع احسن بكثير
واقترح عليك تمر البحيرات وولف قانق واللي حولها ومنها تتوجه لزيلامسي
رحلة سعيده باذن الله