الفراشة الحالمه
21-09-2022 - 10:19 am
اخواني و اخواتي الاعزاء
هاذي اول مره اشارك معاكم في هذا المنتدى الرائع الي اهنيكم عليه وعلى الجهود الي تبذلوها ليكون في هذا المستوى من التألق
صار لي فتره ادور بين المنتديات ابحث عن معلومات واجابه عن اسئله تدور في بالي
لاني على مفترق طرق
وارغب بأكمال دراستي
وبصراحه انا طالبه فزعتكم معاي
انا نويت اروح امريكا ومن هناك اقدم على طلب التحاق للبعثه
حاليا انا محتاره في اختيار الولايه و الجامعه الي ناويه ادرس فيها
بس في بالي يا سياتل او اي ولايه من الولايات الشماليه لانو سمعت ان المعيشه فيها مو غاليه واجد و آمنه وفي نفس الوقت اهلها طيبين و ودودين
انا وضعي صعب شوي لان بيكون معاي ولدي وعمره سنه ونص (زوجي ما يقدر يروح معاي لظروف العمل)
واكيد بحتاج انو اودي ابني للحضانه هناك (عندكم اي فكره عن تكاليفها؟؟؟)
التخصص الي ابي ادرسه هو بكالوريوس تصميم داخلي
ابغى استقر على الولايه واختار الجامعه بسرعه علشان اقدم اوراقي واسجل بمعهد لدراسة اللغه
واذا رحت اطلب الالتحاق بالبعثه
اخاف اتأخر بالروحه الى امريكا وبعدين يطلع قرار جديد يلغوا الالتحاق من هناك
على فكره انا ما احتاج فيزا لانو عندي جواز امريكي
فيا ليت تساعدوني بالي تقدروا عليه و أي معلومات ممكن تقدموها الي تفيدني
سواء عن افضل الولايات الشماليه
او مدينة سياتل بالتحديد وافضل جامعه فيها
ايش الخطوات الي لازم اسويها الحين وانا بالسعوديه
والاوراق الي لازم اخذها معاي
املي في الله ثم في مساعدتكم الي كبير
والله يعطيكم الف عافيه
الدراسة في امريكا
بالنسبه لسياتل جوها اكثر الاوقات ممطر واتوقع انها غاليه والله أعلم !
وبالنسبه وش مطلوب منك اذا بتطلبين الحاق بالبعثه اولا تخصص مطلوب وجامعه معترف فيها ..
وعذرا لاملك معلومات كافيه عن سياتل ، واذا تبين افيدك عن ولايتي ماعندي مشكله .
وبالتوفيق لك