الباراشوت 1200 لشخصين سعر معقول
اما الحديقه والفيله 6000؟؟؟ سعر مبالغ فيه حيل
الفيله والتماسيح والثعابين وغيره سعر الدخول رمزي
وسعر التكسي رايح جاي ماراح يكلف اكثر من 400 بات
ال6000 بات على شنو دافعها عن طريق مكتب او شنو لانه سعر غالي حيل

حصلت الاعلان في لوبي الفندق وخليت صاحبة الفندق تحجز لي عليها ..
واعطتني وصل ب 6000 بات ..
وبقية الرحلات احصل اعلاناتها في اماكن سياحيه ..
مثلا رحت الرمايه .. وحصلت عندهم اعلان لحديقة الفيله ..
وكلمت بنت شغاله هناك وقالت 6000 بات ..
وهكذا الشغله ..
يعني ما حجزت عن طريق مكاتب ..

يااخوي أركد ودور زين
لا تأخذ على طول
مر أكثر من محل وشف الازين والأرخص
قريت كثير
اللي فهمته ان الأسعاار متباينه
فلاتستعجل وتحجز دون المرور على أكثر من مكان للحجز
اتمنى لك سفره سعيده ان شاء الله

فني زاحف
حياك الله اخي الغالي بالنسبه لبتايا مارحت لها ولكن اكيد نفس باقي المدن في تايلاند
عموما الله يهديك فيه احد يحجز رحله من فندق !!! اكيد الفندق غالي
رح الله يرضى عليك الى كشكات الرحلات ومر اكثر من واحد وبتحصل السعر بين المكاتب متفاوت واختار السعر اللي
يصلح لك
بالنسبه للرمايه انا اخذتها في بوكيت مااذكر كم السعر الان لكن غاليه
رحلة الغابات اذا كانت سفاري مااعتقد انها تكون غاليه اذا نفس شيانغماي وبوكيت اذا طارت 1500 بات للشخص
بقولك حاجه فهمتها من الحجوزات
المكاتب السياحيه تعطيك توفير ماهو سهل لأن الحكومه تدعم السياحه والاماكن السياحيه يعطون اهل المكاتب اسعار
جداً رخيصه
على سبيل المثال كنت في بوكيت واخذت تذكرتين لفنتازيا من نفس فنتازيا بمبلغ 4500 بات لشخصين
مثل بكره رحت لمكتب بوم وهذا مشهور سألتها بكم فنتازيا قالت بعطيك ب3000 بات لشخصين
تشوف كم الفرق 1500 بات
على العموم مااقول الا عسى الله يوفقك وتأكد قبل تدفع فلوسك انك تأخذ الرحله والسعر الانسب خصوصاً ان باقي لك
محطه اخرى وهي بوكيت وماادراك ماهي بوكيت
الله يوفقك ويستر عليك اخي الغالي

الاسعار اللي انت حطيتيها مبالغ فيها حيل
وشكلهم اضحكوا عليك
اذا تبي رحلات في اللي قدام فيسي يقعدون ويعطونك بروشرات الرحلات
وانت كاسرهم
واذا تبي رحلات بحريه لا تاخذ منهم
روح للشاطئ ببداية شارع الولكن ستريت وتلقى كذا واحد واقف قدام طراده ويعرض عليك
سعر البرشووت للشخص 400 بات
يعني شخصين 800 بات
انتبه ياخووك من الاستغلال

اذا رحت بوكت اول ما توصل مطار بوكت اول ما تطلع من البوابه تحصل قدامك مكاتب سياحيه
انت اول ما تطلع من الباب شوف المكتب اللي على يسارك وحده اسمه nat
انا كاتب عندها كلام بالعربي وحاط ايميلي ههه ( اني انصح انكم تاخذون من عندها ))
واذا تبي رقمها انا حاضر اعطيك
وهي حبيبه وما تقصرر

فني زاحف
اكبر غلطة انك حجزت من الفندق
, لأنه السعر مبالغ جدا جدا ,,
نصيحة لوجة الله لا تحجز من الفندق ولا المطار ولا مع اصحاب التاكسي الي يقولوا انه بيوديك لمكتب سياحي رخيص , لأنه طبعا ياخذوا عمولتهم ,,,
انت ما عليك الا تحجز من المكاتب السياحية والاكشاك المنتشرة في بتايا او بوكيت ....الخ , خذ لفة اكثر من مكتب او كشك وخذ الي يناسبك ,,,
رحلة موفقة