اهلا وسهلا فيكم في بيتكم الثاني وحياكم الله
الاسعار في لندن
لندن تعتبر ثاني اغلى بلد في العالم بعد طوكيو
بالنسبة للمواصلات مثلا
سعر التكسي نعم غالي تقريبا سعر الكيلو متر 5 باوند
ولكن استخدام الباص ب 3 باوند في اليوم و 5 باوند الاندرجراون + باص
الاكل
توجد وجبات عربية في الاجور رود و وجبات ايرانية ويمنية من 6 الى 10 باوند والفاست فود غير اسلامي
المطاعم الشامية سعر الفلافل 3:50 الحمص 5 باوند وتختلف الاسعار بين المطاعم
بالنسبة للفنادق
يوجد موضوع مثبت عن الفنادق
بالنسبة للامان الحمد لله امان ولكن في اي بلد لاتطلع بعد الساعة 12 وخاصة في الاماكن المتفرعة
بالنسبة للغة عندي واحد من ربعي صارلة 3 شهور هنية مايعرف اليس ولا النو و ماشي حالة - مادري كيف !!
بالنسبة للوالد الله يحفظة
ودية الهايد بارك
والرجنت بارك
واذا عينة زايغة لاتودينة لانة كلة عيايز مال البلاد لوول
والتسوق
الاكسفورد استريت
الهارودز
رحلة سعيد

لول شلون عرفت ان عينه زايغه؟؟؟
مشكور على الرد والمشاهدين شاركونا الله يعافيكم

وعليكم السلام ورحمة الله وبركاته
حياج الله بين أخوانج وخواتج وان شاءالله اتلاقين الي يرضيج بينا ..
الله أيخلي لكم الوالد وأيخليكم له ان شاءالله ..
كل مكان فيه الغالي وفيه المعقول وفيه الي ايمشي الحال ..لندن غاليه للي يبي ورخيصه للي يبي ..
مثل ماقال اخوي الموادع ان الباصات والأندرقراوند يغنون عن التكاسي الغاليه ..
ولكن !
متعة وجمال لندن في المشي ..إذا مامشيتوا في لندن عجل وين راح تمشون !!
وبالنسبه للأماكن الحلوه عندج الهايدبارك هذي لازم يومياً الوالد ايروح هناك بس حاولي اتروحون عند البحيره ..
وعندج الكوفنت قاردن خلي الوالد يستانس هناك ..وإذا الوالد ايحب القهاوي فخليه يقعد على أحدى الكوفي شبات على ادجول رود ..
أما بالنسبه للسوق فعندج شارع أكسفورد + مجمع السليفرج + هارفي نيكولز + شارع سولان ستريت الخاص بالماركات..
أما المطاعم كنت أخذ 2 شاورما ب 7 باوند ..البيبسي او غيره تقدرين تاخذينه من سوق السبت بأرخيص ..
بالنسبه للفاست فود في واحد حلال بعد الجسر الي على ادجول رود وكأنج رايحه سوق السبت أسمه تشيكن كوتيج ..
تقريباً نفس نظام كنتاكي وأكلهم حلال 100/100 ان شاءالله ..
من ناحية الأمان لاأتحاتين البلد أمنه ..
أما فندق السليفرج أذكر العام سكروه بسبب الصيانه وراح ايكون امسكر تقريباً لمدة سنتين او 3سنوات ..فأتمنى تتأكدون من سالفة الفندق ..
رحله سعيده ان شاءالله ..
وأي خدمه احنا في الخدمه ..
وماقصر الموادع جعله ذخر لنا ..

موادع1
أم
أخر سنتين تعتبر موسكو هي الأغلى في المعيشه ومن بعدها لندن حسب ماقريت وأذكر اني نزلت موضوع بهذا الخصوص ..

بالنسبة للاسعار غالية من ناحية المواد الغذائية والتاكسي فقط اما التسوق خصوصا في المحلات اللي عندهم تنزيلات اسعارهم زهيدة جدا راح تنصدمين منها .. والتسوق هناك مايحتاج الى تاكسي شارع الاكسفورد لاتكفيه ثلاث ايام اذا كنتم ناوين عالتسوق كل الماركات المعروفة موجودة بالشارع نفس شارع الفندق .. على فكرة فندق السيلفرج عليه ترميم حاليا ممكن يكون غير جاهز نهائيا هالصيف .. تأكدوا من المكتب .. اما الوالد الله يحفظة يكفيه الهواء العليل والجو الشاعري راح يخليه يرجع شباب ..

بعدي عن الأجوارود وأنتي بخير

يؤؤؤ عسى ماشر ابعد عنه؟؟
وماقصرتوا كفيتو ووفيتو ياجماعة
ومن ناحية الفندق ان شاءالله بتأكد منهم وشاكره لكم ردودكم اللي نورتني

القطري
يعني لندن الثانية - يعني قضيتنا صح
على فكرة موسكو راتب الجندي فيها 90 دولار كيف بتكون اغلى بلد

موادع1
تفضل الغالي
في هذا الرابط بتلاقي تصنيف الدول الأغلى ..
1- موسكو
2- لندن
3- سيئول
4- طوكيو
http://arabic.cnn.com/2007/business/6/19/moscow.expensive/index.html