نعم نفس المشكلة مع الجميع
أنتظر ان شاء الله الجو بيصحصح شوي بكره وبيكون رائع الأربعاء والخميس
ممكن تستخدم قوقل ماب وممكن تشوف الأماكن المغلقة من اهمها سوق الويست سايد
اتبع اللوح للعاصمة بيرن الى ما مخرج 29 (بيت لحم) بعد بيرن على طول
التقاط الإشارة من القمر الصناعي راح تاخذ منك مدة طويلة الى ما يلقط الإشارة تصل للنصف ساعة
حاول تضغط بايدك على علامات قوة الإرسال على الشاشة وراح تشوف اقرب قمر صناعي لك
بالتوفيق

تسلم اخي بو عزيز ماقصرت جزاك الله الف خير
عندي بس استفسار صغير انا خذيتلي شريحة فودافون من المانيا وعلى كلام راعي المحل تقدر تشحنها من سويسرا والنمسا ويوم وصلت سويسرا خلص الشحن حق البطاقه وابي اشحنها ماحصلت فودافون وش الحل والان شابك على سويس كوم الجوال

نفس المشكلة صارت معي
لكن إذا السيارة فيها قارمن تقريبا يكون على طول لاقط اقمار
لكن كلما تطلع فوق الجبال طبعا مع طرق السيارة رااح يلقط ولاتخاف صارت لي
وربي يوفقك
ويا لبى انترلاكن بس

الجنتلمان
اكيد ممكن تشحنها من اي محطة بنزين واكيد الرومينق بيكون على السويس كوم لأنها متفقة مع الفودافون لكن اكيد ايضا السعر بيكون غالي عليك واوفر لك تاخذ شريحة محلية
بالنسبة لجهاز الملاحة حبيت اضيف و أوضح شغلة مهمة وهي ان جهاز الملاحة الموجود في السيارة يمكن بكل سهولة ان يفقد الإتصال عندما توجد عاصفة رعدية او تكون السماء ملبدة بالغيوم
وحتى قبل امس جهاز الملاحة ما اشتغل من العاصفة الرملية اللي ضربت الإمارات واضطريت استخدام اللوح الإرشادية
جهاز الملاحة جدا حسساس وتوجد ارايل خارجية ممكن تثبت خارج السيارة وتتصل بجهاز الملاحة الموجود في داخل السيارة
هذا فقط للتوضيح والمعلومية