مساكم الله بالخير...
باختصار هذا اللي صار لي...
انا مبتعث ارامكو وموعدي كان بشهر 5 بالرياض وقالي الموظف كل شي اوكي بس ناقصتني الاي توني مابعد خذتها وقال لي اول ماتوصلك ارسلها مع الجواز..
بعدها بيومين جاني اتصال وين جوازك وقلت له اني انتظر الاي توني اول مايوصل برسلهم..
وصلني الاي توني الاحد 13 جولاي وارسلته عن طريق ارامكو الاثنيين 14 ويفترض انه يكون بالسفاره الثلاثاء من بكره...
كانت خطتي اني بسافر لحالي وبديسمبر برجع واخذ زوجتي وبنتي عشان كذا موعد زوجتي كان باخر اوقست...
الخطه غيرتها وقلت باخذهم معي وراسلت السفاره الثلاثاء 15وجاني الرد بنفس اليوم على موعد لهم ب 20 جولاي الاحد..
رحنا المقابله وقال الموظف لزوجتي كل شي اوكي وجوازك بتستلمينه خلال اسبوع انتي وبنتك..
سألته عن جوازي وشيك وقال استلمناه امس 19 جولاي السبت ويبي له اسبوع عمل وكل شي اوكي..
طلبت منه ارسال الجوازات مع بعض لان جوازي ارسلته مع ارامكو وبيرجع عن طريقهم وماعندي اي ورقه اراجع فيها و عطاني كرت ابيض تسديد الفيدكس لزوجتي وبنتي وقال بحط نوته ان الجوازات تكون مع بعض..
وصلت جوازات زوجتي وبنتي بعد اسبوع بالضبط الاحد27 جولاي كلموني الفيدكس واخذتهم وبقى جوازي مدري وش سالفته...
طبعا ارسلت ايميل وجاني رد من الهيلب ديسك يقولون كلم السفاره وكل يوم ماسك التلفون ومااحد يرد...
على هالرقم 014883800#4445
ابي رايكم بالموضوع تتوقعون مارح يفيزون لي او مجرد تأخير واذا مارح يفيزون لي ليه يقولون لي اوكي ويكلمون يسألون عن الجواز؟؟ وليه يصدرون فيزا لزوجتي وبنتي بناءا على الاي توني حقي ؟؟